Matthæum 11

¹Et factum est, cum consum masset Iesus praecipiens Duodecim discipulissuis, transiit inde, ut doceret et praedicaret in civitatibus eorum.
²Ioannes autem, cum audisset in vinculis opera Christi, mittens per discipulossuos³ait illi: “ Tu es qui venturus es, an alium exspectamus? ”.⁴Etrespondens Iesus ait illis: “ Euntes renuntiate Ioanni, quae auditis etvidetis:⁵caeci vident et claudi ambulant, leprosi mundantur et surdi audiuntet mortui resurgunt et pauperes evangelizantur;⁶et beatus est, qui non fueritscandalizatus in me ”.⁷Illis autem abeuntibus, coepit Iesus dicere ad turbasde Ioanne: “ Quid existis in desertum videre? Arundinem vento agitatam?⁸Sedquid existis videre? Hominem mollibus vestitum? Ecce, qui mollibus vestiuntur,in domibus regum sunt.⁹Sed quid existis videre? Prophetam? Etiam, dico vobis,et plus quam prophetam.
¹⁰Hic est, de quo scriptum est:
"Ecce ego mitto angelum meum ante faciem tuam,
qui praeparabit viam tuam ante te".
¹¹Amen dico vobis: Non surrexit inter natos mulierum maior Ioanne Baptista; quiautem minor est in regno caelorum, maior est illo.¹²A diebus autem IoannisBaptistae usque nunc regnum caelorum vim patitur, et violenti rapiunt illud.¹³Omnes enim Prophetae et Lex usque ad Ioannem prophetaverunt;¹⁴et si vultisrecipere, ipse est Elias, qui venturus est.¹⁵Qui habet aures, audiat.
¹⁶Cui autem similem aestimabo generationem istam? Similis est pueris sedentibusin foro, qui clamantes coaequalibus¹⁷dicunt:
“Cecinimus vobis, et non saltastis;
lamentavimus, et non planxistis”.
¹⁸Venit enim Ioannes neque manducans neque bibens, et dicunt: “Daemoniumhabet!”;¹⁹venit Filius hominis manducans et bibens, et dicunt: “Ecce homovorax et potator vini, publicanorum amicus et peccatorum!”. Et iustificata estsapientia ab operibus suis ”.
²⁰Tunc coepit exprobrare civitatibus, in quibus factae sunt plurimae virtuteseius, quia non egissent paenitentiam:²¹“ Vae tibi, Chorazin! Vae tibi,Bethsaida! Quia si in Tyro et Sidone factae essent virtutes, quae factae sunt invobis, olim in cilicio et cinere paenitentiam egissent.²²Verumtamen dicovobis: Tyro et Sidoni remissius erit in die iudicii quam vobis.²³Et tu,Capharnaum, numquid usque in caelum exaltaberis? Usque in infernum descendes!Quia si in Sodomis factae fuissent virtutes, quae factae sunt in te, mansissentusque in hunc diem.²⁴Verumtamen dico vobis: Terrae Sodomorum remissius erit indie iudicii quam tibi ”.
²⁵In illo tempore respondens Iesus dixit: “ Confiteor tibi, Pater, Dominecaeli et terrae, quia abscondisti haec a sapientibus et prudentibus et revelastiea parvulis.²⁶Ita, Pater, quoniam sic fuit placitum ante te.²⁷Omnia mihitradita sunt a Patre meo; et nemo novit Filium nisi Pater, neque Patrem quisnovit nisi Filius et cui voluerit Filius revelare.
²⁸Venite ad me, omnes, qui laboratis et onerati estis, et ego reficiam vos.²⁹Tollite iugum meum super vos et discite a me, quia mitis sum et humilis corde,et invenietis requiem animabus vestris.³⁰Iugum enim meum suave, et onus meumleve est ”.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati