Vangelo secondo Luca 19

¹ Et ingressus perambulabat Iericho.

² Et ecce vir nomine Zacchaeus, ethic erat princeps publicanorum et ipse dives.

³ Et quaerebat videre Iesum, quisesset, et non poterat prae turba, quia statura pusillus erat.

⁴ Et praecurrensascendit in arborem sycomorum, ut videret illum, quia inde erat transiturus.

⁵ Et cum venisset ad locum, suspiciens Iesus dixit ad eum: “ Zacchaee, festinansdescende, nam hodie in domo tua oportet me manere ”.

⁶ Et festinans descenditet excepit illum gaudens.

⁷ Et cum viderent, omnes murmurabant dicentes: “ Adhominem peccatorem divertit! ”.

⁸ Stans autem Zacchaeus dixit ad Dominum: “Ecce dimidium bonorum meorum, Domine, do pauperibus et, si quid aliquemdefraudavi, reddo quadruplum ”.

⁹ Ait autem Iesus ad eum: “ Hodie salusdomui huic facta est, eo quod et ipse filius sit Abrahae;

¹⁰ venit enim Filiushominis quaerere et salvum facere, quod perierat ”.

¹¹ Haec autem illis audientibus, adiciens dixit parabolam, eo quod esset propeIerusalem, et illi existimarent quod confestim regnum Dei manifestaretur.

¹² Dixit ergo: “ Homo quidam nobilis abiit in regionem longinquam accipere sibiregnum et reverti.

¹³ Vocatis autem decem servis suis, dedit illis decem minaset ait ad illos: “Negotiamini, dum venio”.

¹⁴ Cives autem eius oderant illumet miserunt legationem post illum dicentes: “Nolumus hunc regnare super nos!”.

¹⁵ Et factum est ut rediret, accepto regno, et iussit ad se vocari servos illos,quibus dedit pecuniam, ut sciret quantum negotiati essent.

¹⁶ Venit autem primusdicens: “Domine, mina tua decem minas acquisivit”.

¹⁷ Et ait illi: “Euge,bone serve; quia in modico fidelis fuisti, esto potestatem habens supra decemcivitates”.

¹⁸ Et alter venit dicens: “Mina tua, domine, fecit quinque minas”.

¹⁹ Et huic ait: “Et tu esto supra quinque civitates”.

²⁰ Et alter venitdicens: “Domine, ecce mina tua, quam habui repositam in sudario;

²¹ timui enimte, quia homo austerus es: tollis, quod non posuisti, et metis, quod nonseminasti”.

²² Dicit ei: “De ore tuo te iudico, serve nequam! Sciebas quodego austerus homo sum, tollens quod non posui et metens quod non seminavi?

²³ Etquare non dedisti pecuniam meam ad mensam? Et ego veniens cum usuris utiqueexegissem illud”.

²⁴ Et adstantibus dixit: “Auferte ab illo minam et dateilli, qui decem minas habet”.

²⁵ Et dixerunt ei: “Domine, habet decem minas!”.

²⁶ Dico vobis: “Omni habenti dabitur; ab eo autem, qui non habet, et, quodhabet, auferetur.

²⁷ Verumtamen inimicos meos illos, qui noluerunt me regnaresuper se, adducite huc et interficite ante me! ”.

²⁸ Et his dictis, praecedebat ascendens Hierosolymam.

²⁹ Et factum est, cum appropinquasset ad Bethfage et Bethaniam, ad montem, quivocatur Oliveti, misit duos discipulos

³⁰ dicens: “ Ite in castellum, quodcontra est, in quod introeuntes invenietis pullum asinae alligatum, cui nemoumquam hominum sedit; solvite illum et adducite.

³¹ Et si quis vosinterrogaverit: “Quare solvitis?”, sic dicetis: “Dominus eum necessariumhabet” ”.

³² Abierunt autem, qui missi erant, et invenerunt, sicut dixitillis.

³³ Solventibus autem illis pullum, dixerunt domini eius ad illos: “Quid solvitis pullum? ”.

³⁴ At illi dixerunt: “ Dominus eum necessariumhabet ”.

³⁵ Et duxerunt illum ad Iesum; et iactantes vestimenta sua suprapullum, imposuerunt Iesum.

³⁶ Eunte autem illo, substernebant vestimenta sua invia.

³⁷ Et cum appropinquaret iam ad descensum montis Oliveti, coeperunt omnismultitudo discipulorum gaudentes laudare Deum voce magna super omnibus, quasviderant, virtutibus

³⁸ dicentes:
“ Benedictus, qui venit rex in nomine Domini!
Pax in caelo, et gloria in excelsis! ”.

³⁹ Et quidam pharisaeorum de turbis dixerunt ad illum: “ Magister, increpadiscipulos tuos! ”.

⁴⁰ Et respondens dixit: “ Dico vobis: Si hi tacuerint,lapides clamabunt! ”.

⁴¹ Et ut appropinquavit, videns civitatem flevit super illam

⁴² dicens: “ Sicognovisses et tu in hac die, quae ad pacem tibi! Nunc autem abscondita sunt aboculis tuis.

⁴³ Quia venient dies in te, et circumdabunt te inimici tui vallo etobsidebunt te et coangustabunt te undique

⁴⁴ et ad terram prosternent te etfilios tuos, qui in te sunt, et non relinquent in te lapidem super lapidem, eoquod non cognoveris tempus visitationis tuae ”.

⁴⁵ Et ingressus in templum, coepit eicere vendentes

⁴⁶ dicens illis: “Scriptum est: “Et erit domus mea domus orationis”. Vos autem fecistis illamspeluncam latronum ”.

⁴⁷ Et erat docens cotidie in templo. Principes autem sacerdotum et scribae etprincipes plebis quaerebant illum perdere

⁴⁸ et non inveniebant quid facerent;omnis enim populus suspensus erat audiens illum.