Scrutatio

Lunedi, 29 aprile 2024 - Santa Caterina da Siena ( Letture di oggi)

Proverbi 9

font
NOVA VULGATAVULGATA
1 Sapientia aedificavit sibi domum,
excidit columnas septem;
1 Sapientia ædificavit sibi domum :
excidit columnas septem.
2 immolavit victimas suas, miscuit vinum
et proposuit mensam suam.
2 Immolavit victimas suas, miscuit vinum,
et proposuit mensam suam.
3 Misit ancillas suas, ut vocarent
ad arcem et ad excelsa civitatis:
3 Misit ancillas suas ut vocarent
ad arcem et ad mœnia civitatis.
4 “ Si quis est parvulus, veniat ad me ”.
Et vecordi locuta est:
4 Si quis est parvulus, veniat ad me.
Et insipientibus locuta est :
5 “ Venite, comedite panem meum
et bibite vinum, quod miscui vobis;		5 Venite, comedite panem meum,
et bibite vinum quod miscui vobis.
6 relinquite infantiam et vivite
et ambulate per vias prudentiae ”.
6 Relinquite infantiam, et vivite,
et ambulate per vias prudentiæ.
7 Qui erudit derisorem, ipse iniuriam sibi facit;
et, qui arguit impium, sibi maculam generat.
7 Qui erudit derisorem, ipse injuriam sibi facit,
et qui arguit impium, sibi maculam generat.
8 Noli arguere derisorem, ne oderit te;
argue sapientem, et diliget te.
8 Noli arguere derisorem, ne oderit te :
argue sapientem, et diliget te.
9 Da sapienti, et sapientior fiet;
doce iustum, et addet doctrinam.
9 Da sapienti occasionem, et addetur ei sapientia ;
doce justum, et festinabit accipere.
10 Principium sapientiae timor Domini,
et scientia Sancti est prudentia.
10 Principium sapientiæ timor Domini,
et scientia sanctorum prudentia.
11 Per me enim multiplicabuntur dies tui,
et addentur tibi anni vitae.
11 Per me enim multiplicabuntur dies tui,
et addentur tibi anni vitæ.
12 Si sapiens fueris, tibimetipsi eris;
si autem illusor, solus portabis malum.
12 Si sapiens fueris, tibimetipsi eris ;
si autem illusor, solus portabis malum.
13 Mulier stulta est clamosa,
fatua et nihil sciens;
13 Mulier stulta et clamosa,
plenaque illecebris, et nihil omnino sciens,
14 sedit in foribus domus suae
super sellam in excelsis urbis,
14 sedit in foribus domus suæ,
super sellam in excelso urbis loco,
15 ut vocaret transeuntes per viam
et pergentes itinere suo:
15 ut vocaret transeuntes per viam,
et pergentes itinere suo :
16 “ Qui est parvulus, declinet ad me ”.
Et vecordi locuta est:
16 Qui est parvulus declinet ad me.
Et vecordi locuta est :
17 “ Aquae furtivae dulciores sunt,
et panis in abscondito suavior ”.
17 Aquæ furtivæ dulciores sunt,
et panis absconditus suavior.
18 Et ignoravit quod ibi sint umbrae,
et in profundis inferni convivae eius.
18 Et ignoravit quod ibi sint gigantes,
et in profundis inferni convivæ ejus.