1 Et egressa est sors secunda fi liorum Simeon per cognatio nes suas; fuitque hereditas | 1 Et egressa est sors secunda filiorum Simeon per cognationes suas : fuitque hæreditas |
2 eorum in medio possessionis filiorum Iudae. Bersabee et Sama et Molada | 2 eorum in medio possessionis filiorum Juda : Bersabee et Sabee et Molada |
3 et Asarsual et Bala et Esem | 3 et Hasersual, Bala et Asem |
4 et Eltholad et Bethul et Horma | 4 et Eltholad, Bethul et Harma |
5 et Siceleg et Bethmarchaboth et Asarsusa | 5 et Siceleg et Bethmarchaboth et Hasersusa |
6 et Bethlebaoth et Sarohen: civitates tredecim et villae earum. | 6 et Bethlebaoth et Sarohen : civitates tredecim, et villæ earum. |
7 Ain et Remmon et Ethar et Asan: civitates quattuor et villae earum. | 7 Ain et Remmon et Athar et Asan : civitates quatuor, et villæ earum : |
8 Omnes viculi per circuitum urbium istarum usque ad Baalathbeer, Ramathnageb: haec est hereditas filiorum Simeon iuxta cognationes suas. | 8 omnes viculi per circuitum urbium istarum usque ad Baalath Beer Ramath contra australem plagam. Hæc est hæreditas filiorum Simeon juxta cognationes suas, |
9 Sumpta est de funiculo filiorum Iudae, quia maior erat; et idcirco possederunt filii Simeon in medio hereditatis eorum.
| 9 in possessione et funiculo filiorum Juda : quia major erat, et idcirco filii Simeon possederunt in medio hæreditatis eorum.
|
10 Ceciditque sors tertia filiorum Zabulon per cognationes suas. Et factus est terminus possessionis eorum usque Sarid | 10 Ceciditque sors tertia filiorum Zabulon per cognationes suas : factus est terminus possessionis eorum usque Sarid. |
11 ascenditque contra occidentem et Merala et pervenit in Debbaseth usque ad torrentem, qui est contra Iecnaam, | 11 Ascenditque de mari et Merala, et pervenit in Debbaseth, usque ad torrentem qui est contra Jeconam. |
12 et revertitur de Sarid contra orientem in fines Ceseleththabor et egreditur ad Dabereth ascenditque contra Iaphia. | 12 Et revertitur de Sared contra orientem in fines Ceseleththabor : et egreditur ad Dabereth, ascenditque contra Japhie. |
13 Et inde pertransit usque ad orientalem plagam Gethhepher, Etthacasin et egreditur in Remmon et inclinatur in Noa; | 13 Et inde pertransit usque ad orientalem plagam Gethepher et Thacasin : et egreditur in Remmon, Amthar et Noa. |
14 et vergit ad aquilonem ad Hanathon. Suntque egressus eius vallis Iephthael; | 14 Et circuit ad aquilonem Hanathon : suntque egressus ejus vallis Jephthaël, |
15 et Cateth et Naalol et Semeron et Iedala et Bethlehem: civitates duodecim et villae earum. | 15 et Cateth et Naalol et Semeron et Jerala et Bethlehem : civitates duodecim, et villæ earum. |
16 Haec est hereditas tribus filiorum Zabulon per cognationes suas, urbes et viculi earum.
| 16 Hæc est hæreditas tribus filiorum Zabulon per cognationes suas, urbes et viculi earum.
|
17 Issachar egressa est sors quarta per cognationes suas. | 17 Issachar egressa est sors quarta per cognationes suas : |
18 Fuitque eius hereditas Iezrahel et Chasaloth et Sunam | 18 fuitque ejus hæreditas Jezraël et Casaloth et Sunem |
19 et Hapharaim et Seon et Anaharath | 19 et Hapharaim et Seon, et Anaharath |
20 et Rabbith et Cesion et Abes | 20 et Rabboth et Cesion, Abes, |
21 et Rameth et Engannim et Enhadda et Bethpheses. | 21 et Rameth, et Engannim, et Enhadda et Bethpheses. |
22 Et pervenit terminus eius usque Thabor et Sehesima et Bethsames; suntque exitus eius ad Iordanem; civitates sedecim et villae earum. | 22 Et pervenit terminus ejus usque Thabor et Sehesima et Bethsames, eruntque exitus ejus Jordanis : civitates sedecim, et villæ earum. |
23 Haec est possessio filiorum Issachar per cognationes suas, urbes et viculi earum.
| 23 Hæc est possessio filiorum Issachar per cognationes suas, urbes et viculi earum.
|
24 Ceciditque sors quinta tribui filiorum Aser per cognationes suas. | 24 Ceciditque sors quinta tribui filiorum Aser per cognationes suas : |
25 Fuitque terminus eorum Helcath et Chali et Beten et Achsaph | 25 fuitque terminus eorum Halcath et Chali et Beten et Axaph |
26 et Elmelech et Amaad et Masal et pervenit usque ad Carmelum in occidente et ad Sihorlabanath; | 26 et Elmelech et Amaad et Messal : et pervenit usque ad Carmelum maris et Sihor et Labanath, |
27 ac revertitur contra orientem in Bethdagon et pertransit usque Zabulon et vallem Iephthael contra aquilonem in Bethemec et Neiel. Egrediturque ad laevam Chabul | 27 ac revertitur contra orientem Bethdagon : et pertransit usque Zabulon et vallem Jephthaël contra aquilonem in Bethemec et Nehiel. Egrediturque ad lævam Cabul, |
28 et Abran et Rohob et Hamon et Cana usque ad Sidonem magnam | 28 et Abran et Rohob et Hamon et Cana, usque ad Sidonem magnam. |
29 revertiturque in Rama usque ad civitatem munitissimam Tyrum et revertitur in Hosa; suntque exitus eius in mare; Mahaleb, Achazib | 29 Revertiturque in Horma usque ad civitatem munitissimam Tyrum, et usque Hosa : eruntque exitus ejus in mare de funiculo Achziba : |
30 et Amma et Aphec et Rohob: civitates viginti duae et villae earum. | 30 et Amma et Aphec et Rohob : civitates viginti duæ, et villæ earum. |
31 Haec est possessio filiorum Aser per cognationes suas, urbes et viculi earum.
| 31 Hæc est possessio filiorum Aser per cognationes suas, urbesque et viculi earum.
|
32 Filiorum Nephthali sexta sors cecidit per familias suas. | 32 Filiorum Nephthali sexta sors cecidit per familias suas : |
33 Et coepit terminus de Heleph et de quercu in Saananim et Adamineceb et Iebnael usque Lecum et egressus eius usque ad Iordanem; | 33 et cœpit terminus de Heleph et Elon in Saananim, et Adami, quæ est Neceb, et Jebnaël usque Lecum : et egressus eorum usque ad Jordanem : |
34 revertiturque terminus contra occidentem in Aznotthabor atque inde egreditur in Hucoc et attingit Zabulon contra meridiem et Aser contra occidentem et Iordanem contra ortum solis; | 34 revertiturque terminus contra occidentem in Azanotthabor, atque inde egreditur in Hucuca, et pertransit in Zabulon contra meridiem, et in Aser contra occidentem, et in Juda ad Jordanem contra ortum solis : |
35 civitates munitissimae Assedim, Ser et Ammath, Reccath et Chenereth | 35 civitates munitissimæ, Assedim, Ser, et Emath, et Reccath et Cenereth, |
36 et Edema et Rama, Asor | 36 et Edema et Arama, Asor |
37 et Cedes et Edrai et Enasor, | 37 et Cedes et Edrai, Enhasor, |
38 Ieron et Magdalel, Horem et Bethanath et Bethsames: civitates decem et novem et villae earum. | 38 et Jeron et Magdalel, Horem et Bethanath et Bethsames : civitates decem et novem, et villæ earum. |
39 Haec est possessio tribus filiorum Nephthali per cognationes suas, urbes et viculi earum.
| 39 Hæc est possessio tribus filiorum Nephthali per cognationes suas, urbes et viculi earum.
|
40 Tribui filiorum Dan per familias suas egressa est sors septima. | 40 Tribui filiorum Dan per familias suas egressa est sors septima : |
41 Et fuit terminus possessionis eius Saraa et Esthaol et Hirsemes (id est civitas Solis) | 41 et fuit terminus possessionis ejus Sara et Esthaol, et Hirsemes, id est, civitas solis. |
42 et Selebin et Aialon et Iethela | 42 Selebin et Ajalon et Jethela, |
43 et Elon et Thamna et Accaron | 43 Elon et Themna et Acron, |
44 et Elthece et Gebbethon et Baalath | 44 Elthece, Gebbethon et Balaath, |
45 et Iud et Benebarach et Gethremmon | 45 et Jud et Bane et Barach et Gethremmon : |
46 et Meiarcon et Areccon cum termino, qui respicit Ioppen. | 46 et Mejarcon et Arecon, cum termino qui respicit Joppen, |
47 Et terminus filiorum Dan effugit ab eis. Ascenderuntque filii Dan et pugnaverunt contra Lesem ceperuntque eam; et percusserunt in ore gladii ac possederunt et habitaverunt in ea, vocantes Lesemdan ex nomine Dan patris sui. | 47 et ipso fine concluditur. Ascenderuntque filii Dan, et pugnaverunt contra Lesem, ceperuntque eam : et percusserunt eam in ore gladii, et possederunt, et habitaverunt in ea, vocantes nomen ejus Lesem Dan, ex nomine Dan patris sui. |
48 Haec est possessio tribus filiorum Dan per cognationes suas, urbes et viculi earum.
| 48 Hæc est possessio tribus filiorum Dan, per cognationes suas, urbes et viculi earum.
|
49 Cumque complessent terram sorte dividere singulis per tribus suas, dederunt filii Israel possessionem Iosue filio Nun in medio sui, | 49 Cumque complesset sorte dividere terram singulis per tribus suas, dederunt filii Israël possessionem Josue filio Nun in medio sui, |
50 iuxta praeceptum Domini, urbem quam postulavit: Thamnathsare in monte Ephraim. Et aedificavit civitatem habitavitque in ea.
| 50 juxta præceptum Domini, urbem quam postulavit Thamnath Saraa in monte Ephraim : et ædificavit civitatem, habitavitque in ea. |
51 Hae sunt possessiones, quas sorte diviserunt Eleazar sacerdos et Iosue filius Nun et principes familiarum tribuum filiorum Israel in Silo coram Domino ad ostium tabernaculi conventus; compleveruntque partiri terram.
| 51 Hæ sunt possessiones, quas sorte diviserunt Eleazar sacerdos, et Josue filius Nun, et principes familiarum ac tribuum filiorum Israël in Silo, coram Domino ad ostium tabernaculi testimonii : partitique sunt terram. |