Esodo 25
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Locutusque est Dominus ad Moysen dicens: | 1 Locutusque est Dominus ad Moysen, dicens : |
2 “ Loquere filiis Israel, ut tollant mihi donaria; ab omni homine, qui offert ultroneus, accipietis ea. | 2 Loquere filiis Israël, ut tollant mihi primitias : ab omni homine qui offeret ultroneus, accipietis eas. |
3 Haec sunt autem, quae accipere debetis: aurum et argentum et aes, | 3 Hæc sunt autem quæ accipere debeatis : aurum, et argentum, et æs, |
4 hyacinthum et purpuram coccumque et byssum, pilos caprarum | 4 hyacinthum et purpuram, coccumque bis tinctum, et byssum, pilos caprarum, |
5 et pelles arietum rubricatas pellesque delphini et ligna acaciae, | 5 et pelles arietum rubricatas, pellesque janthinas, et ligna setim : |
6 oleum ad luminaria concinnanda, aromata in unguentum et in thymiama boni odoris, | 6 oleum ad luminaria concinnanda : aromata in unguentum, et thymiamata boni odoris : |
7 lapides onychinos et gemmas ad ornandum ephod ac pectorale. | 7 lapides onychinos, et gemmas ad ornandum ephod, ac rationale. |
8 Facientque mihi sanctuarium, et habitabo in medio eorum. | 8 Facientque mihi sanctuarium, et habitabo in medio eorum : |
9 Iuxta omnem similitudinem habitaculi, quam ostendam tibi, et omnium vasorum in cultum eius: sicque facietis illud. | 9 juxta omnem similitudinem tabernaculi quod ostendam tibi, et omnium vasorum in cultum ejus. Sicque facietis illud : |
10 Arcam de lignis acaciae compingent; cuius longitudo habeat duos semis cubitos, latitudo cubitum et dimidium, altitudo cubitum similiter ac semissem. | 10 arcam de lignis setim compingite, cujus longitudo habeat duos et semis cubitos : latitudo, cubitum et dimidium : altitudo, cubitum similiter ac semissem. |
11 Et deaurabis eam auro mundissimo intus et foris; faciesque supra coronam auream per circuitum | 11 Et deaurabis eam auro mundissimo intus et foris : faciesque supra, coronam auream per circuitum : |
12 et conflabis ei quattuor circulos aureos, quos pones in quattuor arcae pedibus: duo circuli sint in latere uno et duo in altero. | 12 et quatuor circulos aureos, quos pones per quatuor arcæ angulos : duo circuli sint in latere uno, et duo in altero. |
13 Facies quoque vectes de lignis acaciae et operies eos auro; | 13 Facies quoque vectes de lignis setim, et operies eos auro. |
14 inducesque per circulos, qui sunt in arcae lateribus, ut portetur in eis; | 14 Inducesque per circulos qui sunt in arcæ lateribus, ut portetur in eis : |
15 qui semper erunt in circulis nec umquam extrahentur ab eis. | 15 qui semper erunt in circulis, nec umquam extrahentur ab eis. |
16 Ponesque in arcam testimonium, quod dabo tibi. | 16 Ponesque in arca testificationem quam dabo tibi. |
17 Facies et propitiatorium de auro mundissimo; duos cubitos et dimidium tenebit longitudo eius, et cubitum ac semissem latitudo. | 17 Facies et propitiatorium de auro mundissimo : duos cubitos et dimidium tenebit longitudo ejus, et cubitum ac semissem latitudo. |
18 Duos quoque cherubim aureos et productiles facies ex utraque parte propitiatorii, | 18 Duos quoque cherubim aureos et productiles facies, ex utraque parte oraculi. |
19 cherub unus sit in latere uno et alter in altero; ex propitiatorio facies cherubim in utraque parte eius. | 19 Cherub unus sit in latere uno, et alter in altero. |
20 Expandent alas sursum et operient alis suis propitiatorium; respicientque se mutuo, versis vultibus in propitiatorium, | 20 Utrumque latus propitiatorii tegant expandentes alas, et operientes oraculum, respiciantque se mutuo versis vultibus in propitiatorium quo operienda est arca, |
21 quo operienda est arca, in qua pones testimonium, quod dabo tibi. | 21 in qua pones testimonium quod dabo tibi. |
22 Et conveniam te ibi et loquar ad te supra propitiatorium de medio duorum cherubim, qui erunt super arcam testimonii, cuncta, quae mandabo per te filiis Israel. | 22 Inde præcipiam, et loquar ad te supra propitiatorium, ac de medio duorum cherubim, qui erunt super arcam testimonii, cuncta quæ mandabo per te filiis Israël. |
23 Facies et mensam de lignis acaciae habentem duos cubitos longitudinis et in latitudine cubitum et in altitudine cubitum ac semissem. | 23 Facies et mensam de lignis setim, habentem duos cubitos longitudinis, et in latitudine cubitum, et in altitudine cubitum et semissem. |
24 Et inaurabis eam auro purissimo; faciesque illi coronam auream per circuitum. | 24 Et inaurabis eam auro purissimo : faciesque illi labium aureum per circuitum, |
25 Facies quoque ei limbum altum quattuor digitis per circuitum et super illum coronam auream. | 25 et ipsi labio coronam interrasilem altam quatuor digitis : et super illam, alteram coronam aureolam. |
26 Quattuor quoque circulos aureos praeparabis et pones eos in quattuor angulis eiusdem mensae per singulos pedes. | 26 Quatuor quoque circulos aureos præparabis, et pones eis in quatuor angulis ejusdem mensæ per singulos pedes. |
27 Iuxta limbum erunt circuli aurei, ut mittantur vectes per eos, et possit mensa portari. | 27 Subter coronam erunt circuli aurei, ut mittantur vectes per eos, et possit mensa portari. |
28 Ipsosque vectes facies de lignis acaciae et circumdabis auro, et per ipsos subvehitur mensa. | 28 Ipsos quoque vectes facies de lignis setim, et circumdabis auro ad subvehendam mensam. |
29 Parabis et acetabula ac phialas, vasa et cyathos, in quibus offerenda sunt libamina, ex auro purissimo. | 29 Parabis et acetabula, ac phialas, thuribula, et cyathos, in quibus offerenda sunt libamina, ex auro purissimo. |
30 Et pones super mensam panes propositionis in conspectu meo semper. | 30 Et pones super mensam panes propositionis in conspectu meo semper. |
31 Facies et candelabrum ductile de auro mundissimo: basis et hastile eius, scyphi et sphaerulae ac flores in unum efformentur. | 31 Facies et candelabrum ductile de auro mundissimo, hastile ejus, et calamos, scyphos, et sphærulas, ac lilia ex ipso procedentia. |
32 Sex calami egredientur de lateribus, tres ex uno latere et tres ex altero. | 32 Sex calami egredientur de lateribus, tres ex uno latere, et tres ex altero. |
33 Tres scyphi quasi in nucis modum in calamo uno sphaerulaeque simul et flores; et tres similiter scyphi instar nucis in calamo altero sphaerulaeque simul et flores: hoc erit opus sex calamorum, qui producendi sunt de hastili. | 33 Tres scyphi quasi in nucis modum per calamos singulos, sphærulaque simul, et lilium : et tres similiter scyphi instar nucis in calamo altero, sphærulaque simul et lilium. Hoc erit opus sex calamorum, qui producendi sunt de hastili : |
34 In ipso autem hastili candelabri erunt quattuor scyphi in nucis modum sphaerulaeque et flores. | 34 in ipso autem candelabro erunt quatuor scyphi in nucis modum, sphærulæque per singulos, et lilia. |
35 Singulae sphaerulae sub binis calamis per tria loca, qui simul sex fiunt, procedentes de hastili uno. | 35 Sphærulæ sub duobus calamis per tria loca, qui simul sex fiunt procedentes de hastili uno. |
36 Sphaerulae igitur et calami unum cum ipso erunt, totum ductile de auro purissimo. | 36 Et sphærulæ igitur et calami ex ipso erunt, universa ductilia de auro purissimo. |
37 Facies et lucernas septem et pones eas super candelabrum, ut luceant in locum ex adverso. | 37 Facies et lucernas septem, et pones eas super candelabrum, ut luceant ex adverso. |
38 Emunctoria quoque et vasa, in quibus emuncta condantur, fient de auro purissimo. | 38 Emunctoria quoque, et ubi quæ emuncta sunt extinguantur, fiant de auro purissimo. |
39 Omne pondus candelabri cum universis vasis suis habebit talentum auri purissimi. | 39 Omne pondus candelabri cum universis vasis suis habebit talentum auri purissimi. |
40 Inspice et fac secundum exemplar, quod tibi in monte monstratum est. | 40 Inspice, et fac secundum exemplar quod tibi in monte monstratum est. |