Scrutatio

Domenica, 28 aprile 2024 - San Luigi Maria Grignion da Montfort ( Letture di oggi)

Ecclesiasticus 25

font
VULGATANOVA VULGATA
1 In tribus placitum est spiritui meo,
quæ sunt probata coram Deo et hominibus :
1 In tribus placitum est spiritui meo,
quae sunt probata coram Deo et hominibus:
2 concordia fratrum,
et amor proximorum,
et vir et mulier bene sibi consentientes.
2 concordia fratrum et amor proximorum
et vir et mulier bene sibi consentientes.
3 Tres species odivit anima mea,
et aggravor valde animæ illorum :
3 Tres species odivit anima mea,
et aggravor valde animae illorum:
4 pauperem superbum, divitem mendacem,
senem fatuum et insensatum.
4 pauperem superbum, divitem mendacem,
senem fatuum et insensatum.
5 Quæ in juventute tua non congregasti,
quomodo in senectute tua invenies ?
5 In iuventute tua non congregasti;
quomodo in senectute tua invenies?
6 Quam speciosum canitiei judicium,
et presbyteris cognoscere consilium !
6 Quam speciosum canitiei iudicium,
et presbyteris cognoscere consilium!
7 Quam speciosa veteranis sapientia,
et gloriosus intellectus et consilium !
7 Quam speciosa veteranis sapientia,
et gloriosis intellectus et consilium!
8 Corona senum multa peritia,
et gloria illorum timor Dei.
8 Corona senum multa peritia,
et gloria illorum timor Dei.
9 Novem insuspicabilia cordis magnificavi :
et decimum dicam in lingua hominibus :
9 Novem insuspicabilia cordis magnificavi,
et decimum dicam in lingua hominibus:
10 homo qui jucundatur in filiis,
vivens et videns subversionem inimicorum suorum.
10 homo, qui iucundatur in filiis,
vivens et videns subversionem inimicorum suorum;
11 Beatus qui habitat cum muliere sensata,
et qui lingua sua non est lapsus,
et qui non servivit indignis se.
11 beatus, qui habitat cum muliere sensata
et non arat in bove et in asino simul;
et qui lingua sua non est lapsus,
et qui non servivit indigno se;
12 Beatus qui invenit amicum verum,
et qui enarrat justitiam auri audienti.
12 beatus, qui invenit amicum verum,
et qui enarrat iustitiam auri audienti;
13 Quam magnus qui invenit sapientiam et scientiam !
sed non est super timentem Dominum.
13 quam magnus, qui invenit sapientiam et scientiam,
sed non est super timentem Dominum.
14 Timor Dei super omnia se superposuit.
14 Timor Dei super omnia excedit;
15 Beatus homo cui donatum est habere timorem Dei :
qui tenet illum, cui assimilabitur ?
15 qui tenet illum, cui assimilabitur?
16 Timor Dei initium dilectionis ejus :
fidei autem initium agglutinandum est ei.
16 Timor Dei initium dilectionis eius;
fides autem initium adhaesionis ei.
17 Omnis plaga tristitia cordis est,
et omnis malitia nequitia mulieris.
17 Omnis plaga tristitia cordis est,
et omnis malitia nequitia mulieris.
18 Et omnem plagam, et non plagam videbit cordis :
18 Et omnem plagam et non plagam cordis;
19 et omnem nequitiam, et non nequitiam mulieris :
19 et omnem nequitiam et non nequitiam mulieris;
20 et omnem obductum, et non obductum odientium :
20 et omnem calamitatem et non calamitatem odientium;
21 et omnem vindictam, et non vindictam inimicorum.
21 et omnem vindictam et non vindictam inimicorum.
22 Non est caput nequius super caput colubri,
22 Non est venenum nequius super venenum colubri,
23 et non est ira super iram mulieris.
Commorari leoni et draconi placebit,
quam habitare cum muliere nequam.
23 et non est ira super iram mulieris;
commorari leoni et draconi placebit
quam habitare cum muliere nequam.
24 Nequitia mulieris immutat faciem ejus :
et obcæcat vultum suum tamquam ursus,
et quasi saccum ostendit.
In medio proximorum ejus
24 Nequitia mulieris immutat faciem eius
et obscurat vultum eius tamquam ursus.
In medio proximorum eius accumbet vir eius
25 ingemuit vir ejus,
et audiens suspiravit modicum.
25 et invitus suspirabit amare.
26 Brevis omnis malitia super malitiam mulieris :
sors peccatorum cadat super illam.
26 Parva omnis malitia prae malitia mulieris:
sors peccatorum cadat super illam.
27 Sicut ascensus arenosus in pedibus veterani,
sic mulier linguata homini quieto.
27 Sicut ascensus arenosus in pedibus veterani,
sic mulier linguata homini quieto.
28 Ne respicias in mulieris speciem,
et non concupiscas mulierem in specie.
28 Ne incidas in mulieris speciem
et non concupiscas mulieris opes.
29 Mulieris ira, et irreverentia,
et confusio magna.
29 Ira et irreverentia et confusio magna
30 Mulier si primatum habeat,
contraria est viro suo.
30 mulier, si primatum habeat super virum suum.
31 Cor humile, et facies tristis,
et plaga cordis, mulier nequam.
31 Cor humile et facies tristis
et plaga cordis mulier nequam.
32 Manus debiles et genua dissoluta,
mulier quæ non beatificat virum suum.
32 Manus debiles et genua dissoluta
mulier, quae non beatificat virum suum.
33 A muliere initium factum est peccati,
et per illam omnes morimur.
33 A muliere initium factum est peccati,
et per illam omnes morimur.
34 Non des aquæ tuæ exitum, nec modicum :
nec mulieri nequam veniam prodeundi.
34 Non des aquae tuae exitum, nec modicum,
nec mulieri nequam veniam prodeundi.
35 Si non ambulaverit ad manum tuam,
confundet te in conspectu inimicorum.
35 Si non ambulaverit ad manum tuam,
confundet te in conspectu inimicorum;
36 A carnibus tuis abscinde illam,
ne semper te abutatur.		36 a carnibus tuis abscinde illam
et dimitte illam de domo tua.