Proverbi 10

NOVA VULGATA	VULGATA
1 Parabolae Salomonis. Filius sapiens laetificat pa trem, filius vero stultus maestitia est matris suae.	1 Filius sapiens lætificat patrem, filius vero stultus mœstitia est matris suæ.
2 Nil proderunt thesauri impietatis, iustitia vero liberabit a morte.	2 Nil proderunt thesauri impietatis, justitia vero liberabit a morte.
3 Non affliget Dominus fame animam iusti et cupiditatem impiorum subvertet.	3 Non affliget Dominus fame animam justi, et insidias impiorum subvertet.
4 Egestatem operata est manus remissa, manus autem fortium divitias parat.	4 Egestatem operata est manus remissa ; manus autem fortium divitias parat. Qui nititur mendaciis, hic pascit ventos ; idem autem ipse sequitur aves volantes.
5 Qui congregat in messe, filius sapiens est; qui autem stertit aestate, filius confusionis.	5 Qui congregat in messe, filius sapiens est ; qui autem stertit æstate, filius confusionis.
6 Benedictiones Domini super caput iusti, os autem impiorum operit violentiam.	6 Benedictio Domini super caput justi ; os autem impiorum operit iniquitas.
7 Memoria iusti in benedictione erit, et nomen impiorum putrescet.	7 Memoria justi cum laudibus, et nomen impiorum putrescet.
8 Sapiens corde praecepta suscipit, et stultus labiis corruet.	8 Sapiens corde præcepta suscipit ; stultus cæditur labiis.
9 Qui ambulat simpliciter, ambulat confidenter; qui autem depravat vias suas, manifestus erit.	9 Qui ambulat simpliciter ambulat confidenter ; qui autem depravat vias suas manifestus erit.
10 Qui annuit oculo, dabit dolorem, et stultus labiis corruet.	10 Qui annuit oculo dabit dolorem ; et stultus labiis verberabitur.
11 Vena vitae os iusti, et os impiorum operit violentiam.	11 Vena vitæ os justi, et os impiorum operit iniquitatem.
12 Odium suscitat rixas, et universa delicta operit caritas.	12 Odium suscitat rixas, et universa delicta operit caritas.
13 In labiis sapientis invenitur sapientia, et virga in dorso eius, qui indiget corde.	13 In labiis sapientis invenitur sapientia, et virga in dorso ejus qui indiget corde.
14 Sapientes recondunt scientiam, os autem stulti ruinae proximum est.	14 Sapientes abscondunt scientiam ; os autem stulti confusioni proximum est.
15 Substantia divitis urbs fortitudinis eius, ruina pauperum egestas eorum.	15 Substantia divitis, urbs fortitudinis ejus ; pavor pauperum egestas eorum.
16 Opus iusti ad vitam, fructus autem impii ad peccatum.	16 Opus justi ad vitam, fructus autem impii ad peccatum.
17 Graditur ad vitam, qui custodit disciplinam; qui autem increpationes relinquit, errat.	17 Via vitæ custodienti disciplinam ; qui autem increpationes relinquit, errat.
18 Abscondunt odium labia mendacia; qui profert contumeliam, insipiens est.	18 Abscondunt odium labia mendacia ; qui profert contumeliam, insipiens est.
19 In multiloquio non deerit peccatum; qui autem moderatur labia sua, prudentissimus est.	19 In multiloquio non deerit peccatum, qui autem moderatur labia sua prudentissimus est.
20 Argentum electum lingua iusti, cor autem impiorum pro nihilo.	20 Argentum electum lingua justi ; cor autem impiorum pro nihilo.
21 Labia iusti erudiunt plurimos; qui autem indocti sunt, in cordis egestate morientur.	21 Labia justi erudiunt plurimos ; qui autem indocti sunt in cordis egestate morientur.
22 Benedictio Domini divites facit, nec addet ei labor quidquam.	22 Benedictio Domini divites facit, nec sociabitur eis afflictio.
23 Quasi per risum stultus operatur scelus, sapientia autem est viro prudentiae.	23 Quasi per risum stultus operatur scelus, sapientia autem est viro prudentia.
24 Quod timet impius, veniet super eum; desiderium suum iustis dabitur.	24 Quod timet impius veniet super eum ; desiderium suum justus dabitur.
25 Quasi tempestas transiens non erit impius, iustus autem quasi fundamentum sempiternum.	25 Quasi tempestas transiens non erit impius ; justus autem quasi fundamentum sempiternum.
26 Sicut acetum dentibus et fumus oculis, sic piger his, qui miserunt eum.	26 Sicut acetum dentibus, et fumus oculis, sic piger his qui miserunt eum.
27 Timor Domini apponet dies, et anni impiorum breviabuntur.	27 Timor Domini apponet dies, et anni impiorum breviabuntur.
28 Exspectatio iustorum laetitia, spes autem impiorum peribit.	28 Exspectatio justorum lætitia, spes autem impiorum peribit.
29 Fortitudo simplici via Domini et ruina his, qui operantur malum.	29 Fortitudo simplicis via Domini, et pavor his qui operantur malum.
30 Iustus in aeternum non commovebitur, impii autem non habitabunt super terram.	30 Justus in æternum non commovebitur, impii autem non habitabunt super terram.
31 Os iusti germinabit sapientiam, lingua prava abscindetur.	31 Os justi parturiet sapientiam ; lingua pravorum peribit.
32 Labia iusti considerant placita, et os impiorum perversa.	32 Labia justi considerant placita, et os impiorum perversa.