Proverbi 8

NOVA VULGATA	NOVA VULGATA
1 Numquid non sapientia clamitat, et prudentia dat vocem suam?	1 Numquid non sapientia clamitat, et prudentia dat vocem suam?
2 In summis verticibus supra viam in mediis semitis stans,	2 In summis verticibus supra viam in mediis semitis stans,
3 iuxta portas ad introitum civitatis, in ipsis foribus conclamat:	3 iuxta portas ad introitum civitatis, in ipsis foribus conclamat:
4 “ O viri, ad vos clamito, et vox mea ad filios hominum.	4 “ O viri, ad vos clamito, et vox mea ad filios hominum.
5 Intellegite, parvuli, astutiam; et insipientes, animadvertite.	5 Intellegite, parvuli, astutiam; et insipientes, animadvertite.
6 Audite, quoniam de rebus magnis locutura sum, et aperientur labia mea, ut recta praedicent.	6 Audite, quoniam de rebus magnis locutura sum, et aperientur labia mea, ut recta praedicent.
7 Veritatem meditabitur guttur meum, et labia mea detestabuntur impium.	7 Veritatem meditabitur guttur meum, et labia mea detestabuntur impium.
8 Iusti sunt omnes sermones oris mei, non est in eis pravum quid neque perversum;	8 Iusti sunt omnes sermones oris mei, non est in eis pravum quid neque perversum;
9 omnes recti sunt intellegentibus et aequi invenientibus scientiam.	9 omnes recti sunt intellegentibus et aequi invenientibus scientiam.
10 Accipitc disciplinam meam et non pecuniam, doctrinam magis quam aurum electum.	10 Accipitc disciplinam meam et non pecuniam, doctrinam magis quam aurum electum.
11 Melior est enim sapientia gemmis, et omne desiderabile ei non potest comparari ”.	11 Melior est enim sapientia gemmis, et omne desiderabile ei non potest comparari ”.
12 Ego sapientia habito cum prudentia et artem excogitandi invenio.	12 Ego sapientia habito cum prudentia et artem excogitandi invenio.
13 Timor Domini odisse malum; arrogantiam et superbiam et viam pravam et os bilingue detestor.	13 Timor Domini odisse malum; arrogantiam et superbiam et viam pravam et os bilingue detestor.
14 Meum est consilium et prudentia, mea est intellegentia, mea est fortitudo.	14 Meum est consilium et prudentia, mea est intellegentia, mea est fortitudo.
15 Per me reges regnant, et principes iusta decernunt;	15 Per me reges regnant, et principes iusta decernunt;
16 per me duces imperant, et potentes decernunt iustitiam.	16 per me duces imperant, et potentes decernunt iustitiam.
17 Ego diligentes me diligo; et, qui mane vigilant ad me, invenient me.	17 Ego diligentes me diligo; et, qui mane vigilant ad me, invenient me.
18 Mecum sunt divitiae et gloria, opes superbae et iustitia.	18 Mecum sunt divitiae et gloria, opes superbae et iustitia.
19 Melior est enim fructus meus auro et obryzo, et genimina mea argento electo.	19 Melior est enim fructus meus auro et obryzo, et genimina mea argento electo.
20 In viis iustitiae ambulo, in medio semitarum iudicii,	20 In viis iustitiae ambulo, in medio semitarum iudicii,
21 ut ditem diligentes me et thesauros eorum repleam.	21 ut ditem diligentes me et thesauros eorum repleam.
22 Dominus possedit me in initio viarum suarum, antequam quidquam faceret a principio;	22 Dominus possedit me in initio viarum suarum, antequam quidquam faceret a principio;
23 ab aeterno ordinata sum et ex antiquis, antequam terra fieret.	23 ab aeterno ordinata sum et ex antiquis, antequam terra fieret.
24 Nondum erant abyssi, et ego iam concepta eram, necdum fontes graves aquis,	24 Nondum erant abyssi, et ego iam concepta eram, necdum fontes graves aquis,
25 priusquam montes demergerentur, ante colles ego parturiebar.	25 priusquam montes demergerentur, ante colles ego parturiebar.
26 Adhuc terram non fecerat et campos et initium glebae orbis terrae.	26 Adhuc terram non fecerat et campos et initium glebae orbis terrae.
27 Quando praeparabat caelos, aderam, quando certa lege et gyro vallabat abyssos,	27 Quando praeparabat caelos, aderam, quando certa lege et gyro vallabat abyssos,
28 quando nubes firmabat sursum, et praevaluerunt fontes abyssi,	28 quando nubes firmabat sursum, et praevaluerunt fontes abyssi,
29 quando circumdabat mari terminum suum et aquis, ne transirent fines suos, quando iecit fundamenta terrae,	29 quando circumdabat mari terminum suum et aquis, ne transirent fines suos, quando iecit fundamenta terrae,
30 cum eo eram ut artifex: delectatio eius per singulos dies, ludens coram eo omni tempore,	30 cum eo eram ut artifex: delectatio eius per singulos dies, ludens coram eo omni tempore,
31 ludens in orbe terrarum, et deliciae meae esse cum filiis hominum.	31 ludens in orbe terrarum, et deliciae meae esse cum filiis hominum.
32 Nunc ergo, filii, audite me: beati, qui custodiunt vias meas;	32 Nunc ergo, filii, audite me: beati, qui custodiunt vias meas;
33 audite disciplinam et estote sapientes et nolite abicere eam.	33 audite disciplinam et estote sapientes et nolite abicere eam.
34 Beatus homo, qui audit me et qui vigilat ad fores meas cotidie et observat ad postes ostii mei.	34 Beatus homo, qui audit me et qui vigilat ad fores meas cotidie et observat ad postes ostii mei.
35 Qui me invenerit, inveniet vitam et hauriet delicias a Domino.	35 Qui me invenerit, inveniet vitam et hauriet delicias a Domino.
36 Qui autem in me peccaverit, laedet animam suam: omnes, qui me oderunt, diligunt mortem.	36 Qui autem in me peccaverit, laedet animam suam: omnes, qui me oderunt, diligunt mortem.