Siracide 10
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Iudex sapiens instituet populum suum, et principatus sensati stabilis erit. | 1 Judex sapiens judicabit populum suum, et principatus sensati stabilis erit. |
2 Secundum iudicem populi sic et ministri eius, et qualis rector est civitatis, tales et inhabitantes in ea. | 2 Secundum judicem populi, sic et ministri ejus : et qualis rector est civitatis, tales et inhabitantes in ea. |
3 Rex insipiens perdet populum suum, et civitates inhabitabuntur per sensum potentium. | 3 Rex insipiens perdet populum suum : et civitates inhabitabuntur per sensum potentium. |
4 In manu Dei potestas terrae, et utilem rectorem suscitabit in tempus super illam. | 4 In manu Dei potestas terræ : et utilem rectorem suscitabit in tempus super illam. |
5 In manu Dei prosperitas hominis, et super faciem scribae imponet honorem suum. | 5 In manu Dei prosperitas hominis, et super faciem scribæ imponet honorem suum. |
6 Pro omni iniuria proximi ne rependas et nihil agas in operibus superbiae. | 6 Omnis injuriæ proximi ne memineris, et nihil agas in operibus injuriæ. |
7 Odibilis coram Deo est et hominibus superbia, et utrisque execrabilis omnis vexatio. | 7 Odibilis coram Deo est et hominibus superbia, et execrabilis omnis iniquitas gentium. |
8 Regnum a gente in gentem transfertur propter iniustitias et contumelias et divitias dolosas. | 8 Regnum a gente in gentem transfertur propter injustitias, et injurias, et contumelias, et diversos dolos. |
9 Avaro autem nihil est scelestius, hic enim et animam suam venalem habet. | 9 Avaro autem nihil est scelestius. Quid superbit terra et cinis ? |
10 Quid superbit terra et cinis? Quoniam in vita sua proiecit intima sua. | 10 Nihil est iniquius quam amare pecuniam : hic enim et animam suam venalem habet, quoniam in vita sua projecit intima sua. |
11 Languor prolixior gravat medicum, brevis languor serenat medicum. | 11 Omnis potentatus brevis vita ; languor prolixior gravat medicum. |
12 Omnis potentatus brevis vita, sic et rex hodie est et cras morietur. | 12 Brevem languorem præcidit medicus : sic et rex hodie est, et cras morietur. |
13 Cum enim morietur homo, hereditabit serpentes et bestias et vermes. | 13 Cum enim morietur homo, hæreditabit serpentes, et bestias, et vermes. |
14 Initium superbiae hominis apostatare a Deo; | 14 Initium superbiæ hominis apostatare a Deo : |
15 et ab eo, qui fecit illum, recessit cor eius. Quoniam initium omnis peccati est superbia, qui tenuerit illam, ebulliet maledictum, et subvertet eum in finem. | 15 quoniam ab eo qui fecit illum recessit cor ejus, quoniam initium omnis peccati est superbia. Qui tenuerit illam adimplebitur maledictis, et subvertet eum in finem. |
16 Propterea mirabiles fecit Dominus plagas malorum et destruxit eos usque in finem. | 16 Propterea exhonoravit Dominus conventus malorum, et destruxit eos usque in finem. |
17 Sedes ducum superborum destruxit Deus et sedere fecit mites pro eis. | 17 Sedes ducum superborum destruxit Deus, et sedere fecit mites pro eis. |
18 Radices gentium superbarum eradicavit Deus et plantavit humiles pro ipsis. | 18 Radices gentium superbarum arefecit Deus, et plantavit humiles ex ipsis gentibus. |
19 Terras gentium evertit Dominus et perdidit eas usque ad fundamentum. | 19 Terras gentium evertit Dominus, et perdidit eas usque ad fundamentum. |
20 Arefecit ex ipsis et disperdidit eos et cessare fecit memoriam eorum a terra. | 20 Arefecit ex ipsis, et disperdidit eos, et cessare fecit memoriam eorum a terra. |
21 Memoriam superborum perdidit Deus et reliquit memoriam humilium sensu. | 21 Memoria superborum perdidit Deus, et reliquit memoriam humilium sensu. |
22 Non est creata hominibus superbia, neque iracundia nato mulierum. | 22 Non est creata hominibus superbia, neque iracundia nationi mulierum. |
23 Semen hominum honoratum hoc, quod timet Deum; semen autem hoc exhonorabitur, quod praeterit mandata Domini. | 23 Semen hominum honorabitur hoc, quod timet Deum : semen autem hoc exhonorabitur, quod præterit mandata Domini. |
24 In medio fratrum rector illorum in honore; et, qui timent Dominum, erunt in oculis illius. | 24 In medio fratrum rector illorum in honore : et qui timent Dominum erunt in oculis illius. |
25 Peregrinus, advena et pauper: timor Dei est gloria eorum. | 25 Gloria divitum, honoratorum, et pauperum, timor Dei est. |
26 Noli despicere hominem iustum pauperem et noli magnificare virum peccatorem divitem. | 26 Noli despicere hominem justum pauperem, et noli magnificare virum peccatorem divitem. |
27 Magnus et iudex et potens est in honore, sed non est maior illo, qui timet Deum. | 27 Magnus, et judex, et potens est in honore : et non est major illo qui timet Deum. |
28 Servo sensato liberi servient; et vir prudens et disciplinatus non murmurabit correptus. | 28 Servo sensato liberi servient : et vir prudens et disciplinatus non murmurabit correptus, et inscius non honorabitur. |
29 Noli extollere te in faciendo opere tuo et noli gloriari in tempore angustiae tuae. | 29 Noli extollere te in faciendo opere tuo, et noli cunctari in tempore angustiæ. |
30 Melior est, qui operatur et abundat in omnibus, quam qui gloriatur et eget pane. | 30 Melior est qui operatur et abundat in omnibus, quam qui gloriatur et eget pane. |
31 Fili, in mansuetudine honora animam tuam et da illi victum cultumque secundum meritum suum. | 31 Fili, in mansuetudine serva animam tuam, et da illi honorem secundum meritum suum. |
32 Peccantem in animam suam quis iustificabit? Et quis honorificabit exhonorantem animam suam? | 32 Peccantem in animam suam quis justificabit ? et quis honorificabit exhonorantem animam suam ? |
33 Est pauper, qui honoratur propter disciplinam et timorem suum, et est homo, qui honorificatur propter substantiam suam. | 33 Pauper gloriatur per disciplinam et timorem suum : et est homo qui honorificatur propter substantiam suam. |
34 Qui autem honoratur in paupertate, quanto magis in substantia! Et, qui exhonoratur in substantia, quanto magis in paupertate! | 34 Qui autem gloriatur in paupertate, quanto magis in substantia ! et qui gloriatur in substantia, paupertatem vereatur. |