Proverbi 27
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Ne glorieris in crastinum ignorans, quid superventura pariat dies. | 1 Ne glorieris in crastinum, ignorans quid superventura pariat dies. |
2 Laudet te alienus et non os tuum, extraneus et non labia tua. | 2 Laudet te alienus, et non os tuum ; extraneus, et non labia tua. |
3 Grave est saxum et onerosa arena, sed ira stulti utroque gravior. | 3 Grave est saxum, et onerosa arena, sed ira stulti utroque gravior. |
4 Saevitas et erumpens furor, et coram zelo consistere quis poterit? | 4 Ira non habet misericordiam nec erumpens furor, et impetum concitati ferre quis poterit ? |
5 Melior est manifesta correptio quam amor absconditus. | 5 Melior est manifesta correptio quam amor absconditus. |
6 Veriora sunt vulnera diligentis quam fraudulenta oscula odientis. | 6 Meliora sunt vulnera diligentis quam fraudulenta oscula odientis. |
7 Anima saturata calcabit favum, et anima esuriens etiam amarum pro dulci sumet. | 7 Anima saturata calcabit favum, et anima esuriens etiam amarum pro dulci sumet. |
8 Sicut avis transmigrans de nido suo, sic vir errans longe a loco suo. | 8 Sicut avis transmigrans de nido suo, sic vir qui derelinquit locum suum. |
9 Unguento et ture delectatur cor et dulcedine amici in consilio ex animo. | 9 Unguento et variis odoribus delectatur cor, et bonis amici consiliis anima dulcoratur. |
10 Amicum tuum et amicum patris tui ne dimiseris et domum fratris tui ne ingrediaris in die afflictionis tuae. Melior est vicinus iuxta quam frater procul. | 10 Amicum tuum et amicum patris tui ne dimiseris, et domum fratris tui ne ingrediaris in die afflictionis tuæ. Melior est vicinus juxta quam frater procul. |
11 Stude sapientiae, fili mi, et laetifica cor meum, ut possim exprobranti mihi respondere sermonem. | 11 Stude sapientiæ, fili mi, et lætifica cor meum, ut possis exprobranti respondere sermonem. |
12 Astutus videns malum absconditus est; simplices transeuntes multati sunt. | 12 Astutus videns malum, absconditus est : parvuli transeuntes sustinuerunt dispendia. |
13 Tolle vestimentum eius, qui spopondit pro extraneo, et pro alienis aufer ei pignus. | 13 Tolle vestimentum ejus qui spopondit pro extraneo, et pro alienis aufer ei pignus. |
14 Qui benedicit proximo suo voce grandi mane consurgens, maledictio reputabitur ei. | 14 Qui benedicit proximo suo voce grandi, de nocte consurgens maledicenti similis erit. |
15 Tecta perstillantia in die frigoris et litigiosa mulier comparantur; | 15 Tecta perstillantia in die frigoris et litigiosa mulier comparantur. |
16 qui retinet eam, quasi qui ventum teneat, et oleum dextera sua tenere reperietur. | 16 Qui retinet eam quasi qui ventum teneat, et oleum dexteræ suæ vocabit. |
17 Ferrum ferro exacuitur, et homo exacuit faciem amici sui. | 17 Ferrum ferro exacuitur, et homo exacuit faciem amici sui. |
18 Qui servat ficum, comedet fructus eius; et, qui custos est domini sui, glorificabitur. | 18 Qui servat ficum comedet fructus ejus, et qui custos est domini sui glorificabitur. |
19 Quomodo in aqua facies prospicit ad faciem, sic cor hominis ad hominem. | 19 Quomodo in aquis resplendent vultus prospicientium, sic corda hominum manifesta sunt prudentibus. |
20 Infernus et Perditio numquam implentur, similiter et oculi hominum insatiabiles. | 20 Infernus et perditio numquam implentur : similiter et oculi hominum insatiabiles. |
21 Quomodo probatur in conflatorio argentum et in fornace aurum, sic probatur homo ore laudantis. | 21 Quomodo probatur in conflatorio argentum et in fornace aurum, sic probatur homo ore laudantis. Cor iniqui inquirit mala, cor autem rectum inquirit scientiam. |
22 Si pilo contuderis stultum in pila quasi ptisanas, non auferetur ab eo stultitia eius. | 22 Si contuderis stultum in pila quasi ptisanas feriente desuper pilo, non auferetur ab eo stultitia ejus. |
23 Diligenter agnosce vultum pecoris tui; appone cor tuum ad greges, | 23 Diligenter agnosce vultum pecoris tui, tuosque greges considera : |
24 non enim habebis iugiter divitias. Num corona tribuetur in generationem et generationem? | 24 non enim habebis jugiter potestatem, sed corona tribuetur in generationem et generationem. |
25 Nudata sunt prata, et apparuerunt herbae virentes, et collecta sunt fena de montibus; | 25 Aperta sunt prata, et apparuerunt herbæ virentes, et collecta sunt fœna de montibus. |
26 agni ad vestimentum tuum, et haedi ad agri pretium; | 26 Agni ad vestimentum tuum, et hædi ad agri pretium. |
27 sufficiat tibi lac caprarum in cibum tuum et in cibum domus tuae et ad victum ancillis tuis. | 27 Sufficiat tibi lac caprarum in cibos tuos, et in necessaria domus tuæ, et ad victum ancillis tuis. |