El Santo Vangelo segond Mattee 8

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E APPENNAche l'è vegnuu giù del mont, ghe s'è infilaa adree tanta gent.²In quella, vun, che gh'aveva la lebra, el ghe se vesinna, e 'l le adora, disendegh: Signor, se ti te voeut, tì te podet nettamm foeura.³E Gesù, slongand la man, l'ha toccaa, disendegh: Vuj insci, te see guarii. E subet gh'è andaa via la lebra,⁴E Gesù: Guarda ben de dill a quajchedun: ma va a fatt vedė del pret, e fa l'offerta del regal comandaa de Mosè, per daghen testimonianza.⁵Quand pou l'è rivaa dent in Cafarnao, gh'è andaa a trovall on centurion, e 'l ghe s'è raccommandaa,⁶Disend: Signor, mì gh' hoo in cà mè fioeu, che l'è paralitegh, e 'l tormenta maladettament.⁷E Gesù el gh' ha ditt: Mì vegnaroo, e t el curaroo.⁸E'l centurion el gh' ha rispost, disendegh: Mi sont minga degn, che ti te vegnet in cà mia: di doma ona parolla, e me fixeu el sarà guarii.⁹Perchè mi sont on omm, che dipend di alter, e gh'hoo sotta de mi di soldaa, e a vun ghe disi: Va, e lu el va: e a l'alter: Ven, e lu el ven: e al mè servitor: Fa sta robba, e lu le fa.¹⁰Gesù l'é restaa incantaa a senti sti robb, e 'l gh'ha ditt a qui, che ghe andava adree: In veritaa mì ve disi, che hoo mai trovaa tanta fed in Israell.¹¹E mi ve disi, che tanti vegnaran de l'orient, e de l'occident, e se settaran giò, e staran in paradis cont Abramm, Isacch, e Giacobb:¹²Ma i fiveu del regno saran s'giaccaa foura in di sit scur: là se caragnarà, e se tormentarà del dolor de dent.¹³Allora Gesù el gh'ha ditt al centurion: Va, e che te succeda segond che te credevet. E in quell'istess moment el fioeu l'è guarii.¹⁴Essend andaa peu Gesù in cà de Peder, l'ha vist la soa socera malada cont la fevera.¹⁵El gh' ha toccaa la man, e la fever la gh'è andada via. L'è levada su, e j'ha servii.¹⁶Quand pou l'è staa sira, gh' han presentaa tanti indemoniaa: e domà col parlà el mandava via i spiret: e'l guariva tucc i amalaa:¹⁷Per fà, che succedess quell, ch'aveva ditt Isaia profetta, ch' el dis: Lu l'ha ciappaa i noster maa: e l'ha sopportaa i noster mangagn.¹⁸Vedendes pou intorna ona gran frotta de gent, Gesù l'ha daa orden de passà de là.¹⁹E on Scriba el ghe s' è vesinaa, e 'l gh'ha ditt: Maester, mì te tegnaroo adree, dove se sia.²⁰E Gesù el gh ' ha ditt: I volp gh' han i sò tann, e i usej de l'aria i sou nid: ma el Fieu de l'omm el gh' ha minga sit de mett giò el coo.²¹E on alter di soeu scolar el gh' ha ditt: Signor, damm prima el permess d'andà a sotterà mè pader.²²Ma Gesù el gh' ha ditt: Vegnem adree, e lassa, che i mort sotteren i sou mort.²³Essend pou andaa in barca, i sou scolar gh'hin andaa adree:²⁴Quand de lì on poo s' è traa per aria el mar, in manera che la barca l'era quattada de l'acqua, e lu intanta el dormiva.²⁵Gh'è andaa vesin i soeu scolar, e l'han dessedaa disendegh: Signor, salven, nun vemm al diavol.²⁶E Gesù el gh'ha ditt: Perchè gh' avii paura, o omen de poca fed? Allora l'é levaa su, e 'l gh' ha comandaa ai vent e al mar, e tutt s'è quietaa giò.²⁷In manera che la gent l'é restada incantada, disend: Chi l'è quest chì, ch'el se fa ubbedì di vent e del mar?²⁸E quand l'è staa sbarcaa de là del lagh in del paes de Gerasen, gh'è andaa incontra duu indemoniaa vegnuu foura di sepoltur, ch'eren tant infuriaa, che nissun podeva passà de là.²⁹E s'hin miss a vosà, disend: Cossa gh'emm a che fà nun cont ti, Gesù fieu del Signor? Te see vegnuu chi prima del temp per tormentamm nun?³⁰E gh'era pocch lontan de lor ona troppa de porscej, che pascolaven.³¹Donca i indemoniaa el seccaven, disendegh: Se te ne cascet via de chì, trann insemma a quell rosc de porscej.³²E lu el gh' ha ditt: Andee. E lor inviandes hin andaa in mezz ai porscej, e subet tutta la troppa di porscej cont on gran bordeleri la s'è buttada in mar: e l'è creppada in l'acqua.³³I pastor hin scappaa: e tornand in paes, han cuntaa su tutt sti robb, e 'l fatt di indemoniaa.³⁴E subet tutta la cittaa l'è corsa foeura incontra a Gesù: e quand l'han vist, l'han pregaa de retirass di sò confin.