Prima lettera ai Corinzi 11

¹ Imitatores mei estote, sicut et ego Christi.

² Laudo autem vos quod omnia mei memores estis et, sicut tradidi vobis,traditiones meas tenetis.

³ Volo autem vos scire quod omnis viri caput Christusest, caput autem mulieris vir, caput vero Christi Deus.

⁴ Omnis vir orans autprophetans velato capite deturpat caput suum;

⁵ omnis autem mulier orans autprophetans non velato capite deturpat caput suum; unum est enim atque sidecalvetur.

⁶ Nam si non velatur mulier, et tondeatur! Si vero turpe est mulieritonderi aut decalvari, veletur.

⁷ Vir quidem non debet velare caput, quoniam imago et gloria est Dei; mulierautem gloria viri est.

⁸ Non enim vir ex muliere est, sed mulier ex viro;

⁹ etenim non est creatus vir propter mulierem, sed mulier propter virum.

¹⁰ Ideodebet mulier potestatem habere supra caput propter angelos.

¹¹ Verumtamen nequemulier sine viro, neque vir sine muliere in Domino;

¹² nam sicut mulier de viro,ita et vir per mulierem, omnia autem ex Deo.

¹³ In vobis ipsi iudicate: Decetmulierem non velatam orare Deum?

¹⁴ Nec ipsa natura docet vos quod vir quidem,si comam nutriat, ignominia est illi;

¹⁵ mulier vero, si comam nutriat, gloriaest illi? Quoniam coma pro velamine ei data est.

¹⁶ Si quis autem videturcontentiosus esse, nos talem consuetudinem non habemus, neque ecclesiae Dei.

¹⁷ Hoc autem praecipio, non laudans quod non in melius sed in deteriusconvenitis.

¹⁸ Primum quidem convenientibus vobis in ecclesia, audio scissurasinter vos esse et ex parte credo.

¹⁹ Nam oportet et haereses inter vos esse, utet, qui probati sunt, manifesti fiant in vobis.

²⁰ Convenientibus ergo vobis inunum, non est dominicam cenam manducare;

²¹ unusquisque enim suam cenampraesumit in manducando, et alius quidem esurit, alius autem ebrius est.

²² Numquid domos non habetis ad manducandum et bibendum? Aut ecclesiam Deicontemnitis et confunditis eos, qui non habent? Quid dicam vobis? Laudabo vos?In hoc non laudo!

²³ Ego enim accepi a Domino, quod et tradidi vobis, quoniam Dominus Iesus, inqua nocte tradebatur, accepit panem

²⁴ et gratias agens fregit et dixit: “ Hocest corpus meum, quod pro vobis est; hoc facite in meam commemorationem ”;

²⁵ similiter et calicem, postquam cenatum est, dicens: “ Hic calix novumtestamentum est in meo sanguine; hoc facite, quotiescumque bibetis, in meamcommemorationem ”.

²⁶ Quotiescumque enim manducabitis panem hunc et calicembibetis, mortem Domini annuntiatis, donec veniat.

²⁷ Itaque, quicumquemanducaverit panem vel biberit calicem Domini indigne, reus erit corporis etsanguinis Domini.

²⁸ Probet autem seipsum homo, et sic de pane illo edat et decalice bibat;

²⁹ qui enim manducat et bibit, iudicium sibi manducat et bibit nondiiudicans corpus.

³⁰ Ideo inter vos multi infirmi et imbecilles et dormiuntmulti.

³¹ Quod si nosmetipsos diiudicaremus, non utique iudicaremur;

³² dumiudicamur autem, a Domino corripimur, ut non cum hoc mundo damnemur

³³ Itaque,fratres mei, cum convenitis ad manducandum, invicem exspectate.

³⁴ Si quisesurit, domi manducet, ut non in iudicium conveniatis. Cetera autem, cum venero,disponam.