Siracide 20
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Quam bonum est arguere quam irasci, et confitentem in oratione non prohibere! | 1 Quam bonum est arguere, quam irasci, et confitentem in oratione non prohibere ! |
2 Concupiscentia spadonis devirginans iuvenculam: | 2 Concupiscentia spadonis devirginabit juvenculam : |
3 sic qui facit per vim iudicium iniquum. | 3 sic qui facit per vim judicium iniquum. |
4 Quam bonum est correptum manifestare paenitentiam! Sic enim effugies voluntarium peccatum. | 4 Quam bonum est correptum manifestare p?nitentiam ! sic enim effugies voluntarium peccatum. |
5 Est tacens, qui invenitur sapiens, et est odibilis, quia procax est ad loquendum. | 5 Est tacens qui invenitur sapiens : et est odibilis qui procax est ad loquendum. |
6 Est tacens non habens responsum, et est tacens sciens tempus aptum. | 6 Est tacens non habens sensum loquelæ : et est tacens sciens tempus aptum. |
7 Homo sapiens tacebit usque ad tempus, lascivus autem et imprudens non servabunt tempus. | 7 Homo sapiens tacebit usque ad tempus : lascivus autem et imprudens non servabunt tempus. |
8 Qui multis utitur verbis, exsecrabitur; et, qui potestatem sibi assumit iniuste, odietur. | 8 Qui multis utitur verbis lædet animam suam : et qui potestatem sibi sumit injuste, odietur. |
9 Est processus in malis viro indisciplinato, et est inventio in detrimentum. | 9 Est processio in malis viro indisciplinato, et est inventio in detrimentum. |
10 Est datum, quod non est utile, et est datum, cuius retributio duplex. | 10 Est datum quod non est utile, et est datum cujus retributio duplex. |
11 Est propter gloriam minoratio, et est qui ab humilitate levat caput. | 11 Est propter gloriam minoratio, et est qui ab humilitate levabit caput. |
12 Est qui multa redimat modico pretio et restituens ea in septuplum. | 12 Est qui multa redimat modico pretio, et restituens ea in septuplum. |
13 Sapiens in verbis seipsum amabilem facit, gratiae autem fatuorum effundentur. | 13 Sapiens in verbis seipsum amabilem facit : gratiæ autem fatuorum effundentur. |
14 Datum insipientis non erit utile tibi, oculi enim illius septemplices sunt: | 14 Datus insipientis non erit utilis tibi : oculi enim illius septemplices sunt. |
15 exigua dabit et multa improperabit, et apertio oris illius quasi clamantis. | 15 Exigua dabit, et multa improperabit : et apertio oris illius inflammatio est. |
16 Hodie feneratur quis et cras expetit: odibilis est homo huiusmodi. | 16 Hodie f?neratur quis, et cras expetit : odibilis est homo hujusmodi. |
17 Fatuus dicit: “ Non est mihi amicus, et non est gratia bonis meis ”. | 17 Fatuo non erit amicus, et non erit gratia bonis illius : |
18 Qui enim edunt panem illius, falsae linguae sunt. Quoties et quanti irridebunt eum! | 18 qui enim edunt panem illius, falsæ linguæ sunt. Quoties et quanti irridebunt eum ! |
19 Neque enim, quod habendum erat, directo sensu distribuit, similiter et, quod non erat habendum, est indifferens ei. | 19 neque enim quod habendum erat directo sensu distribuit ; similiter et quod non erat habendum. |
20 Melius lapsus in pavimento quam lapsus linguae: sic casus malorum festinanter veniet. | 20 Lapsus falsæ linguæ quasi qui in pavimento cadens : sic casus malorum festinanter veniet. |
21 Homo acharis quasi fabula importuna; in ore indisciplinatorum assidua erit. | 21 Homo acharis quasi fabula vana, in ore indisciplinatorum assidua erit. |
22 Ex ore fatui reprobabitur parabola, non enim dicit illam in tempore suo. | 22 Ex ore fatui reprobabitur parabola : non enim dicit illam in tempore suo. |
23 Est qui vetatur peccare prae inopia, et in requie sua non stimulabitur. | 23 Est qui vetatur peccare præ inopia, et in requie sua stimulabitur. |
24 Est qui perdit animam suam prae confusione, et ab imprudenti persona perdet eam; personae autem acceptione perdet se. | 24 Est qui perdet animam suam præ confusione, et ab imprudenti persona perdet eam : personæ autem acceptione perdet se. |
25 Est qui prae confusione promittit amico, et lucratus est eum inimicum gratis. | 25 Est qui præ confusione promittit amico, et lucratus est eum inimicum gratis. |
26 Opprobrium nequam in homine mendacium, et in ore indisciplinatorum assidue erit. | 26 Opprobrium nequam in homine mendacium : et in ore indisciplinatorum assidue erit. |
27 Potior fur quam assiduitas viri mendacis; perditionem autem ambo hereditabunt. | 27 Potior fur quam assiduitas viri mendacis : perditionem autem ambo hæreditabunt. |
28 Mos hominis mendacis est sine honore, et confusio illius cum ipso sine intermissione. | 28 Mores hominum mendacium sine honore, et confusio illorum cum ipsis sine intermissione. |
29 Verbum parabolarum. Sapiens in verbis producet seipsum, et homo prudens placebit magnatis. | 29 Sapiens in verbis producet seipsum, et homo prudens placebit magnatis. |
30 Qui operatur terram suam, inaltabit acervum frugum, et, qui operatur iustitiam, ipse exaltabitur; qui vero placet magnatis, effugiet iniquitatem. | 30 Qui operatur terram suam inaltabit acervum frugum, et qui operatur justitiam, ipse exaltabitur : qui vero placet magnatis effugiet iniquitatem. |
31 Xenia et dona excaecant oculos iudicum et quasi camus in ore avertunt correptiones eorum. | 31 Xenia et dona excæcant oculos judicum, et quasi mutus, in ore avertit correptiones eorum. |
32 Sapientia absconsa et thesaurus invisus, quae utilitas in utrisque? | 32 Sapientia absconsa, et thesaurus invisus, quæ utilitas in utrisque ? |
33 Melior est, qui celat insipientiam suam, quam homo, qui abscondit sapientiam suam. | 33 Melior est qui celat insipientiam suam, quam homo qui abscondit sapientiam suam. |