Scrutatio

Lunedi, 29 aprile 2024 - Santa Caterina da Siena ( Letture di oggi)

Siracide 47

font
NOVA VULGATAVULGATA
1 Post hunc surrexit Nathan
propheta in diebus David.
1 Post hæc surrexit Nathan,
propheta in diebus David.
2 Et quasi adeps separatus a sacrificio salutari,
sic David a filiis Israel.
2 Et quasi adeps separatus a carne,
sic David a filiis Israël.
3 Cum leonibus lusit quasi cum agnis
et in ursis similiter fecit, sicut in agnis ovium.
3 Cum leonibus lusit quasi cum agnis,
et in ursis similiter fecit sicut in agnis ovium, in juventute sua.
4 In iuventute sua numquid non occidit gigantem
et abstulit opprobrium de gente?
4 Numquid non occidit gigantem,
et abstulit opprobrium de gente ?
5 In agitando manu fundam
deiecit exsultationem Goliath.
5 In tollendo manum,
saxo fundæ dejecit exsultationem Goliæ :
6 Nam invocavit Dominum altissimum,
et dedit in dextera eius virtutem
tollere hominem fortem in bello
et exaltare cornu gentis suae.
6 nam invocavit Dominum omnipotentem,
et dedit in dextera ejus tollere hominem fortem in bello,
et exaltare cornu gentis suæ.
7 Sic de decem milibus glorificaverunt eum
et laudaverunt eum in benedictionibus Domini,
in offerendo illi coronam gloriae.
7 Sic in decem millibus glorificavit eum :
et laudavit eum in benedictionibus Domini,
in offerendo illi coronam gloriæ :
8 Contrivit enim inimicos undique
et humiliavit Philisthim contrarios,
usque in hodiernum diem contrivit cornu ipsorum.
8 contrivit enim inimicos undique,
et extirpavit Philisthiim contrarios usque in hodiernum diem :
contrivit cornu ipsorum usque in æternum.
9 In omni opere suo dedit confessionem
Sancto et Excelso in verbo gloriae;
9 In omni opere dedit confessionem Sancto,
et Excelso in verbo gloriæ.
10 de omni corde suo laudavit Dominum
et dilexit Deum, qui fecit illum.
10 De omni corde suo laudavit Dominum :
et dilexit Deum, qui fecit illum,
et dedit illi contra inimicos potentiam :
11 Et stare fecit cantores contra altare
et in sono eorum dulces fecit modos.
11 et stare fecit cantores contra altare,
et in sono eorum dulces fecit modos.
12 Dedit in celebrationibus decus
et ornavit tempora usque ad consummationem anni,
dum laudarent nomen sanctum Domini,
et ante mane resonaret sanctuarium.
12 Et dedit in celebrationibus decus,
et ornavit tempora usque ad consummationem vitæ,
ut laudarent nomen sanctum Domini,
et amplificarent mane Dei sanctitatem.
13 Dominus purgavit peccata ipsius
et exaltavit in aeternum cornu eius et dedit illi testamentum regni
et sedem gloriae in Israel.
13 Dominus purgavit peccata ipsius,
et exaltavit in æternum cornu ejus :
et dedit illi testamentum regni,
et sedem gloriæ in Israël.
14 Post ipsum surrexit filius sensatus,
et propter illum habitavit in securitate.
14 Post ipsum surrexit filius sensatus,
et propter illum dejecit omnem potentiam inimicorum.
15 Salomon imperavit in diebus pacis;
cui Deus requiem dedit in circuitu,
ut conderet domum in nomine suo et pararet sanctuarium in sempiternum.Quemadmodum eruditus es in iuventute tua		15 Salomon imperavit in diebus pacis,
cui subjecit Deus omnes hostes,
ut conderet domum in nomine suo,
et pararet sanctitatem in sempiternum.
Quemadmodum eruditus es in juventute tua,
16 et impletus es quasi flumensapientia!
Terram retexit anima tua,
16 et impletus es, quasi flumen, sapientia,
et terram retexit anima tua.
17 et replesti eam in comparationibus aenigmatum.
Ad insulas longe divulgatum est nomen tuum,
et dilectus es in pace tua.
17 Et replesti in comparationibus ænigmata :
ad insulas longe divulgatum est nomen tuum,
et dilectus es in pace tua.
18 In cantilenis et proverbiis
et comparationibus et interpretationibus
te miratae sunt terrae.
18 In cantilenis, et proverbiis,
et comparationibus, et interpretationibus, miratæ sunt terræ :
19 In nomine Domini Dei,
cui est cognomen Deus Israel,
19 et in nomine Domini Dei,
cui est cognomen Deus Israël.
20 collegisti quasi orichalcum aurum
et ut plumbum cumulasti argentum.
20 Collegisti quasi auricalcum aurum,
et ut plumbum complesti argentum :
21 Sed reclinasti femora tua mulieribus,
subiugatus es in corpore tuo.
21 et inclinasti femora tua mulieribus :
potestatem habuisti in corpore tuo.
22 Dedisti maculam in gloria tua
et profanasti semen tuum,
inducens iracundiam ad liberos tuos
et ingemiscere faciens super stultitia tua,
22 Dedisti maculam in gloria tua,
et profanasti semen tuum,
inducere iracundiam ad liberos tuos,
et incitari stultitiam tuam :
23 ut fieret imperium bipartitum,
et ex Ephraim inciperet imperium infidele.
23 ut faceres imperium bipartitum,
et ex Ephraim imperare imperium durum.
24 Deus autem non derelinquet misericordiam suam
et non corrumpet nec delebit verba sua
neque perdet a stirpe nepotes electi sui
et semen eius, qui diligit Dominum, non corrumpet.
24 Deus autem non derelinquet misericordiam suam :
et non corrumpet, nec delebit opera sua,
neque perdet a stirpe nepotes electi sui,
et semen ejus qui diligit Dominum non corrumpet.
25 Dedit autem reliquum Iacob
et David de ipso stirpem.
25 Dedit autem reliquum Jacob,
et David de ipsa stirpe.
26 Et finem habuit Salomon cum patribus suis
26 Et finem habuit Salomon cum patribus suis.
27 et dereliquit post se de semine suo
gentis stultitiam		27 Et dereliquit post se de semine suo, gentis stultitiam,
28 et imminutum prudentia,
Roboam, qui avertit gentem consilio suo.
28 et imminutum a prudentia, Roboam,
qui avertit gentem consilio suo :
29 Et Ieroboam filius Nabat, qui peccare fecit Israel
et dedit viam peccandi Ephraim;
et plurima redundaverunt peccata ipsorum valde,
29 et Jeroboam filium Nabat, qui peccare fecit Israël,
et dedit viam peccandi Ephraim :
et plurima redundaverunt peccata ipsorum.
30 ita ut expelleret illos a terra sua.
30 Valde averterunt illos a terra sua.
31 Et exquisierunt omnes nequitias,
usque dum perveniret super illos vindicta.
31 Et quæsivit omnes nequitias,
usque dum perveniret ad illos defensio,
et ab omnibus peccatis liberavit eos.