Scrutatio

Lunedi, 29 aprile 2024 - Santa Caterina da Siena ( Letture di oggi)

Siracide 26

font
NOVA VULGATAVULGATA
1 Mulieris bonae beatus vir:
numerus enim dierum illius duplex.
1 Mulieris bonæ beatus vir :
numerus enim annorum illius duplex.
2 Mulier fortis oblectat virum suum
et annos vitae illius in pace implebit.
2 Mulier fortis oblectat virum suum,
et annos vitæ illius in pace implebit.
3 Pars bona mulier bona;
in parte timentium Deum dabitur viro pro factis bonis.
3 Pars bona mulier bona,
in parte timentium Deum dabitur viro pro factis bonis :
4 Divitis autem vel pauperis cor bonum;
in omni tempore vultus illorum hilaris.
4 divitis autem et pauperis cor bonum,
in omni tempore vultus illorum hilaris.
5 A tribus timuit cor meum,
et de quarto facies mea metuit:
5 A tribus timuit cor meum,
et in quarto facies mea metuit :
6 delaturam civitatis et collectionem populi,
6 delaturam civitatis, et collectionem populi :
7 calumniam mendacem, super mortem omnia gravia;
7 calumniam mendacem super mortem omnia gravia :
8 dolor cordis et luctus mulier zelotypa in mulierem;
8 dolor cordis et luctus, mulier zelotypa.
9 et flagellum linguae omnibus communicans.
9 In muliere zelotypa flagellum linguæ,
omnibus communicans.
10 Sicut boum iugum, quod movetur, ita et mulier nequam;
qui tenet illam, quasi qui apprehendat scorpionem.
10 Sicut boum jugum quod movetur, ita et mulier nequam :
qui tenet illam quasi qui apprehendit scorpionem.
11 Mulier ebriosa ira magna et contumelia,
et turpitudo illius non tegetur.
11 Mulier ebriosa ira magna, et contumelia :
et turpitudo illius non tegetur.
12 Fornicatio mulieris in extollentia oculorum
et in palpebris illius agnoscetur.
12 Fornicatio mulieris in extollentia oculorum,
et in palpebris illius agnoscetur.
13 In filia pervicaci firma custodiam,
ne, inventa occasione, utatur sibi.
13 In filia non avertente se, firma custodiam,
ne inventa occasione utatur se.
14 Ab omni irreverentia oculorum eius cave
et ne mireris, si te neglexerit.
14 Ab omni irreverentia oculorum ejus cave,
et ne mireris si te neglexerit.
15 Sicut viator sitiens ad fontem os aperiet
et ab omni aqua proxima bibet
et contra omnem palum sedebit
et contra omnem sagittam aperiet pharetram, donec deficiat.
15 Sicut viator sitiens ad fontem os aperiet,
et ab omni aqua proxima bibet,
et contra omnem palum sedebit,
et contra omnem sagittam aperiet pharetram donec deficiat.
16 Gratia mulieris sedulae delectabit virum suum,
et ossa illius impinguabit		16 Gratia mulieris sedulæ delectabit virum suum,
et ossa illius impinguabit.
17 disciplina illius.
Datum Dei est		17 Disciplina illius datum Dei est.
18 mulier sensata et tacita;
non est commutatio eruditae animae.
18 Mulier sensata et tacita,
non est immutatio eruditæ animæ.
19 Gratia super gratiam mulier sancta et pudorata;
19 Gratia super gratiam
mulier sancta et pudorata.
20 omnis autem ponderatio non est digna continentis animae.
20 Omnis autem ponderatio non est digna
continentis animæ.
21 Sicut sol oriens mundo in altissimis Dei,
sic mulieris bonae species in ornamentum domus eius.
21 Sicut sol oriens mundo in altissimis Dei,
sic mulieris bonæ species in ornamentum domus ejus.
22 Lucerna splendens super candelabrum sanctum,
et species faciei super staturam stabilem;
22 Lucerna splendens super candelabrum sanctum,
et species faciei super ætatem stabilem.
23 columnae aureae super bases argenteas,
et pedes speciosi super plantas stabiles mulieris.
23 Columnæ aureæ super bases argenteas,
et pedes firmi super plantas stabilis mulieris.
24 Fundamenta aeterna supra petram solidam,
et mandata Dei in corde mulieris sanctae.
24 Fundamenta æterna supra petram solidam,
et mandata Dei in corde mulieris sanctæ.
25 In duobus contristatum est cor meum,
et in tertio iracundia mihi advenit:
25 In duobus contristatum est cor meum,
et in tertio iracundia mihi advenit :
26 vir bellator deficiens per inopiam
et vir sensatus contemptus
26 vir bellator deficiens per inopiam ;
et vir sensatus contemptus ;
27 et qui transgreditur a iustitia ad peccatum;
Deus parabit eum ad romphaeam.
27 et qui transgreditur a justitia ad peccatum :
Deus paravit eum ad rhomphæam.
28 Duae species difficiles et periculosae mihi apparuerunt:
difficile eruitur negotians a neglegentia,
et non iustificabitur caupo a peccatis.
28 Duæ species difficiles et periculosæ mihi apparuerunt :
difficile exuitur negotians a negligentia,
et non justificabitur caupo a peccatis labiorum.