Siracide 43
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Gloria altitudinis firmamentum puritatis, species caeli in visione gloriae. | 1 Altitudinis firmamentum pulchritudo ejus est, species cæli in visione gloriæ. |
2 Sol in apparitione annuntians in processu: vas admirabile, opus Excelsi. | 2 Sol in aspectu annuntians in exitu, vas admirabile, opus Excelsi. |
3 In meridiano suo exurit terram; et in conspectu ardoris eius quis poterit sustinere? Fornacem ventilans in operibus ardoris tripliciter, | 3 In meridiano exurit terram, et in conspectu ardoris ejus quis poterit sustinere ? fornacem custodiens in operibus ardoris : |
4 sol exurens montes, vapores igneos exsufflans et refulgens radiis suis obcaecat oculos. | 4 tripliciter sol exurens montes, radios igneos exsufflans, et refulgens radiis suis obcæcat oculos. |
5 Magnus Dominus, qui fecit illum et sermonibus eius festinavit iter. | 5 Magnus Dominus qui fecit illum, et in sermonibus ejus festinavit iter. |
6 Et luna stat in tempus suum, in ostensionem temporis et signum aevi. | 6 Et luna in omnibus in tempore suo, ostensio temporis, et signum ævi. |
7 A luna signum diei festi; luminare, quod minuitur in consummatione. | 7 A luna signum diei festi : luminare quod minuitur in consummatione. |
8 Mensis secundum nomen eius est, crescens mirabiliter in consummatione. | 8 Mensis secundum nomen ejus est, crescens mirabiliter in consummatione. |
9 Vas castrorum in excelsis, in firmamento caeli resplendens gloriose. | 9 Vas castrorum in excelsis, in firmamento cæli resplendens gloriose. |
10 Species caeli gloria stellarum, mundum illuminans in excelsis Domini. | 10 Species cæli gloria stellarum : mundum illuminans in excelsis Dominus. |
11 In verbis Sancti stabunt iuxta praeceptum et non deficient in vigiliis suis. | 11 In verbis Sancti stabunt ad judicium, et non deficient in vigiliis suis. |
12 Vide arcum et benedic eum, qui fecit illum; valde speciosus est in splendore suo. | 12 Vide arcum, et benedic eum qui fecit illum : valde speciosus est in splendore suo. |
13 Gyravit caelum in circuitu gloriae suae, manus Excelsi tetenderunt illum. | 13 Gyravit cælum in circuitu gloriæ suæ : manus Excelsi aperuerunt illum. |
14 Imperio suo acceleravit nivem et properat coruscationes iudicii sui. | 14 Imperio suo acceleravit nivem, et accelerat coruscationes emittere judicii sui. |
15 Propterea aperti sunt thesauri, et evolaverunt nebulae sicut aves. | 15 Propterea aperti sunt thesauri, et evolaverunt nebulæ sicut aves. |
16 In magnitudine sua firmavit nubes, et confracti sunt lapides grandinis. Vox tonitrui eius tremefacit terram, | 16 In magnitudine sua posuit nubes, et confracti sunt lapides grandinis. |
17 in conspectu eius commovebuntur montes. In voluntate eius aspirabit notus, | 17 In conspectu ejus commovebuntur montes, et in voluntate ejus aspirabit notus. |
18 tempestas aquilonis et congregatio spiritus. | 18 Vox tonitrui ejus verberavit terram, tempestas aquilonis, et congregatio spiritus : |
19 Et, sicut aves deponentes ad sedendum, aspergit nivem, et, sicut locusta demergens, descensus eius: | 19 et sicut avis deponens ad sedendum, aspergit nivem, et sicut locusta demergens descensus ejus. |
20 pulchritudinem candoris eius admirabitur oculus, et super imbrem eius expavescet cor. | 20 Pulchritudinem candoris ejus admirabitur oculus, et super imbrem ejus expavescet cor. |
21 Gelu sicut salem effundet super terram, et, dum gelaverit, fit tamquam cacumina tribuli. | 21 Gelu sicut salem effundet super terram : et dum gelaverit, fiet tamquam cacumina tribuli. |
22 Frigidus ventus aquilo flabit, et gelabit crystallus super aquam; super omnem congregationem aquarum requiescet, et sicut lorica induet se aqua. | 22 Frigidus ventus aquilo flavit, et gelavit crystallus ab aqua : super omnem congregationem aquarum requiescet, et sicut lorica induet se aquis : |
23 Devorabit montes et exuret desertum et exstinguet viridem sicut ignis. | 23 et devorabit montes, et exuret desertum, et extinguet viride, sicut igne. |
24 Medicina omnium in festinatione nebulae, et ros obvians ab ardore hilarescet. | 24 Medicina omnium in festinatione nebulæ : et ros obvians ab ardore venienti humilem efficiet eum. |
25 Cogitatione sua placavit abyssum et plantavit in illa insulas. | 25 In sermone ejus siluit ventus, et cogitatione sua placavit abyssum : et plantavit in illa Dominus insulas. |
26 Qui navigant mare, enarrant pericula eius, et audientes auribus nostris admiramur. | 26 Qui navigant mare enarrent pericula ejus, et audientes auribus nostris admirabimur. |
27 Illic praeclara opera et mirabilia, varia bestiarum genera et omnium pecorum et creatura belluarum. | 27 Illic præclara opera et mirabilia, varia bestiarum genera, et omnium pecorum, et creatura belluarum. |
28 Propter ipsum iter prosperat angelus eius, et in sermone eius composita sunt omnia. | 28 Propter ipsum confirmatus est itineris finis, et in sermone ejus composita sunt omnia. |
29 Multa dicemus et deficiemus verbis; consummatio autem sermonum: “ Ipse estomnia!”. | 29 Multa dicemus, et deficiemus in verbis : consummatio autem sermonum ipse est in omnibus. |
30 Glorificantes ad quid valebimus? Ipse enim Magnus super omnia opera sua. | 30 Gloriantes ad quid valebimus ? ipse enim omnipotens super omnia opera sua. |
31 Terribilis Dominus et magnus vehementer, et mirabilis potentia ipsius. | 31 Terribilis Dominus, et magnus vehementer, et mirabilis potentia ipsius. |
32 Glorificantes Dominum exaltate, quantumcumque potueritis: supervalebit enim adhuc, et admirabilis magnificentia eius. | 32 Glorificantes Dominum quantumcumque potueritis, supervalebit enim adhuc : et admirabilis magnificentia ejus. |
33 | 33 Benedicentes Dominum, exaltate illum quantum potestis : major enim est omni laude. |
34 Exaltantes eum replemini virtute; ne laboretis, non enim pervenietis usquam. | 34 Exaltantes eum, replemini virtute, ne laboretis, non enim comprehendetis. |
35 Quis vidit eum et enarrabit? Et quis magnificabit eum sicut est? | 35 Quis videbit eum et enarrabit ? et quis magnificabit eum sicut est ab initio ? |
36 Multa abscondita sunt maiora his; pauca enim vidimus operum eius. | 36 Multa abscondita sunt majora his : pauca enim vidimus operum ejus. |
37 Omnia autem Dominus fecit et pie agentibus dedit sapientiam. | 37 Omnia autem Dominus fecit, et pie agentibus dedit sapientiam. |