Vangelo secondo Marco 12

¹ Et coepit illis in parabolis loqui: “ Vineam pastinavit ho mo etcircumdedit saepem et fodit lacum et aedificavit turrim et locavit eam agricoliset peregre profectus est.

² Et misit ad agricolas in tempore servum, ut abagricolis acciperet de fructu vineae;

³ qui apprehensum eum caeciderunt etdimiserunt vacuum.

⁴ Et iterum misit ad illos alium servum; et illum in capitevulneraverunt et contumeliis affecerunt.

⁵ Et alium misit, et illum occiderunt,et plures alios, quosdam caedentes, alios vero occidentes.

⁶ Adhuc unum habebat,filium dilectum. Misit illum ad eos novissimum dicens: “Reverebuntur filiummeum”.

⁷ Coloni autem illi dixerunt ad invicem: “Hic est heres. Venite,occidamus eum, et nostra erit hereditas”.

⁸ Et apprehendentes eum occideruntet eiecerunt extra vineam.

⁹ Quid ergo faciet dominus vineae? Veniet et perdetcolonos et dabit vineam aliis.

¹⁰ Nec Scripturam hanc legistis: “Lapidem quemreprobaverunt aedificantes,
hic factus est in caput anguli;

¹¹ a Domino factum est istud
et est mirabile in oculis nostris”? ”.

¹² Et quaerebant eum tenere et timuerunt turbam; cognoverunt enim quoniam ad eosparabolam hanc dixerit. Et relicto eo abierunt.

¹³ Et mittunt ad eum quosdam ex pharisaeis et herodianis, ut eum caperent inverbo.

¹⁴ Qui venientes dicunt ei: “ Magister, scimus quia verax es et noncuras quemquam; nec enim vides in faciem hominum, sed in veritate viam Deidoces. Licet dare tributum Caesari an non? Dabimus an non dabimus? ”.

¹⁵ Quisciens versutiam eorum ait illis: “ Quid me tentatis? Afferte mihi denarium,ut videam ”.

¹⁶ At illi attulerunt. Et ait illis: “ Cuius est imago haec etinscriptio? ”. Illi autem dixerunt ei: “ Caesaris ”.

¹⁷ Iesus autem dixitillis: “ Quae sunt Caesaris, reddite Caesari et, quae sunt Dei, Deo ”. Etmirabantur super eo.

¹⁸ Et veniunt ad eum sadducaei, qui dicunt resurrectionem non esse, etinterrogabant eum dicentes:

¹⁹ “ Magister, Moyses nobis scripsit, ut si cuiusfrater mortuus fuerit et reliquerit uxorem et filium non reliquerit, accipiatfrater eius uxorem et resuscitet semen fratri suo.

²⁰ Septem fratres erant: etprimus accepit uxorem et moriens non reliquit semen;

²¹ et secundus accepit eamet mortuus est, non relicto semine; et tertius similiter;

²² et septem nonreliquerunt semen. Novissima omnium defuncta est et mulier.

²³ In resurrectione,cum resurrexerint, cuius de his erit uxor? Septem enim habuerunt eam uxorem ”.

²⁴ Ait illis Iesus: “ Non ideo erratis, quia non scitis Scripturas nequevirtutem Dei?

²⁵ Cum enim a mortuis resurrexerint, neque nubent neque nubentur,sed sunt sicut angeli in caelis.

²⁶ De mortuis autem quod resurgant, nonlegistis in libro Moysis super rubum, quomodo dixerit illi Deus inquiens: “Egosum Deus Abraham et Deus Isaac et Deus Iacob”?

²⁷ Non est Deus mortuorum sedvivorum! Multum erratis ”.

²⁸ Et accessit unus de scribis, qui audierat illos conquirentes, videns quoniambene illis responderit, interrogavit eum: “ Quod est primum omnium mandatum?”.

²⁹ Iesus respondit: “ Primum est: “Audi, Israel: Dominus Deus nosterDominus unus est,

³⁰ et diliges Dominum Deum tuum ex toto corde tuo et ex totaanima tua et ex tota mente tua et ex tota virtute tua”.

³¹ Secundum est illud:“Diliges proximum tuum tamquam teipsum”. Maius horum aliud mandatum non est”.

³² Et ait illi scriba: “ Bene, Magister, in veritate dixisti: “Unusest, et non est alius praeter eum;

³³ et diligere eum ex toto corde et ex totointellectu et ex tota fortitudine” et: “Diligere proximum tamquam seipsum”maius est omnibus holocautomatibus et sacrificiis ”.

³⁴ Et Iesus videns quodsapienter respondisset, dixit illi: “ Non es longe a regno Dei ”. Et nemoiam audebat eum interrogare.

³⁵ Et respondens Iesus dicebat docens in templo: “ Quomodo dicunt scribaeChristum filium esse David?

³⁶ Ipse David dixit in Spiritu Sancto:
“Dixit Dominus Domino meo: Sede a dextris meis,
donec ponam inimicos tuos sub pedibus tuis”.

³⁷ Ipse David dicit eum Dominum, et unde est filius eius? ”. Et multa turbaeum libenter audiebat.

³⁸ Et dicebat in doctrina sua: “ Cavete a scribis, qui volunt in stolisambulare et salutari in foro

³⁹ et in primis cathedris sedere in synagogis etprimos discubitus in cenis;

⁴⁰ qui devorant domos viduarum et ostentant prolixasorationes. Hi accipient amplius iudicium ”.

⁴¹ Et sedens contra gazophylacium aspiciebat quomodo turba iactaret aes ingazophylacium; et multi divites iactabant multa.

⁴² Et cum venisset una viduapauper, misit duo minuta, quod est quadrans.

⁴³ Et convocans discipulos suos aitillis: “ Amen dico vobis: Vidua haec pauper plus omnibus misit, qui miseruntin gazophylacium:

⁴⁴ Omnes enim ex eo, quod abundabat illis, miserunt; haec verode penuria sua omnia, quae habuit, misit, totum victum suum ”.