Ecclesiasticus 44
123456789101112131415161718192021222324252627282930313233343536373839404142434445464748495051
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Laudemus viros gloriosos, et parentes nostros in generatione sua. | 1 Laus patrum. Laudemus viros gloriosos et parentes nostros in generatione sua. |
2 Multam gloriam fecit Dominus : magnificentia sua a sæculo. | 2 Multam gloriam fecit Dominus, magnificentiam suam a saeculo. |
3 Dominantes in potestatibus suis, homines magni virtute et prudentia sua præditi, nuntiantes in prophetis dignitatem prophetarum : | 3 Dominantes in potestatibus suis, homines magni virtute et prudentia sua praediti, nuntiantes in prophetiis, |
4 et imperantes in præsenti populo, et virtute prudentiæ populis sanctissima verba : | 4 regentes populum in consiliis et peritia scripturae populos; verba sapientiae in disciplina eorum, |
5 in peritia sua requirentes modos musicos, et narrantes carmina Scripturarum : | 5 requirentes modos musicos et narrantes carmina scripturarum; |
6 homines divites in virtute, pulchritudinis studium habentes, pacificantes in domibus suis. | 6 homines divites innixi virtute, pulchritudinis studium habentes, pacificantes in domibus suis. |
7 Omnes isti in generationibus gentis suæ gloriam adepti sunt, et in diebus suis habentur in laudibus. | 7 Omnes isti in generationibus gentis suae gloriam adepti sunt et a diebus suis habentur in laudibus. |
8 Qui de illis nati sunt reliquerunt nomen narrandi laudes eorum. | 8 De illis nati sunt, qui reliquerunt nomen narrandi laudes eorum. |
9 Et sunt quorum non est memoria : perierunt quasi qui non fuerint : et nati sunt quasi non nati, et filii ipsorum cum ipsis. | 9 Et sunt quorum non est memoria: perierunt quasi qui non fuerint; et nati sunt quasi non nati, et filii ipsorum post ipsos. |
10 Sed illi viri misericordiæ sunt, quorum pietates non defuerunt. | 10 Sed hi viri misericordiae sunt, quorum pietates non fuerunt in oblivione. |
11 Cum semine eorum permanent bona : | 11 Cum semine eorum permanent, bona hereditas, nepotes eorum, |
12 hæreditas sancta nepotes eorum, et in testamentis stetit semen eorum : | 12 et in testamentis stetit semen eorum; |
13 et filii eorum propter illos usque in æternum manent : semen eorum et gloria eorum non derelinquetur. | 13 et filii eorum propter illos. Usque in aeternum manet semen eorum, et gloria eorum non derelinquetur. |
14 Corpora ipsorum in pace sepulta sunt, et nomen eorum vivit in generationem et generationem. | 14 Corpora ipsorum in pace sepulta sunt, et nomen eorum vivit in generationem et generationem; |
15 Sapientiam ipsorum narrent populi, et laudem eorum nuntiet ecclesia. | 15 sapientiam ipsorum narrent populi, et laudem eorum nuntiet ecclesia. |
16 Enoch placuit Deo, et translatus est in paradisum, ut det gentibus p?nitentiam. | 16 Henoch placuit Deo et translatus est in paradisum, ut det gentibus paenitentiam. |
17 Noë inventus est perfectus, justus, et in tempore iracundiæ factus est reconciliatio. | 17 Noe inventus est perfectus iustus et in tempore iracundiae factus est reconciliatio; |
18 Ideo dimissum est reliquum terræ, cum factum est diluvium. | 18 propter eum dimissum est reliquum terrae, cum factum est diluvium: |
19 Testamenta sæculi posita sunt apud illum, ne deleri possit diluvio omnis caro. | 19 testamenta saeculi posita sunt apud illum, ne deleri posset diluvio omnis caro. |
20 Abraham magnus pater multitudinis gentium, et non est inventus similis illi in gloria : qui conservavit legem Excelsi, et fuit in testamento cum illo. | 20 Abraham magnus pater multitudinis gentium, et non est inventa macula in gloria eius; qui conservavit legem Excelsi et fuit in testamento cum illo. |
21 In carne ejus stare fecit testamentum, et in tentatione inventus est fidelis. | 21 In carne eius stare fecit testamentum, et in tentatione inventus est fidelis. |
22 Ideo jurejurando dedit illi gloriam in gente sua, crescere illum quasi terræ cumulum, | 22 Ideo iure iurando statuit illi benedici gentes in semine eius, crescere illum quasi terrae cumulum |
23 et ut stellas exaltare semen ejus, et hæreditare illos a mari usque ad mare, et a flumine usque ad terminos terræ. | 23 et ut stellas exaltare semen eius et hereditare illos a mari usque ad mare et a Flumine usque ad terminos terrae. |
24 Et in Isaac eodem modo fecit, propter Abraham patrem ejus. | 24 Et in Isaac eodem modo statuit propter Abraham patrem eius. |
25 Benedictionem omnium gentium dedit illi Dominus, et testamentum confirmavit super caput Jacob. | 25 Benedictionem omnium gentium dedit illi Dominus et testamentum confirmavit super caput Iacob. |
26 Agnovit eum in benedictionibus suis, et dedit illi hæreditatem, et divisit illi partem in tribubus duodecim. | 26 Agnovit eum in benedictionibus suis et dedit illi hereditatem et divisit illi partem in tribubus duodecim. |
27 Et conservavit illi homines misericordiæ, invenientes gratiam in oculis omnis carnis. | 27 Et eduxit ex illo hominem misericordiae invenientem gratiam in oculis omnis carnis, |