Matthæum 20

¹ Simile est enim regnum cae lorum homini patri familias, qui exiit primomane conducere operarios in vineam suam;

² conventione autem facta cum operariisex denario diurno, misit eos in vineam suam.

³ Et egressus circa horam tertiamvidit alios stantes in foro otiosos

⁴ et illis dixit: “Ite et vos in vineam;et, quod iustum fuerit, dabo vobis”.

⁵ Illi autem abierunt. Iterum autem exiitcirca sextam et nonam horam et fecit similiter.

⁶ Circa undecimam vero exiit etinvenit alios stantes et dicit illis: “Quid hic statis tota die otiosi?”.

⁷ Dicunt ei: “Quia nemo nos conduxit”. Dicit illis: “Ite et vos in vineam”.

⁸ Cum sero autem factum esset, dicit dominus vineae procuratori suo: “ Vocaoperarios et redde illis mercedem incipiens a novissimis usque ad primos ”.

⁹ Et cum venissent, qui circa undecimam horam venerant, acceperunt singulidenarium.

¹⁰ Venientes autem primi arbitrati sunt quod plus essent accepturi;acceperunt autem et ipsi singuli denarium.

¹¹ Accipientes autem murmurabantadversus patrem familias

¹² dicentes: “Hi novissimi una hora fecerunt, etpares illos nobis fecisti, qui portavimus pondus diei et aestum!”.

¹³ At illerespondens uni eorum dixit: “Amice, non facio tibi iniuriam; nonne ex denarioconvenisti mecum?

¹⁴ Tolle, quod tuum est, et vade; volo autem et huic novissimodare sicut et tibi.

¹⁵ Aut non licet mihi, quod volo, facere de meis? An oculustuus nequam est, quia ego bonus sum?”.

¹⁶ Sic erunt novissimi primi, et primi novissimi ”.

¹⁷ Et ascendens Iesus Hierosolymam assumpsit Duodecim discipulos secreto et aitillis in via:

¹⁸ “ Ecce ascendimus Hierosolymam, et Filius hominis tradeturprincipibus sacerdotum et scribis, et condemnabunt eum morte

¹⁹ et tradent eumgentibus ad illudendum et flagellandum et crucifigendum, et tertia die resurget”.

²⁰ Tunc accessit ad eum mater filiorum Zebedaei cum filiis suis, adorans etpetens aliquid ab eo.

²¹ Qui dixit ei: “ Quid vis? ”. Ait illi: “ Dic utsedeant hi duo filii mei unus ad dexteram tuam et unus ad sinistram in regno tuo”.

²² Respondens autem Iesus dixit: “ Nescitis quid petatis. Potestis biberecalicem, quem ego bibiturus sum? ”. Dicunt ei: “ Possumus ”.

²³ Ait illis:“ Calicem quidem meum bibetis, sedere autem ad dexteram meam et sinistram nonest meum dare illud, sed quibus paratum est a Patre meo ”.

²⁴ Et audientes decem indignati sunt de duobus fratribus.

²⁵ Iesus autem vocaviteos ad se et ait: “ Scitis quia principes gentium dominantur eorum et, quimagni sunt, potestatem exercent in eos.

²⁶ Non ita erit inter vos, sed quicumquevoluerit inter vos magnus fieri, erit vester minister;

²⁷ et, quicumque volueritinter vos primus esse, erit vester servus;

²⁸ sicut Filius hominis non venitministrari sed ministrare et dare animam suam redemptionem pro multis ”.

²⁹ Et egredientibus illis ab Iericho, secuta est eum turba multa.

³⁰ Et ecce duocaeci sedentes secus viam audierunt quia Iesus transiret et clamaveruntdicentes: “ Domine, miserere nostri, fili David! ”.

³¹ Turba autemincrepabat eos, ut tacerent; at illi magis clamabant dicentes: “ Domine,miserere nostri, fili David! ”.

³² Et stetit Iesus et vocavit eos et ait: “Quid vultis, ut faciam vobis?”.

³³ Dicunt illi: “ Domine, ut aperianturoculi nostri ”.

³⁴ Misertus autem Iesus, tetigit oculos eorum; et confestimviderunt et secuti sunt eum.