Marcus 2

¹Et iterum intravit Capharnaum post dies, et auditum est quod in domoesset.²Et convenerunt multi, ita ut non amplius caperentur neque ad ianuam, etloquebatur eis verbum.³Et veniunt ferentes ad eum paralyticum, qui a quattuorportabatur.⁴Et cum non possent offerre eum illi prae turba, nudaverunt tectum,ubi erat, et perfodientes summittunt grabatum, in quo paralyticus iacebat.⁵Cumvidisset autem Iesus fidem illorum, ait paralytico: “ Fili, dimittunturpeccata tua ”.
⁶Erant autem illic quidam de scribis sedentes et cogitantes in cordibus suis:⁷“ Quid hic sic loquitur? Blasphemat! Quis potest dimittere peccata nisi solusDeus? ”.⁸Quo statim cognito Iesus spiritu suo quia sic cogitarent intra se,dicit illis: “ Quid ista cogitatis in cordibus vestris?⁹Quid est facilius,dicere paralytico: “Dimittuntur peccata tua”, an dicere: “Surge et tollegrabatum tuum et ambula”?¹⁰Ut autem sciatis quia potestatem habet Filiushominis interra dimittendi peccata — ait paralytico - :¹¹Tibi dico: Surge,tolle grabatum tuum et vade in domum tuam ”.¹²Et surrexit et protinussublato grabato abiit coram omnibus, ita ut admirarentur omnes et glorificarentDeum dicentes: “ Numquam sic vidimus! ”.
¹³Et egressus est rursus ad mare; omnisque turba veniebat ad eum, et docebateos.¹⁴Et cum praeteriret, vidit Levin Alphaei sedentem ad teloneum et aitilli: “ Sequere me ”. Et surgens secutus est eum.¹⁵Et factum est, cumaccumberet in domo illius, et multi publicani et peccatores simul discumbebantcum Iesu et discipulis eius; erant enim multi et sequebantur eum.¹⁶Et scribaepharisaeorum, videntes quia manducaret cum peccatoribus et publicanis, dicebantdiscipulis eius: “ Quare cum publicanis et peccatoribus manducat? ”.¹⁷EtIesus hoc audito ait illis: “ Non necesse habent sani medicum, sed qui malehabent; non veni vocare iustos sed peccatores ”.
¹⁸Et erant discipuli Ioannis et pharisaei ieiunantes. Et veniunt et dicuntilli: “ Cur discipuli Ioannis et discipuli pharisaeorum ieiunant, tui autemdiscipuli non ieiunant? ”.¹⁹Et ait illis Iesus: “ Numquid possunt convivaenuptiarum, quamdiu sponsus cum illis est, ieiunare? Quanto tempore habent secumsponsum, non possunt ieiunare;²⁰venient autem dies, cum auferetur ab eissponsus, et tunc ieiunabunt in illa die.²¹Nemo assumentum panni rudis assuitvestimento veteri; alioquin supplementum aufert aliquid ab eo, novum a veteri,et peior scissura fit.²²Et nemo mittit vinum novellum in utres veteres,alioquin dirumpet vinum utres et vinum perit et utres; sed vinum novum in utresnovos ”.
²³Et factum est, cum ipse sabbatis ambularet per sata, discipuli eius coeperuntpraegredi vellentes spicas.²⁴Pharisaei autem dicebant ei: “ Ecce, quidfaciunt sabbatis, quod non licet? ”.²⁵Et ait illis: “ Numquam legistisquid fecerit David, quando necessitatem habuit et esuriit ipse et qui cum eoerant?²⁶Quomodo introivit in domum Dei sub Abiathar principe sacerdotum etpanes propositionis manducavit, quos non licet manducare nisi sacerdotibus, etdedit etiam eis, qui cum eo erant? ”.²⁷Et dicebat eis: “ Sabbatum propterhominem factum est, et non homo propter sabbatum;²⁸itaque dominus est Filiushominis etiam sabbati ”.

Vetus Testamentum

Novum Testamentum

Cambia Bibbia

Confronta con un'altra Bibbia

Versetti esaminati