Scrutatio

Domenica, 28 aprile 2024 - San Luigi Maria Grignion da Montfort ( Letture di oggi)

Siracide 31

font
NOVA VULGATAVULGATA
1 Vigilia divitis tabefacit carnes,
et cogitatus illius aufert somnum;
1 Vigilia honestatis tabefaciet carnes,
et cogitatus illius auferet somnum.
2 cogitatus victus avertit somnum,
et infirmitas gravis a somno excitat.
2 Cogitatus præscientiæ avertit sensum,
et infirmitas gravis sobriam facit animam.
3 Laboravit dives in congregatione substantiae
et, si requiescit, replebitur deliciis suis;
3 Laboravit dives in congregatione substantiæ,
et in requie sua replebitur bonis suis.
4 laboravit pauper in penuria victus
et, si requiescit, inops fit.
4 Laboravit pauper in diminutione victus,
et in fine inops fit.
5 Qui aurum diligit, non iustificabitur,
et, qui insequitur lucrum, in eo oberrabit.
5 Qui aurum diligit non justificabitur,
et qui insequitur consumptionem replebitur ex ea.
6 Multi dati sunt in ruinam auri gratia,
et facta est in facie ipsorum perditio illorum.
6 Multi dati sunt in auri casus,
et facta est in specie ipsius perditio illorum.
7 Lignum offensionis est aurum sacrificantium;
vae illis, qui sectantur illud:
et omnis imprudens capietur in illo.
7 Lignum offensionis est aurum sacrificantium :
væ illis qui sectantur illud !
et omnis imprudens deperiet in illo.
8 Beatus dives, qui inventus est sine macula
et qui post aurum non abiit
nec speravit in pecunia et thesauris.
8 Beatus dives qui inventus est sine macula,
et qui post aurum non abiit,
nec speravit in pecunia et thesauris.
9 Quis est hic, et laudabimus eum?
Fecit enim mirabilia in populo suo.
9 Quis est hic ? et laudabimus eum :
fecit enim mirabilia in vita sua.
10 Quis probatus est in illo et perfectus est?
Erit illi gloria aeterna.
Quis potuit transgredi et non est transgressus,
facere mala et non fecit?
10 Qui probatus est in illo, et perfectus est, erit illi gloria æterna :
qui potuit transgredi, et non est transgressus ;
facere mala, et non fecit.
11 Ideo stabilita sunt bona illius in Domino,
et eleemosynas illius enarrabit omnis ecclesia sanctorum.
11 Ideo stabilita sunt bona illius in Domino,
et eleemosynas illius enarrabit omnis ecclesia sanctorum.
12 De continentia.
Supra mensam magnam sedisti?
Non aperias super illam faucem tuam prior.
12 Supra mensam magnam sedisti ?
non aperias super illam faucem tuam prior.
13 Non dicas: “Multa sunt, quae super illam sunt!”.
13 Non dicas sic : Multa sunt, quæ super illam sunt.
14 Memento quoniam malum est oculus nequam;
oculum nequam odit Deus.
14 Memento quoniam malus est oculus nequam.
15 Nequius oculo quid creatum est?
Ideo ab omni facie lacrimatur.
15 Nequius oculo quid creatum est ?
ideo ab omni facie sua lacrimabitur, cum viderit.
16 Quocumque aspexerit, ne extendas manum tuam prior
et invidia contaminatus erubescas;
16 Ne extendas manum tuam prior,
et invidia contaminatus erubescas.
17 nec comprimaris cum eo in catino.
17 Ne comprimaris in convivio.
18 Intellege, quae sunt proximi tui, ex teipso
et de omni verbo cogita;
18 Intellige quæ sunt proximi tui ex teipso.
19 utere quasi homo frugi his, quae tibi apponuntur,
ne, cum manducas multum, odio habearis.
19 Utere quasi homo frugi his quæ tibi apponuntur :
ne, cum manducas multum, odio habearis.
20 Cessa prior disciplinae causa
et noli nimius esse, ne forte offendas.
20 Cessa prior causa disciplinæ :
et noli nimius esse, ne forte offendas.
21 Et, si in medio multorum sedisti,
prior illis ne extendas manum tuam nec prior poscas bibere.
21 Et si in medio multorum sedisti,
prior illis ne extendas manum tuam,
nec prior poscas bibere.
22 Quam sufficiens est homini erudito vinum exiguum!
Et in dormiendo non laborabis ab illo et non senties dolorem.
22 Quam sufficiens est homini erudito vinum exiguum !
et in dormiendo non laborabis ab illo,
et non senties dolorem.
23 Vigilia, cholera et tortura ventris viro infrunito;
23 Vigilia, cholera et tortura viro infrunito,
24 somnus sanitatis in homine parco:
dormiet usque mane, et anima illius cum ipso delectabitur.
24 somnus sanitatis in homine parco :
dormiet usque mane,
et anima illius cum ipso delectabitur.
25 Et, si coactus fueris in edendo multum,
surge e medio, evome, et refrigerabit te,
et non adduces corpori tuo infirmitatem.
25 Et si coactus fueris in edendo multum,
surge e medio, evome, et refrigerabit te,
et non adduces corpori tuo infirmitatem.
26 Audi me, fili, et ne spernas me
et in novissimo invenies verba mea.
26 Audi me, fili, et ne spernas me,
et in novissimo invenies verba mea.
27 In omnibus operibus tuis esto modestus,
et omnis infirmitas non occurret tibi.
27 In omnibus operibus tuis esto velox,
et omnis infirmitas non occurret tibi.
28 Splendidum in panibus benedicent labia multorum,
et testimonium bonitatis illius fidele;
28 Splendidum in panibus benedicent labia multorum,
et testimonium veritatis illius fidele.
29 nequissimo in pane murmurabit civitas,
et testimonium nequitiae illius verum est.
29 Nequissimo in pane murmurabit civitas,
et testimonium nequitiæ illius verum est.
30 In vino noli provocare;
multos enim exterminavit vinum.
30 Diligentes in vino noli provocare :
multos enim exterminavit vinum.
31 Fornax probat aciem ferri in intinctione:
sic vinum in lite corda superborum.
31 Ignis probat ferrum durum :
sic vinum corda superborum arguet in ebrietate potatum.
32 Quasi vita hominibus vinum,
si bibas illud moderate.
32 Æqua vita hominibus vinum in sobrietate :
si bibas illud moderate, eris sobrius.
33 Quae est vita ei, qui minuitur vino?
33 Quæ vita est ei qui minuitur vino ?
34 Quid defraudat vitam? Mors.
34 Quid defraudat vitam ? mors.
35 Vinum in iucunditatem creatum est
et non in ebrietatem, ab initio.
35 Vinum in jucunditatem creatum est,
et non in ebrietatem ab initio.
36 Exsultatio animae et gaudium et voluptas cordis
vinum moderate potatum in tempore;
36 Exsultatio animæ et cordis vinum moderate potatum.
37 sanitas est animae et corpori sobrius potus.
37 Sanitas est animæ et corpori sobrius potus.
38 Vinum multum potatum irritationem
et iram et ruinas multas facit.
38 Vinum multum potatum irritationem,
et iram, et ruinas multas facit.
39 Amaritudo animae vinum multum potatum
in irritatione et ruina.
39 Amaritudo animæ
vinum multum potatum.
40 Ebrietas multiplicat animositatem imprudentis in offensionem,
minorans virtutem et faciens vulnera.
40 Ebrietatis animositas, imprudentis offensio,
minorans virtutem, et faciens vulnera.
41 In convivio vini non arguas proximum
et non despicias eum in iucunditate illius;
41 In convivio vini non arguas proximum,
et non despicias eum in jucunditate illius.
42 verba improperii non dicas illi
et non premas illum in repetendo.
42 Verba improperii non dicas illi,
et non premas illum repetendo.