Siracide 39
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Qui autem accommodat animam suam ad timorem Dei et in lege Altissimi meditatur, sapientiam omnium antiquorum exquiret et in prophetiis vacabit. | 1 Sapientiam omnium antiquorum exquiret sapiens, et in prophetis vacabit. |
2 Narrationem virorum nominatorum conservabit et in versutias parabolarum simul introibit. | 2 Narrationem virorum nominatorum conservabit, et in versutias parabolarum simul introibit. |
3 Occulta proverbiorum exquiret et in absconditis parabolarum conversabitur. | 3 Occulta proverbiorum exquiret, et in absconditis parabolarum conversabitur. |
4 In medio magnatorum ministrabit et in conspectu principum apparebit. | 4 In medio magnatorum ministrabit, et in conspectu præsidis apparebit. |
5 In terram alienigenarum gentium pertransiet; bona enim et mala in hominibus tentabit. | 5 In terram alienigenarum gentium pertransiet : bona enim et mala in hominibus tentabit. |
6 Cor suum tradet ad vigilandum diluculo ad Dominum, qui fecit illum, et in conspectu Altissimi deprecabitur. | 6 Cor suum tradet ad vigilandum diluculo ad Dominum, qui fecit illum, et in conspectu Altissimi deprecabitur. |
7 Aperiet os suum in oratione et pro delictis suis deprecabitur. | 7 Aperiet os suum in oratione, et pro delictis suis deprecabitur. |
8 Si enim Dominus magnus voluerit, spiritu intellegentiae replebitur. | 8 Si enim Dominus magnus voluerit, spiritu intelligentiæ replebit illum : |
9 Ipse tamquam imbres mittet eloquia sapientiae suae et in oratione confitebitur Domino. | 9 et ipse tamquam imbres mittet eloquia sapientiæ suæ, et in oratione confitebitur Domino : |
10 Et ipse diriget consilium et disciplinam et in absconditis eius considerabit. | 10 et ipse diriget consilium ejus, et disciplinam, et in absconditis suis consiliabitur. |
11 Ipse palam faciet disciplinam doctrinae suae et in lege testamenti Domini gloriabitur. | 11 Ipse palam faciet disciplinam doctrinæ suæ, et in lege testamenti Domini gloriabitur. |
12 Collaudabunt multi sapientiam eius, et usque in saeculum non delebitur. | 12 Collaudabunt multi sapientiam ejus, et usque in sæculum non delebitur. |
13 Non recedet memoria eius, et nomen eius requiretur a generatione in generationem; | 13 Non recedet memoria ejus, et nomen ejus requiretur a generatione in generationem. |
14 sapientiam eius enarrabunt gentes, et laudem eius enuntiabit ecclesia. | 14 Sapientiam ejus enarrabunt gentes, et laudem ejus enuntiabit ecclesia. |
15 Si permanserit, nomen derelinquet plus quam mille, et, si requieverit, proderit sibi. | 15 Si permanserit, nomen derelinquet plus quam mille : et si requieverit, proderit illi. |
16 Adhuc meditabor et enarrabo; ut luna die duodecimo repletus sum. | 16 Adhuc consiliabor ut enarrem : ut furore enim repletus sum. |
17 Obaudite me, filii pii, et quasi rosa plantata super rivos aquarum florebit caro vestra; | 17 In voce dicit : Obaudite me, divini fructus, et quasi rosa plantata super rivos aquarum fructificate. |
18 quasi libanus odorem suavitatis habete, | 18 Quasi Libanus odorem suavitatis habete. |
19 florete flores quasi lilium. Date vocem et collaudate canticum et benedicite Dominum in omnibus operibus suis. | 19 Florete flores quasi lilium : et date odorem, et frondete in gratiam : et collaudate canticum, et benedicite Dominum in operibus suis. |
20 Date nomini eius magnificentiam et confitemini illi in laudatione eius et in canticis labiorum et citharis; et sic dicetis in confessione: | 20 Date nomini ejus magnificentiam, et confitemini illi in voce labiorum vestrorum, et in canticis labiorum, et citharis : et sic dicetis in confessione : |
21 “ Opera Domini universa bona valde, et omne, quod praecepit, tempore suo erit! ”. Non est dicere: “ Quid est hoc? ” aut “ Ad quid istud? ”; omnia enim in tempore suo conquirentur. | 21 Opera Domini universa bona valde. |
22 In verbo eius stetit aqua sicut congeries, et in sermone oris illius exceptoria aquarum; | 22 In verbo ejus stetit aqua sicut congeries : et in sermone oris illius sicut exceptoria aquarum : |
23 quoniam in praecepto ipsius placor fit, et non est minoratio in salutare ipsius. | 23 quoniam in præcepto ipsius placor fit, et non est minoratio in salute ipsius. |
24 Opera omnis carnis coram illo, et non est quidquam absconditum ab oculis eius. | 24 Opera omnis carnis coram illo, et non est quidquam absconditum ab oculis ejus. |
25 A saeculo usque in saeculum respicit, et nihil est mirabile in conspectu eius. | 25 A sæculo usque in sæculum respicit, et nihil est mirabile in conspectu ejus. |
26 Non est dicere: “ Quid est hoc! ” aut “ Ad quid istud? ”; omnia enim in usum suum creata sunt. | 26 Non est dicere : Quid est hoc, aut quid est istud ? omnia enim in tempore suo quærentur. |
27 Benedictio illius quasi fluvius inundavit | 27 Benedictio illius quasi fluvius inundavit. |
28 et sicut cataclysmus aridam inebriavit. Sic ira ipsius gentes, quae non exquisierunt eum, disperdet, | 28 Quomodo cataclysmus aridam inebriavit, sic ira ipsius gentes quæ non exquisierunt eum hæreditabit. |
29 quomodo convertit aquas in salsuginem. Viae illius sanctis directae sunt; sic peccatoribus offensiones in ira eius. | 29 Quomodo convertit aquas in siccitatem, et siccata est terra, et viæ illius viis illorum directæ sunt, sic peccatoribus offensiones in ira ejus. |
30 Bona bonis creata sunt ab initio, sic peccatoribus bona et mala. | 30 Bona bonis creata sunt ab initio : sic nequissimis bona et mala. |
31 Primum necessaria vitae hominum aqua, ignis et ferrum, sal, lac et panis similagineus et mel et sanguis uvae et oleum et vestimentum: | 31 Initium necessariæ rei vitæ hominum, aqua, ignis, et ferrum, sal, lac, et panis similagineus, et mel, et botrus uvæ, et oleum, et vestimentum. |
32 haec omnia sanctis in bona, sic et impiis et peccatoribus in mala convertentur. | 32 Hæc omnia sanctis in bona, sic et impiis et peccatoribus in mala convertentur. |
33 Sunt spiritus, qui ad vindictam creati sunt et in furore suo confirmaverunt tormenta sua; | 33 Sunt spiritus qui ad vindictam creati sunt, et in furore suo confirmaverunt tormenta sua. |
34 in tempore consummationis effundent virtutem et furorem eius, qui fecit illos, placabunt: | 34 In tempore consummationis effundent virtutem, et furorem ejus qui fecit illos placabunt. |
35 ignis, grando, fames et mors, omnia haec ad vindictam creata sunt; | 35 Ignis, grando, fames, et mors, omnia hæc ad vindictam creata sunt : |
36 bestiarum dentes et scorpii et serpentes et romphaea vindicans in exterminium impios: | 36 bestiarum dentes, et scorpii, et serpentes, et rhomphæa vindicans in exterminium impios. |
37 in mandatis eius gaudebunt et super terram in necessitates praeparabuntur et in temporibus suis non praeterient verbum. | 37 In mandatis ejus epulabuntur : et super terram in necessitatem præparabuntur, et in temporibus suis non præterient verbum. |
38 Propterea ab initio confirmatus et consiliatus sum et cogitavi et scriptis mandavi: | 38 Propterea ab initio confirmatus sum, et consiliatus sum, et cogitavi, et scripta dimisi. |
39 “ Opera Domini omnia bona, et omnem usum hora sua subministrabit ”. | 39 Omnia opera Domini bona, et omne opus hora sua subministrabit. |
40 Non est dicere: “ Hoc illo nequius est ”: omnia enim in tempore suo comprobabuntur. | 40 Non est dicere : Hoc illo nequius est : omnia enim in tempore suo comprobabuntur. |
41 Et nunc in omni corde et ore collaudate et benedicite nomen Domini. | 41 Et nunc in omni corde et ore collaudate, et benedicite nomen Domini. |