Scrutatio

Sabato, 27 aprile 2024 - Santa Zita ( Letture di oggi)

Proverbi 1

font
NOVA VULGATAVULGATA
1 Parabolae Salomonis filii David regis Israel
1 Parabolæ Salomonis, filii David, regis Israël,
2 ad sciendam sapientiam et disciplinam,
ad intellegenda verba prudentiae;
2 ad sciendam sapientiam et disciplinam ;
3 ad suscipiendam eruditionem doctrinae,
iustitiam et iudicium et aequitatem,
3 ad intelligenda verba prudentiæ,
et suscipiendam eruditionem doctrinæ,
justitiam, et judicium, et æquitatem :
4 ut detur parvulis astutia,
adulescenti scientia et recogitatio.
4 ut detur parvulis astutia,
adolescenti scientia et intellectus.
5 Audiat sapiens et addet doctrinam,
et intellegens dispositiones possidebit:
5 Audiens sapiens, sapientior erit,
et intelligens gubernacula possidebit.
6 animadvertet parabolam et allegoriam,
verba sapientium et aenigmata eorum.
6 Animadvertet parabolam et interpretationem,
verba sapientum et ænigmata eorum.
7 Timor Domini principium scientiae.
Sapientiam atque doctrinam stulti despiciunt.
7 Timor Domini principium sapientiæ ;
sapientiam atque doctrinam stulti despiciunt.
8 Audi, fili mi, disciplinam patris tui
et ne reicias legem matris tuae,
8 Audi, fili mi, disciplinam patris tui,
et ne dimittas legem matris tuæ :
9 quia diadema gratiae sunt capiti tuo,
et torques collo tuo.
9 ut addatur gratia capiti tuo,
et torques collo tuo.
10 Fili mi, si te lactaverint peccatores,
ne acquiescas eis.
10 Fili mi, si te lactaverint peccatores,
ne acquiescas eis.
11 Si dixerint: “ Veni nobiscum, insidiemur sanguini,
abscondamus tendiculas contra insontem frustra;
11 Si dixerint : Veni nobiscum, insidiemur sanguini ;
abscondamus tendiculas contra insontem frustra ;
12 deglutiamus eos sicut infernus viventes
et integros quasi descendentes in lacum:
12 deglutiamus eum sicut infernus viventem,
et integrum quasi descendentem in lacum ;
13 omnem pretiosam substantiam reperiemus,
implebimus domos nostras spoliis;
13 omnem pretiosam substantiam reperiemus ;
implebimus domos nostras spoliis :
14 sortem mitte nobiscum,
marsupium unum sit omnium nostrum ”;
14 sortem mitte nobiscum,
marsupium unum sit omnium nostrum :
15 fili mi, ne ambules cum eis,
prohibe pedem tuum a semitis eorum.
15 fili mi, ne ambules cum eis ;
prohibe pedem tuum a semitis eorum :
16 Pedes enim illorum ad malum currunt
et festinant, ut effundant sanguinem.
16 pedes enim illorum ad malum currunt,
et festinant ut effundant sanguinem.
17 Frustra autem iacitur rete ante oculos pinnatorum.
17 Frustra autem jacitur rete
ante oculos pennatorum.
18 Ipsique contra sanguinem suum insidiantur
et moliuntur fraudes contra animas suas.
18 Ipsi quoque contra sanguinem suum insidiantur,
et moliuntur fraudes contra animas suas.
19 Sic semitae omnis ad rapinam intenti:
animam ipsius possidentis rapiunt.
19 Sic semitæ omnis avari :
animas possidentium rapiunt.
20 Sapientia foris praedicat,
in plateis dat vocem suam,
20 Sapientia foris prædicat ;
in plateis dat vocem suam :
21 in capite viarum frequentium clamitat,
in foribus portarum urbis profert verba sua:
21 in capite turbarum clamitat ;
in foribus portarum urbis profert verba sua, dicens :
22 “ Usquequo, parvuli, diligitis infantiam,
et derisores sibi derisionem cupient,
et imprudentes odibunt scientiam?
22 Usquequo, parvuli, diligitis infantiam,
et stulti ea quæ sibi sunt noxia cupient,
et imprudentes odibunt scientiam ?
23 Convertimini ad correptionem meam;
en proferam vobis spiritum meum
et ostendam vobis verba mea.
23 convertimini ad correptionem meam.
En proferam vobis spiritum meum,
et ostendam vobis verba mea.
24 Quia vocavi, et renuistis,
extendi manum meam, et non fuit qui aspiceret;
24 Quia vocavi, et renuistis ;
extendi manum meam, et non fuit qui aspiceret :
25 despexistis omne consilium meum
et increpationes meas neglexistis.
25 despexistis omne consilium meum,
et increpationes meas neglexistis.
26 Ego quoque in interitu vestro ridebo
et subsannabo, cum terror vobis advenerit,
26 Ego quoque in interitu vestro ridebo,
et subsannabo cum vobis id quod timebatis advenerit.
27 cum irruerit ut procella terror,
et interitus quasi tempestas ingruerit,
quando venerit super vos tribulatio et angustia ”.
27 Cum irruerit repentina calamitas,
et interitus quasi tempestas ingruerit ;
quando venerit super vos tribulatio et angustia :
28 Tunc invocabunt me, et non exaudiam,
instanter quaerent me et non invenient me,
28 tunc invocabunt me, et non exaudiam ;
mane consurgent, et non invenient me :
29 eo quod exosam habuerint disciplinam
et timorem Domini non elegerint
29 eo quod exosam habuerint disciplinam,
et timorem Domini non susceperint,
30 nec acquieverint consilio meo
et despexerint universam correptionem meam.
30 nec acquieverint consilio meo,
et detraxerint universæ correptioni meæ.
31 Comedent igitur fructus viae suae
suisque consiliis saturabuntur.
31 Comedent igitur fructus viæ suæ,
suisque consiliis saturabuntur.
32 Aversio parvulorum interficiet eos,
et securitas stultorum perdet illos.
32 Aversio parvulorum interficiet eos,
et prosperitas stultorum perdet illos.
33 Qui autem me audierit, absque terrore requiescet
et tranquillus erit timore malorum sublato.
33 Qui autem me audierit, absque terrore requiescet,
et abundantia perfruetur, timore malorum sublato.