Siracide 18
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Qui vivit in aeternum, creavit omnia simul. Deus solus iustificabitur et manet invictus rex in aeternum. | 1 Qui vivet in æternum creavit omnia simul. Deus solus justificabitur, et manet invictus rex in æternum. |
2 Quis sufficit enarrare opera illius? | 2 Quis sufficit enarrare opera illius ? |
3 Et quis investigabit magnalia eius? | 3 quis enim investigabit magnalia ejus ? |
4 Virtutem autem magnitudinis eius quis enuntiabit? Aut quis adiciet enarrare misericordiam eius? | 4 virtutem autem magnitudinis ejus quis enuntiabit ? aut quis adjiciet enarrare misericordiam ejus ? |
5 Non est minuere neque adicere nec est invenire magnalia Dei; | 5 Non est minuere neque adjicere, nec est invenire magnalia Dei. |
6 cum consummaverit homo, tunc incipiet et, cum quieverit, aporiabitur. | 6 Cum consummaverit homo, tunc incipiet : et cum quieverit, aporiabitur. |
7 Quid est homo, quis defectus, et quae est utilitas illius? Et quid est bonum, aut quid nequam illius? | 7 Quid est homo ? et quæ est gratia illius ? et quid bonum aut quid nequam illius ? |
8 Numerus dierum hominum ut multum centum anni, quasi gutta aquae maris deputati sunt, et sicut calculus arenae, sic exigui anni in die aevi. | 8 Numerus dierum hominum, ut multum centum anni, quasi gutta aquæ maris deputati sunt : et sicut calculus arenæ, sic exigui anni in die ævi. |
9 Propter hoc patiens est Deus in illis et effundit super eos misericordiam suam. | 9 Propter hoc patiens est Deus in illis, et effundit super eos misericordiam suam. |
10 Vidit praesumptionem cordis eorum, quoniam mala est; et cognovit subversionem illorum, quoniam nequam est. | 10 Vidit præsumptionem cordis eorum, quoniam mala est : et cognovit subversionem illorum, quoniam nequam est. |
11 Ideo adimplevit propitiationem suam in illis et ostendit eis viam aequitatis. | 11 Ideo adimplevit propitiationem suam in illis, et ostendit eis viam æquitatis. |
12 Miseratio hominis circa proximum suum, misericordia autem Dei super omnem carnem. | 12 Miseratio hominis circa proximum suum : misericordia autem Dei super omnem carnem. |
13 Qui reprehendit, docet et erudit quasi pastor dirigens gregem suum. | 13 Qui misericordiam habet, docet et erudit quasi pastor gregem suum. |
14 Miseretur excipientibus doctrinam miserationis et festinantibus in iudiciis eius. | 14 Miseretur excipientis doctrinam miserationis, et qui festinat in judiciis ejus. |
15 Fili, in bonis non des querelam et in omni dato non des tristitiam verbi mali. | 15 Fili, in bonis non des querelam, et in omni dato non des tristitiam verbi mali. |
16 Nonne ardorem refrigerabit ros? Sic et verbum melius quam datum. | 16 Nonne ardorem refrigerabit ros ? sic et verbum melius quam datum. |
17 Nonne ecce verbum super datum bonum? Sed utraque cum homine gratioso. | 17 Nonne ecce verbum super datum bonum ? sed utraque cum homine justificato. |
18 Stultus acriter improperabit, et datus indisciplinati tabescere facit oculos. | 18 Stultus acriter improperabit : et datus indisciplinati tabescere facit oculos. |
19 Ante iudicium para advocatum tibi et, antequam loquaris, disce. | 19 Ante judicium para justitiam tibi, et antequam loquaris, disce. |
20 Ante languorem adhibe medicinam et ante iudicium interroga teipsum et in hora visitationis invenies propitiationem. | 20 Ante languorem adhibe medicinam : et ante judicium interroga teipsum, et in conspectu Dei invenies propitiationem. |
21 Ante languorem humilia te et in tempore peccati ostende conversionem tuam. | 21 Ante languorem humilia te, et in tempore infirmitatis ostende conversationem tuam. |
22 Non sinas te impediri reddere votum tempore opportuno et ne tardes usque ad mortem iustificari, quoniam merces Dei manet in aeternum. | 22 Non impediaris orare semper, et ne verearis usque ad mortem justificari, quoniam merces Dei manet in æternum. |
23 Ante votum praepara animam tuam et noli esse quasi homo, qui tentat Dominum. | 23 Ante orationem præpara animam tuam, et noli esse quasi homo qui tentat Deum. |
24 Memento irae in die consummationis et, suo tempore, retributionis in conversione faciei. | 24 Memento iræ in die consummationis, et tempus retributionis in conversatione faciei. |
25 Memento famis in tempore abundantiae et necessitatum paupertatis in die divitiarum. | 25 Memento paupertatis in tempore abundantiæ, et necessitatum paupertatis in die divitiarum. |
26 A mane usque ad vesperam mutatur tempus, et haec omnia citata in oculis Dei. | 26 A mane usque ad vesperam immutabitur tempus, et hæc omnia citata in oculis Dei. |
27 Homo sapiens in omnibus metuet et in diebus delictorum cavebit a malitia. | 27 Homo sapiens in omnibus metuet, et in diebus delictorum attendet ab inertia. |
28 Omnis astutus agnoscit sapientiam et invenienti eam dabit confessionem. | 28 Omnis astutus agnoscit sapientiam, et invenienti eam dabit confessionem. |
29 Sensati in verbis et ipsi sapienter egerunt et intellexerunt veritatem et iustitiam et effuderunt tamquam pluviam proverbia et iudicia. | 29 Sensati in verbis et ipsi sapienter egerunt, et intellexerunt veritatem et justitiam, et impluerunt proverbia et judicia. |
30 De continentia animae. Post concupiscentias tuas non eas et a voluptatibus tuis te contine; | 30 Post concupiscentias tuas non eas, et a voluntate tua avertere. |
31 si praestes animae tuae beneplacitum concupiscentiae, faciet te in gaudium inimicis tuis. | 31 Si præstes animæ tuæ concupiscentias ejus, faciat te in gaudium inimicis tuis. |
32 Ne oblecteris in multa epulatione; duplex enim portio est paupertas illius. | 32 Ne oblecteris in turbis nec in modicis : assidua enim est commissio illorum. |
33 Ne fueris ganeo et potator, cum nihil tibi est in sacculo: eris enim invidus vitae tuae. | 33 Ne fueris mediocris in contentione ex f?nore, et est tibi nihil in sacculo : eris enim invidus vitæ tuæ. |