Siracide 23
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Domine, pater et dominator vitae meae, ne derelinquas me in consilio eorum nec sinas me cadere in illis. | 1 Domine, pater et dominator vitæ meæ, ne derelinquas me in consilio eorum, nec sinas me cadere in illis. |
2 Quis superponet in cogitatu meo flagella et in corde meo doctrinam sapientiae, ut ignorationibus meis non parcant mihi, et non appareant delicta mea, | 2 Quis superponet in cogitatu meo flagella, et in corde meo doctrinam sapientiæ, ut ignorationibus eorum non parcant mihi, et non appareant delicta eorum, |
3 et ne adincrescant ignorantiae meae, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus? | 3 et ne adincrescant ignorantiæ meæ, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus ? |
4 Domine, pater et Deus vitae meae, ne derelinquas me in cogitatu illorum. | 4 Domine, pater et Deus vitæ meæ, ne derelinquas me in cogitatu illorum. |
5 Extollentiam oculorum meorum ne dederis mihi et omne desiderium averte a me. | 5 Extollentiam oculorum meorum ne dederis mihi, et omne desiderium averte a me. |
6 Aufer a me ventris concupiscentias, et concubitus concupiscentiae ne apprehendant me, et animae irreverenti et infrunitae ne tradas me. | 6 Aufer a me ventris concupiscentias, et concubitus concupiscentiæ ne apprehendant me, et animæ irreverenti et infrunitæ ne tradas me. |
7 De doctrina oris. Doctrinam oris audite, filii; et, qui custodierit illam, non capietur labiis nec scandalizabitur in operibus nequissimis. | 7 Doctrinam oris audite, filii : et qui custodierit illam non periet labiis, nec scandalizabitur in operibus nequissimis. |
8 In labiis suis apprehendetur peccator, et maledicus et superbus scandalizabitur in illis. | 8 In vanitate sua apprehenditur peccator : et superbus et maledicus scandalizabitur in illis. |
9 Iurationi non assuescas os tuum: multi enim casus in illa. | 9 Jurationi non assuescat os tuum : multi enim casus in illa. |
10 Nominatio vero Dei non sit assidua in ore tuo, et nominibus sanctorum non admiscearis, quoniam non eris immunis ab eis. | 10 Nominatio vero Dei non sit assidua in ore tuo, et nominibus sanctorum non admiscearis, quoniam non erit immunis ab eis. |
11 Sicut enim servus exquisitus assidue livore carere non poterit, sic omnis iurans et nominans in toto a peccato non purgabitur. | 11 Sicut enim servus interrogatus assidue a livore non minuitur, sic omnis jurans et nominans in toto a peccato non purgabitur. |
12 Vir multum iurans implebitur iniquitate, et non discedet a domo illius plaga. | 12 Vir multum jurans implebitur iniquitate, et non discedet a domo illius plaga. |
13 Et, si frustraverit, delictum illius super ipsum erit; et, si dissimulaverit, delinquet dupliciter. | 13 Et si frustraverit, delictum illius super ipsum erit : et si dissimulaverit, delinquit dupliciter : |
14 Et, si in vacuum iuraverit, non iustificabitur: replebitur enim malis domus illius. | 14 et si in vacuum juraverit, non justificabitur : replebitur enim retributione domus illius. |
15 Est et alia loquela morti comparanda: non inveniatur in hereditate Iacob. | 15 Est et alia loquela contraria morti : non inveniatur in hæreditate Jacob. |
16 Etenim a timoratis omnia haec sunt remota, et in delictis non volutabuntur. | 16 Etenim a misericordibus omnia hæc auferentur, et in delictis non volutabuntur. |
17 Indisciplinatae turpitudini non assuescat os tuum: est enim in illa verbum peccati. | 17 Indisciplinatæ loquelæ non assuescat os tuum : est enim in illa verbum peccati. |
18 Memento patris et matris tuae, in medio enim magnatorum consistis; | 18 Memento patris et matris tuæ : in medio enim magnatorum consistis : |
19 ne forte obliviscaris tui in conspectu illorum et assiduitate tua infatuatus improperium patiaris et maluisses non nasci et diem nativitatis tuae maledicas. | 19 ne forte obliviscatur te Deus in conspectu illorum, et assiduitate tua infatuatus, improperium patiaris, et maluisses non nasci, et diem nativitatis tuæ maledicas. |
20 Homo assuetus in verbis improperii in omnibus diebus suis non erudietur. | 20 Homo assuetus in verbis improperii in omnibus diebus suis non erudietur. |
21 Duo genera abundant in peccatis, et tertium adducit iram et perditionem: | 21 Duo genera abundant in peccatis, et tertium adducit iram et perditionem. |
22 anima calida quasi ignis ardens non exstinguetur, donec consumatur; | 22 Anima calida quasi ignis ardens, non extinguetur donec aliquid glutiat : |
23 et homo fornicarius in corpore carnis suae non desinet, donec incendat ignem. | 23 et homo nequam in ore carnis suæ non desinet donec incendat ignem. |
24 Homini fornicario omnis panis dulcis: non cessabit nisi in morte. | 24 Homini fornicario omnis panis dulcis : non fatigabitur transgrediens usque ad finem. |
25 Omnis homo, qui transgreditur super lectum suum contemnens in anima sua et dicens: “ Quis me videt? | 25 Omnis homo qui transgreditur lectum suum, contemnens in animam suam, et dicens : Quis me videt ? |
26 Tenebrae circumdant me, et parietes cooperiunt me, et nemo circumspicit me; quem vereor? Delictorum meorum non memorabitur Altissimus ” | 26 Tenebræ circumdant me, et parietes cooperiunt me, et nemo circumspicit me : quem vereor ? delictorum meorum non memorabitur Altissimus. |
27 et non intellegit quoniam omnia videt oculus illius, quoniam expellit a se timorem Dei huiusmodi hominis timor. Et oculi hominum sunt timor illius, | 27 Et non intelligit quoniam omnia videt oculus illius, quoniam expellit a se timorem Dei hujusmodi hominis timor, et oculi hominum timentes illum : |
28 et non cognovit quoniam oculi Domini multo plus lucidiores sunt super solem circumspicientes omnes vias hominum et profundum abyssi et hominum corda intuentes in absconditas partes. | 28 et non cognovit quoniam oculi Domini multo plus lucidiores sunt super solem, circumspicientes omnes vias hominum, et profundum abyssi, et hominum corda, intuentes in absconditas partes. |
29 Domino enim Deo, antequam crearentur, omnia sunt agnita; sic et, postquam perfecta sunt, respicit omnia. | 29 Domino enim Deo antequam crearentur omnia sunt agnita : sic et post perfectum respicit omnia. |
30 Hic in plateis civitatis vindicabitur et quasi pullus equinus fugabitur et, ubi non speravit, apprehendetur; | 30 Hic in plateis civitatis vindicabitur, et quasi pullus equinus fugabitur, et ubi non speravit apprehendetur. |
31 et erit dedecus omnibus, eo quod non intellexerit timorem Domini. | 31 Et erit dedecus omnibus, eo quod non intellexerit timorem Domini. |
32 Sic et mulier omnis relinquens virum suum et statuens hereditatem ex alieno matrimonio. | 32 Sic et mulier omnis relinquens virum suum, et statuens hæreditatem ex alieno matrimonio : |
33 Primo enim in lege Altissimi incredibilis fuit, secundo in virum suum deliquit, tertio in adulterio fornicata est et ex alio viro filios statuit sibi. | 33 primo enim in lege Altissimi incredibilis fuit : secundo in virum suum deliquit : tertio in adulterio fornicata est, et ex alio viro filios statuit sibi. |
34 Haec in ecclesiam adducetur et in filios eius respicietur; | 34 Hæc in ecclesiam adducetur, et in filios ejus respicietur : |
35 non tradent filii eius radices, et rami eius non dabunt fructum: | 35 non tradent filii ejus radices, et rami ejus non dabunt fructum : |
36 derelinquet in maledictum memoriam suam, et dedecus illius non delebitur. | 36 derelinquet in maledictum memoriam ejus, et dedecus illius non delebitur. |
37 Et agnoscent, qui derelicti sunt, quoniam nihil melius est quam timor Dei, et nihil dulcius quam attendere mandatis Domini. | 37 Et agnoscent qui derelicti sunt, quoniam nihil melius est quam timor Dei, et nihil dulcius quam respicere in mandatis Domini. |
38 Gloria magna est sequi Dominum; longitudo enim dierum assumetur ab eo. | 38 Gloria magna est sequi Dominum : longitudo enim dierum assumetur ab eo. |