Scrutatio

Domenica, 28 aprile 2024 - San Luigi Maria Grignion da Montfort ( Letture di oggi)

Ecclesiasticus 31

font
VULGATANOVA VULGATA
1 Vigilia honestatis tabefaciet carnes,
et cogitatus illius auferet somnum.
1 Vigilia divitis tabefacit carnes,
et cogitatus illius aufert somnum;
2 Cogitatus præscientiæ avertit sensum,
et infirmitas gravis sobriam facit animam.
2 cogitatus victus avertit somnum,
et infirmitas gravis a somno excitat.
3 Laboravit dives in congregatione substantiæ,
et in requie sua replebitur bonis suis.
3 Laboravit dives in congregatione substantiae
et, si requiescit, replebitur deliciis suis;
4 Laboravit pauper in diminutione victus,
et in fine inops fit.
4 laboravit pauper in penuria victus
et, si requiescit, inops fit.
5 Qui aurum diligit non justificabitur,
et qui insequitur consumptionem replebitur ex ea.
5 Qui aurum diligit, non iustificabitur,
et, qui insequitur lucrum, in eo oberrabit.
6 Multi dati sunt in auri casus,
et facta est in specie ipsius perditio illorum.
6 Multi dati sunt in ruinam auri gratia,
et facta est in facie ipsorum perditio illorum.
7 Lignum offensionis est aurum sacrificantium :
væ illis qui sectantur illud !
et omnis imprudens deperiet in illo.
7 Lignum offensionis est aurum sacrificantium;
vae illis, qui sectantur illud:
et omnis imprudens capietur in illo.
8 Beatus dives qui inventus est sine macula,
et qui post aurum non abiit,
nec speravit in pecunia et thesauris.
8 Beatus dives, qui inventus est sine macula
et qui post aurum non abiit
nec speravit in pecunia et thesauris.
9 Quis est hic ? et laudabimus eum :
fecit enim mirabilia in vita sua.
9 Quis est hic, et laudabimus eum?
Fecit enim mirabilia in populo suo.
10 Qui probatus est in illo, et perfectus est, erit illi gloria æterna :
qui potuit transgredi, et non est transgressus ;
facere mala, et non fecit.
10 Quis probatus est in illo et perfectus est?
Erit illi gloria aeterna.
Quis potuit transgredi et non est transgressus,
facere mala et non fecit?
11 Ideo stabilita sunt bona illius in Domino,
et eleemosynas illius enarrabit omnis ecclesia sanctorum.
11 Ideo stabilita sunt bona illius in Domino,
et eleemosynas illius enarrabit omnis ecclesia sanctorum.
12 Supra mensam magnam sedisti ?
non aperias super illam faucem tuam prior.
12 De continentia.
Supra mensam magnam sedisti?
Non aperias super illam faucem tuam prior.
13 Non dicas sic : Multa sunt, quæ super illam sunt.
13 Non dicas: “Multa sunt, quae super illam sunt!”.
14 Memento quoniam malus est oculus nequam.
14 Memento quoniam malum est oculus nequam;
oculum nequam odit Deus.
15 Nequius oculo quid creatum est ?
ideo ab omni facie sua lacrimabitur, cum viderit.
15 Nequius oculo quid creatum est?
Ideo ab omni facie lacrimatur.
16 Ne extendas manum tuam prior,
et invidia contaminatus erubescas.
16 Quocumque aspexerit, ne extendas manum tuam prior
et invidia contaminatus erubescas;
17 Ne comprimaris in convivio.
17 nec comprimaris cum eo in catino.
18 Intellige quæ sunt proximi tui ex teipso.
18 Intellege, quae sunt proximi tui, ex teipso
et de omni verbo cogita;
19 Utere quasi homo frugi his quæ tibi apponuntur :
ne, cum manducas multum, odio habearis.
19 utere quasi homo frugi his, quae tibi apponuntur,
ne, cum manducas multum, odio habearis.
20 Cessa prior causa disciplinæ :
et noli nimius esse, ne forte offendas.
20 Cessa prior disciplinae causa
et noli nimius esse, ne forte offendas.
21 Et si in medio multorum sedisti,
prior illis ne extendas manum tuam,
nec prior poscas bibere.
21 Et, si in medio multorum sedisti,
prior illis ne extendas manum tuam nec prior poscas bibere.
22 Quam sufficiens est homini erudito vinum exiguum !
et in dormiendo non laborabis ab illo,
et non senties dolorem.
22 Quam sufficiens est homini erudito vinum exiguum!
Et in dormiendo non laborabis ab illo et non senties dolorem.
23 Vigilia, cholera et tortura viro infrunito,
23 Vigilia, cholera et tortura ventris viro infrunito;
24 somnus sanitatis in homine parco :
dormiet usque mane,
et anima illius cum ipso delectabitur.
24 somnus sanitatis in homine parco:
dormiet usque mane, et anima illius cum ipso delectabitur.
25 Et si coactus fueris in edendo multum,
surge e medio, evome, et refrigerabit te,
et non adduces corpori tuo infirmitatem.
25 Et, si coactus fueris in edendo multum,
surge e medio, evome, et refrigerabit te,
et non adduces corpori tuo infirmitatem.
26 Audi me, fili, et ne spernas me,
et in novissimo invenies verba mea.
26 Audi me, fili, et ne spernas me
et in novissimo invenies verba mea.
27 In omnibus operibus tuis esto velox,
et omnis infirmitas non occurret tibi.
27 In omnibus operibus tuis esto modestus,
et omnis infirmitas non occurret tibi.
28 Splendidum in panibus benedicent labia multorum,
et testimonium veritatis illius fidele.
28 Splendidum in panibus benedicent labia multorum,
et testimonium bonitatis illius fidele;
29 Nequissimo in pane murmurabit civitas,
et testimonium nequitiæ illius verum est.
29 nequissimo in pane murmurabit civitas,
et testimonium nequitiae illius verum est.
30 Diligentes in vino noli provocare :
multos enim exterminavit vinum.
30 In vino noli provocare;
multos enim exterminavit vinum.
31 Ignis probat ferrum durum :
sic vinum corda superborum arguet in ebrietate potatum.
31 Fornax probat aciem ferri in intinctione:
sic vinum in lite corda superborum.
32 Æqua vita hominibus vinum in sobrietate :
si bibas illud moderate, eris sobrius.
32 Quasi vita hominibus vinum,
si bibas illud moderate.
33 Quæ vita est ei qui minuitur vino ?
33 Quae est vita ei, qui minuitur vino?
34 Quid defraudat vitam ? mors.
34 Quid defraudat vitam? Mors.
35 Vinum in jucunditatem creatum est,
et non in ebrietatem ab initio.
35 Vinum in iucunditatem creatum est
et non in ebrietatem, ab initio.
36 Exsultatio animæ et cordis vinum moderate potatum.
36 Exsultatio animae et gaudium et voluptas cordis
vinum moderate potatum in tempore;
37 Sanitas est animæ et corpori sobrius potus.
37 sanitas est animae et corpori sobrius potus.
38 Vinum multum potatum irritationem,
et iram, et ruinas multas facit.
38 Vinum multum potatum irritationem
et iram et ruinas multas facit.
39 Amaritudo animæ
vinum multum potatum.
39 Amaritudo animae vinum multum potatum
in irritatione et ruina.
40 Ebrietatis animositas, imprudentis offensio,
minorans virtutem, et faciens vulnera.
40 Ebrietas multiplicat animositatem imprudentis in offensionem,
minorans virtutem et faciens vulnera.
41 In convivio vini non arguas proximum,
et non despicias eum in jucunditate illius.
41 In convivio vini non arguas proximum
et non despicias eum in iucunditate illius;
42 Verba improperii non dicas illi,
et non premas illum repetendo.		42 verba improperii non dicas illi
et non premas illum in repetendo.