Scrutatio

Sabato, 27 aprile 2024 - Santa Zita ( Letture di oggi)

Ecclesiasticus 41

font
VULGATANOVA VULGATA
1 O mors, quam amara est memoria tua
homini pacem habenti in substantiis suis :
1 O mors, quam amara est memoria tua
homini pacem habenti in substantiis suis,
2 viro quieto, et cujus viæ directæ sunt in omnibus,
et adhuc valenti accipere cibum !
2 viro quieto et, cuius viae directae sunt in omnibus,
et adhuc valenti accipere voluptatem!
3 O mors, bonum est judicium tuum homini indigenti,
et qui minoratur viribus,
3 O mors, bonum est iudicium tuum
homini indigenti et, qui minoratur viribus,
4 defecto ætate, et cui de omnibus cura est,
et incredibili, qui perdit patientiam !
4 defecto aetate et, cui de omnibus cura est,
qui fiduciam amisit et perdidit patientiam!
5 Noli metuere judicium mortis :
memento quæ ante te fuerunt,
et quæ superventura sunt tibi :
hoc judicium a Domino omni carni.
5 Noli metuere iudicium mortis;
memento eorum, qui ante te fuerunt
et qui superventuri sunt tibi:
hoc iudicium a Domino omni carni;
6 Et quid superveniet tibi in beneplacito Altissimi ?
sive decem, sive centum, sive mille anni :
6 et quid resistis beneplacito Altissimi?
Sive decem sive centum sive mille anni,
7 non est enim in inferno accusatio vitæ.
7 non est enim in inferno accusatio vitae.
8 Filii abominationum fiunt filii peccatorum,
et qui conversantur secus domos impiorum.
8 Filii abominationum fiunt filii peccatorum,
et qui conversantur in sedibus impiorum;
9 Filiorum peccatorum periet hæreditas,
et cum semine illorum assiduitas opprobrii.
9 filiorum peccatorum periet hereditas,
et cum semine illorum assiduitas opprobrii.
10 De patre impio queruntur filii,
quoniam propter illum sunt in opprobrio.
10 De patre impio queruntur filii,
quoniam propter illum sunt in opprobrio.
11 Væ vobis, viri impii,
qui dereliquistis legem Domini Altissimi !
11 Vae vobis, viri impii,
qui dereliquistis legem Domini Altissimi!
12 Et si nati fueritis, in maledictione nascemini :
et si mortui fueritis, in maledictione erit pars vestra.
12 Et, si nati fueritis, in maledictione nascemini;
et, si mortui fueritis, in maledictione erit pars vestra.
13 Omnia quæ de terra sunt in terram convertentur :
sic impii a maledicto in perditionem.
13 Omnia, quae de terra sunt, in terram convertentur,
sic impii a maledicto in perditionem.
14 Luctus hominum in corpore ipsorum :
nomen autem impiorum delebitur.
14 Luctus hominum in corpore ipsorum;
nomen autem impiorum non bonum delebitur.
15 Curam habe de bono nomine :
hoc enim magis permanebit tibi
quam mille thesauri pretiosi et magni.
15 Curam habe de bono nomine;
hoc enim magis permanebit tibi
quam mille thesauri pretiosi et magni:
16 Bonæ vitæ numerus dierum :
bonum autem nomen permanebit in ævum.
16 bonae vitae numerus dierum,
bonum autem nomen permanebit in aevum.
17 Disciplinam in pace conservate, filii :
sapientia enim abscondita, et thesaurus invisus,
quæ utilitas in utrisque ?
17 Melior est homo, qui abscondit stultitiam suam,
quam homo, qui abscondit sapientiam suam.
Sapientia enim abscondita et thesaurus invisibilis,
quae utilitas in utrisque?
18 Melior est homo qui abscondit stultitiam suam,
quam homo qui abscondit sapientiam suam.
18 Disciplinam in pace conservate, filii;
19 Verumtamen reveremini in his quæ procedunt de ore meo :
19 verumtamen reveremini iudicium meum:
20 non est enim bonum omnem reverentiam observare,
et non omnia omnibus bene placent in fide.
20 non est enim bonum omnem reverentiam observare,
et non omnis pudor probatus.
21 Erubescite a patre et a matre de fornicatione :
et a præsidente et a potente de mendacio :
21 Erubescite a patre et a matre de fornicatione
et a praesidente et a potente de mendacio,
22 a principe et a judice de delicto :
a synagoga et plebe de iniquitate :
22 a principe et a iudice de delicto,
a synagoga et plebe de iniquitate,
23 a socio et amico de injustitia,
et de loco in quo habitas :
23 a socio et amico de iniustitia
et de loco, in quo habitas,
24 de furto, de veritate Dei, et testamento :
de discubitu in panibus, et ab obfuscatione dati et accepti :
24 de furto,
de veritate Dei et testamento,
de impositione cubiti super mensam
et a despectione dati et accepti,
25 a salutantibus de silentio,
a respectu mulieris fornicariæ,
et ab aversione vultus cognati.
25 a salutantibus de silentio,
a respectu mulieris fornicariae
et ab aversione vultus cognati
26 Ne avertas faciem a proximo tuo,
et ab auferendo partem et non restituendo.
26 et ab auferendo partem et non restituendo
27 Ne respicias mulierem alieni viri,
et ne scruteris ancillam ejus,
neque steteris ad lectum ejus.
27 et a respiciendo mulierem alieni viri
et a curiositate in ancillam eius,
neque steteris ad lectum eius;
28 Ab amicis de sermonibus improperii :
et cum dederis, ne improperes.		28 ab amicis de sermonibus improperii,
et, cum dederis, ne improperes;