Ecclesiasticus 14
123456789101112131415161718192021222324252627282930313233343536373839404142434445464748495051
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Beatus vir qui non est lapsus verbo ex ore suo, et non est stimulatus in tristitia delicti. | 1 Beatus vir, qui non est lapsus verbo ex ore suo et non est stimulatus in tristitia delicti. |
2 Felix qui non habuit animi sui tristitiam, et non excidit a spe sua. | 2 Felix, quem non condemnat anima sua, et non excidit a spe sua. |
3 Viro cupido et tenaci sine ratione est substantia : et homini livido ad quid aurum ? | 3 Viro tenaci sine ratione est substantia; et homini livido ad quid aurum? |
4 Qui acervat ex animo suo injuste, aliis congregat, et in bonis illius alius luxuriabitur. | 4 Qui denegat animo suo iniuste, aliis congregat, et in bonis illius alius luxuriabitur. |
5 Qui sibi nequam est, cui alii bonus erit ? et non jucundabitur in bonis suis. | 5 Qui sibi nequam est, cui alii bonus erit? Et non iucundabitur in bonis suis. |
6 Qui sibi invidet, nihil est illo nequius : et hæc redditio est malitiæ illius. | 6 Qui sibi invidet, nihil est illo nequius; et haec redditio est malitiae illius. |
7 Et si bene fecerit, ignoranter et non volens facit : et in novissimo manifestat malitiam suam. | 7 Et, si bene fecerit, ignoranter et non volens facit et in novissimo manifestat malitiam suam. |
8 Nequam est oculus lividi : et avertens faciem suam, et despiciens animam suam. | 8 Nequam est oculus lividi et avertens faciem suam et despiciens animas. |
9 Insatiabilis oculus cupidi in parte iniquitatis : non satiabitur donec consumat arefaciens animam suam. | 9 Insatiabilis oculus cupidi in parte non satiabitur, donec consumat arefaciens animam suam. |
10 Oculus malus ad mala, et non saturabitur pane, sed indigens et in tristitia erit super mensam suam. | 10 Oculus malus lividus irruit in panem et neglegens est mensae suae. |
11 Fili, si habes, benefac tecum, et Deo dignas oblationes offer. | 11 Fili, si habes, benefac tecum et Deo dignas oblationes offer. |
12 Memor esto quoniam mors non tardat, et testamentum inferorum, quia demonstratum est tibi : testamentum enim hujus mundi morte morietur. | 12 Memor esto quoniam mors non tardat, et decretum inferorum quia non demonstratum est tibi; decretum enim huius mundi: morte morietur. |
13 Ante mortem benefac amico tuo, et secundum vires tuas exporrigens da pauperi. | 13 Ante mortem benefac amico tuo et secundum vires tuas exporrigens da ei. |
14 Non defrauderis a die bono, et particula boni doni non te prætereat. | 14 Non defrauderis a bono diei, et particula desiderii boni non te praetereat. |
15 Nonne aliis relinques dolores et labores tuos in divisione sortis ? | 15 Nonne aliis relinques res dolore partas et labores tuos in divisione sortis? |
16 Da et accipe, et justifica animam tuam. | 16 Da et accipe et oblecta animam tuam; |
17 Ante obitum tuum operare justitiam, quoniam non est apud inferos invenire cibum. | 17 ante obitum tuum operare iustitiam, quoniam non est apud inferos quaerere voluptates. |
18 Omnis caro sicut f?num veterascet, et sicut folium fructificans in arbore viridi. | 18 Omnis caro sicut vestimentum veterascet et sicut folium fructificans in arbore viridi: alia generantur, et alia deiciuntur; |
19 Alia generantur, et alia dejiciuntur : sic generatio carnis et sanguinis, alia finitur, et alia nascitur. | 19 sic generatio carnis et sanguinis: alia finitur, et alia nascitur. |
20 Omne opus corruptibile in fine deficiet, et qui illud operatur ibit cum illo. | 20 Omne opus corruptibile in fine deficiet, et, qui illud operatur, ibit cum illo; |
21 Et omne opus electum justificabitur, et qui operatur illud honorabitur in illo. | 21 et omne opus electum iustificabitur, et, qui operatur illud, honorabitur in illo. |
22 Beatus vir qui in sapientia morabitur, et qui in justitia sua meditabitur, et in sensu cogitabit circumspectionem Dei : | 22 Beatus vir, qui in sapientia morabitur et qui in iustitia sua meditabitur et in sensu cogitabit circumspectionem Dei; |
23 qui excogitat vias illius in corde suo, et in absconditis suis intelligens, vadens post illam quasi investigator, et in viis illius consistens : | 23 qui excogitat vias illius in corde suo et in absconditis suis intellegens, vadens post illam quasi investigator et in viis illius consistens; |
24 qui respicit per fenestras illius, et in januis illius audiens : | 24 qui respicit per fenestras illius et in ianuis illius audiens; |
25 qui requiescit juxta domum illius, et in parietibus illius figens palum, statuet casulam suam ad manus illius, et requiescent in casula illius bona per ævum. | 25 qui requiescit iuxta domum illius et in parietibus illius figens palum, statuet casulam suam ad manus illius et requiescet in deversorio bonorum per aevum. |
26 Statuet filios suos sub tegmine illius, et sub ramis ejus morabitur. | 26 Statuet filios suos sub tegmine illius et sub ramis eius morabitur; |
27 Protegetur sub tegmine illius a fervore, et in gloria ejus requiescet. | 27 protegetur sub tegmine illius a fervore et in gloria eius requiescet. |