Siracide 51
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Oratio Iesu filii Sirach. “ Confitebor tibi, Domine rex; et collaudabo te Deum salvatorem meum. | 1 Oratio Jesu filii Sirach. Confitebor tibi, Domine rex, et collaudabo te Deum salvatorem meum. |
2 Confitebor nomini tuo, quoniam adiutor et protector factus es mihi | 2 Confitebor nomini tuo, quoniam adjutor et protector factus es mihi, |
3 et liberasti corpus meum a perditione, a laqueo linguae iniquae et a labiis operantium mendacium, et in conspectu insurgentium factus es mihi adiutor. | 3 et liberasti corpus meum a perditione : a laqueo linguæ iniquæ, et a labiis operantium mendacium : et in conspectu astantium factus es mihi adjutor. |
4 Et liberasti me, secundum magnitudinem misericordiae et nominis tui, a laqueis praeparatis ad escam, | 4 Et liberasti me, secundum multitudinem misericordiæ nominis tui, a rugientibus præparatis ad escam : |
5 de manibus quaerentium animam meam et de multis tribulationibus, quae circumdederunt me, | 5 de manibus quærentium animam meam, et de portis tribulationum quæ circumdederunt me ; |
6 a pressura flammae, quae circumdedit me, et de medio ignis, ubi non sum aestuatus; | 6 a pressura flammæ quæ circumdedit me, et in medio ignis non sum æstuatus ; |
7 de altitudine ventris inferi et a lingua coinquinata et a verbo mendacii, a iaculo linguae iniustae. | 7 de altitudine ventris inferi, et a lingua coinquinata, et a verbo mendacii, a rege iniquo, et a lingua injusta. |
8 Appropinquavit usque ad mortem anima mea, | 8 Laudabit usque ad mortem anima mea Dominum, |
9 et vita mea appropinquans erat in inferno deorsum. | 9 et vita mea appropinquans erat in inferno deorsum. |
10 Circumdederunt me undique, et non erat qui adiuvaret; respiciens eram ad adiutorium hominum, et non erat. | 10 Circumdederunt me undique, et non erat qui adjuvaret : respiciens eram ad adjutorium hominum, et non erat. |
11 Memoratus autem sum misericordiae tuae, Domine, et operationis tuae, quae a saeculo est, | 11 Memoratus sum misericordiæ tuæ Domine, et operationis tuæ, quæ a sæculo sunt : |
12 quoniam eruis sustinentes te, Domine, et liberas eos de manibus iniquorum. | 12 quoniam eruis sustinentes te, Domine, et liberas eos de manibus gentium. |
13 Exaltavi de terra supplicationem meam et pro morte defluente deprecatus sum. | 13 Exaltasti super terram habitationem meam, et pro morte defluente deprecatus sum. |
14 Invocavi Dominum: “Pater meus es tu, ne derelinquas me in die tribulationis meae et in tempore superborum sine adiutorio. | 14 Invocavi Dominum patrem Domini mei, ut non derelinquat me in die tribulationis meæ, et in tempore superborum, sine adjutorio. |
15 Laudabo nomen tuum assidue et collaudabo illud in confessione”. Et exaudita est oratio mea. | 15 Laudabo nomen tuum assidue, et collaudabo illud in confessione : et exaudita est oratio mea, |
16 Et liberasti me de perditione et eripuisti me de tempore iniquo. | 16 et liberasti me de perditione, et eripuisti me de tempore iniquo. |
17 Propterea confitebor et laudem dicam tibi et benedicam nomini Domini. | 17 Propterea confitebor, et laudem dicam tibi, et benedicam nomini Domini. |
18 Cum adhuc iunior essem, priusquam oberrarem, quaesivi sapientiam palam in oratione mea; | 18 Cum adhuc junior essem, priusquam oberrarem, quæsivi sapientiam palam in oratione mea. |
19 ante templum postulabam pro illa et usque in novissimis inquiram eam, et effloruit tamquam praecox uva. | 19 Ante templum postulabam pro illis, et usque in novissimis inquiram eam : et effloruit tamquam præcox uva. |
20 Laetatum est cor meum in ea, ambulavit pes meus iter rectum; a iuventute mea investigabam eam. | 20 Lætatum est cor meum in ea : ambulavit pes meus iter rectum : a juventute mea investigabam eam. |
21 Inclinavi modice aurem meam et excepi illam | 21 Inclinavi modico aurem meam, et excepi illam. |
22 et multam inveni mihimetipsi sapientiam et multum profeci in ea: | 22 Multam inveni in meipso sapientiam, et multum profeci in ea. |
23 danti mihi sapientiam dabo gloriam. | 23 Danti mihi sapientiam dabo gloriam : |
24 Consiliatus sum enim, ut facerem illam; et quaesivi bonum et non confundar. | 24 consiliatus sum enim ut facerem illam. Zelatus sum bonum, et non confundar. |
25 Colluctata est anima mea in illa, et in faciendo legem diligens fui. | 25 Colluctata est anima mea in illa, et in faciendo eam confirmatus sum. |
26 Manus meas extendi in altum et incognoscibilia eius intellexi. | 26 Manus meas extendi in altum, et insipientiam ejus luxi ; |
27 Animam meam direxi ad illam et in purificatione inveni eam. | 27 animam meam direxi ad illam, et in agnitione inveni eam. |
28 Possedi cum ipsa cor ab initio; propter hoc non derelinquar. | 28 Possedi cum ipsa cor ab initio : propter hoc, non derelinquar. |
29 Venter meus conturbatus est quaerendo illam; propterea bonam possedi possessionem. | 29 Venter meus conturbatus est quærendo illam : propterea bonam possidebo possessionem. |
30 Dedit mihi Dominus linguam mercedem meam, et in ipsa laudabo eum. | 30 Dedit mihi Dominus linguam mercedem meam, et in ipsa laudabo eum. |
31 Appropiate ad me, indocti, et congregate vos in domo disciplinae. | 31 Appropiate ad me, indocti, et congregate vos in domum disciplinæ. |
32 Quid adhuc retardatis in his, dum animae vestrae sitiunt vehementer? | 32 Quid adhuc retardatis ? et quid dicitis in his ? animæ vestræ sitiunt vehementer. |
33 Aperui os meum et locutus sum: “Comparate vobis sine argento | 33 Aperui os meum, et locutus sum : Comparate vobis sine argento, |
34 et collum vestrum subicite iugo, et suscipiat anima vestra disciplinam: in proximo est enim invenire eam. | 34 et collum vestrum subjicite jugo : et suscipiat anima vestra disciplinam : in proximo est enim invenire eam. |
35 Videte oculis vestris quia modicum laboravi et inveni mihi multam requiem. | 35 Videte oculis vestris, quia modicum laboravi, et inveni mihi multam requiem. |
36 Assumite disciplinam in multo numero argenti et copiosum aurum possidete in ea. | 36 Assumite disciplinam in multo numero argenti, et copiosum aurum possidete in ea. |
37 Laetetur anima vestra in misericordia eius, et non confundemini in laude ipsius. | 37 Lætetur anima vestra in misericordia ejus, et non confundemini in laude ipsius. |
38 Operamini opus vestrum ante tempus, et dabit vobis mercedem vestram in tempore suo” ”. | 38 Operamini opus vestrum ante tempus, et dabit vobis mercedem vestram in tempore suo. |