Proverbi 26
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Quomodo nix in aestate et pluvia in messe, sic indecens est stulto gloria. | 1 Quomodo nix in æstate, et pluviæ in messe, sic indecens est stulto gloria. |
2 Sicut avis ad alia transvolans et hirundo volitans, sic maledictum frustra prolatum non superveniet. | 2 Sicut avis ad alia transvolans, et passer quolibet vadens, sic maledictum frustra prolatum in quempiam superveniet. |
3 Flagellum equo et camus asino et virga dorso stultorum. | 3 Flagellum equo, et camus asino, et virga in dorso imprudentium. |
4 Ne respondeas stulto iuxta stultitiam suam, ne tu quoque efficiaris ei similis; | 4 Ne respondeas stulto juxta stultitiam suam, ne efficiaris ei similis. |
5 responde stulto iuxta stultitiam suam, ne sibi sapiens esse videatur. | 5 Responde stulto juxta stultitiam suam, ne sibi sapiens esse videatur. |
6 Amputat sibi pedes et iniuriam bibit, qui mittit verba per manum stulti. | 6 Claudus pedibus, et iniquitatem bibens, qui mittit verba per nuntium stultum. |
7 Quomodo molles claudo tibiae, sic in ore stultorum parabola. | 7 Quomodo pulchras frustra habet claudus tibias, sic indecens est in ore stultorum parabola. |
8 Sicut qui celat lapidem in acervo, ita qui tribuit insipienti honorem. | 8 Sicut qui mittit lapidem in acervum Mercurii, ita qui tribuit insipienti honorem. |
9 Spina crescens in manu temulenti, sic parabola in ore stultorum. | 9 Quomodo si spina nascatur in manu temulenti, sic parabola in ore stultorum. |
10 Sagittarius, qui conicit ad omnia, ita qui stultum conducit et qui vagos conducit. | 10 Judicium determinat causas, et qui imponit stulto silentium iras mitigat. |
11 Sicut canis, qui revertitur ad vomitum suum, sic stultus, qui iterat stultitiam suam. | 11 Sicut canis qui revertitur ad vomitum suum, sic imprudens qui iterat stultitiam suam. |
12 Vidisti hominem sapientem sibi videri? Magis illo spem habebit stultus. | 12 Vidisti hominem sapientem sibi videri ? magis illo spem habebit insipiens. |
13 Dicit piger: “ Leaena est in via, et leo in plateis ”. | 13 Dicit piger : Leo est in via, et leæna in itineribus. |
14 Ostium vertitur in cardine suo, et piger in lectulo suo. | 14 Sicut ostium vertitur in cardine suo, ita piger in lectulo suo. |
15 Abscondit piger manum in catino et laborat, si ad os suum eam converterit. | 15 Abscondit piger manum sub ascella sua, et laborat si ad os suum eam converterit. |
16 Sapientior sibi piger videtur septem viris respondentibus sententias. | 16 Sapientior sibi piger videtur septem viris loquentibus sententias. |
17 Apprehendit auribus canem, qui transiens commiscetur rixae alterius. | 17 Sicut qui apprehendit auribus canem, sic qui transit impatiens et commiscetur rixæ alterius. |
18 Sicut insanit, qui mittit sagittas et lanceas in mortem, | 18 Sicut noxius est qui mittit sagittas et lanceas in mortem, |
19 ita vir, qui decipit amicum suum et dicit: “ Nonne ludens feci? ”. | 19 ita vir fraudulenter nocet amico suo, et cum fuerit deprehensus dicit : Ludens feci. |
20 Cum defecerint ligna, exstinguetur ignis, et, susurrone subtracto, iurgia conquiescent. | 20 Cum defecerint ligna extinguetur ignis, et susurrone subtracto, jurgia conquiescent. |
21 Sicut carbones ad prunas et ligna ad ignem, sic homo litigiosus ad inflammandas rixas. | 21 Sicut carbones ad prunas, et ligna ad ignem, sic homo iracundus suscitat rixas. |
22 Verba susurronis quasi dulcia et ipsa perveniunt ad intima ventris. | 22 Verba susurronis quasi simplicia, et ipsa perveniunt ad intima ventris. |
23 Sicut argentum sordidum ornans vas fictile, sic labia levia et cor malum. | 23 Quomodo si argento sordido ornare velis vas fictile, sic labia tumentia cum pessimo corde sociata. |
24 Labiis suis se dissimulabit inimicus, cum in corde tractaverit dolos: | 24 Labiis suis intelligitur inimicus, cum in corde tractaverit dolos. |
25 quando mollierit vocem suam, ne credideris ei, quoniam septem abominationes sunt in corde illius; | 25 Quando submiserit vocem suam, ne credideris ei, quoniam septem nequitiæ sunt in corde illius. |
26 operiet odium fraudulenter, revelabitur autem malitia eius in concilio. | 26 Qui operit odium fraudulenter, revelabitur malitia ejus in consilio. |
27 Qui fodit foveam, incidet in eam; et, qui volvit lapidem, revertetur ad eum. | 27 Qui fodit foveam incidet in eam, et qui volvit lapidem revertetur ad eum. |
28 Lingua fallax non amat veritatem, et os lubricum operatur ruinas. | 28 Lingua fallax non amat veritatem, et os lubricum operatur ruinas. |