Proverbi 25

NOVA VULGATA	NOVA VULGATA
1 Hae quoque parabolae Salomonis, quas transcripse runt viri Ezechiaeregis Iudae.	1 Hae quoque parabolae Salomonis, quas transcripse runt viri Ezechiaeregis Iudae.
2 Gloria Dei est celare verbum, et gloria regum investigare sermonem.	2 Gloria Dei est celare verbum, et gloria regum investigare sermonem.
3 Caelum prae altitudine et terra prae profunditate, et cor regum inscrutabile.	3 Caelum prae altitudine et terra prae profunditate, et cor regum inscrutabile.
4 Aufer scorias de argento, et egredietur vas pro argentario.	4 Aufer scorias de argento, et egredietur vas pro argentario.
5 Aufer impium de conspectu regis, et firmabitur iustitia thronus eius.	5 Aufer impium de conspectu regis, et firmabitur iustitia thronus eius.
6 Ne gloriosus appareas coram rege et in loco magnorum ne steteris.	6 Ne gloriosus appareas coram rege et in loco magnorum ne steteris.
7 Melius est enim ut dicatur tibi: “ Ascende huc ”, quam ut humilieris coram principe.	7 Melius est enim ut dicatur tibi: “ Ascende huc ”, quam ut humilieris coram principe.
8 Quae viderunt oculi tui, ne proferas in iurgio cito, quoniam quid facies postea, cum dehonestaverit te amicus tuus?	8 Quae viderunt oculi tui, ne proferas in iurgio cito, quoniam quid facies postea, cum dehonestaverit te amicus tuus?
9 Causam tuam tracta cum amico tuo et secretum extranei ne reveles,	9 Causam tuam tracta cum amico tuo et secretum extranei ne reveles,
10 ne forte insultet tibi, cum audierit, et contumelia tua revocari non poterit.	10 ne forte insultet tibi, cum audierit, et contumelia tua revocari non poterit.
11 Mala aurea in ornatibus argenteis, verbum prolatum in tempore suo.	11 Mala aurea in ornatibus argenteis, verbum prolatum in tempore suo.
12 Inauris aurea et margaritum fulgens sapiens, qui arguit super aurem audientem.	12 Inauris aurea et margaritum fulgens sapiens, qui arguit super aurem audientem.
13 Sicut frigus nivis in die messis, ita legatus fidelis ei, qui misit eum: animam ipsius recreat.	13 Sicut frigus nivis in die messis, ita legatus fidelis ei, qui misit eum: animam ipsius recreat.
14 Nubes et ventus et pluviae non sequentes vir gloriosus et promissa non complens.	14 Nubes et ventus et pluviae non sequentes vir gloriosus et promissa non complens.
15 Patientia lenietur princeps, et lingua mollis confringet ossa.	15 Patientia lenietur princeps, et lingua mollis confringet ossa.
16 Mel invenisti? Comede, quod sufficit tibi, ne forte satiatus evomas illud.	16 Mel invenisti? Comede, quod sufficit tibi, ne forte satiatus evomas illud.
17 Subtrahe pedem tuum de domo proximi tui, ne quando satiatus oderit te.	17 Subtrahe pedem tuum de domo proximi tui, ne quando satiatus oderit te.
18 Malleus et gladius et sagitta acuta homo, qui loquitur contra proximum suum falsum testimonium.	18 Malleus et gladius et sagitta acuta homo, qui loquitur contra proximum suum falsum testimonium.
19 Dens putridus et pes vacillans, qui sperat super infideli in die angustiae.	19 Dens putridus et pes vacillans, qui sperat super infideli in die angustiae.
20 Sicut exuens pallium in die frigoris, sicut acetum in nitro, qui cantat carmina cordi tristi.	20 Sicut exuens pallium in die frigoris, sicut acetum in nitro, qui cantat carmina cordi tristi.
21 Si esurierit inimicus tuus, ciba illum; si sitierit, pota illum:	21 Si esurierit inimicus tuus, ciba illum; si sitierit, pota illum:
22 prunas enim congregabis super caput eius, et Dominus reddet tibi.	22 prunas enim congregabis super caput eius, et Dominus reddet tibi.
23 Ventus aquilo parturit pluvias, et faciem tristem lingua detrahens.	23 Ventus aquilo parturit pluvias, et faciem tristem lingua detrahens.
24 Melius est sedere in angulo domatis quam cum muliere litigiosa et in domo communi.	24 Melius est sedere in angulo domatis quam cum muliere litigiosa et in domo communi.
25 Aqua frigida animae sitienti et nuntius bonus de terra longinqua.	25 Aqua frigida animae sitienti et nuntius bonus de terra longinqua.
26 Fons turbatus pede et vena corrupta iustus cadens coram impio.	26 Fons turbatus pede et vena corrupta iustus cadens coram impio.
27 Mel nimium comedere non est bonum, nec quaestus gloriae est gloria.	27 Mel nimium comedere non est bonum, nec quaestus gloriae est gloria.
28 Urbs diruta et absque muro vir, qui non potest cohibere spiritum suum.	28 Urbs diruta et absque muro vir, qui non potest cohibere spiritum suum.