El Santo Vangelo segond Mattee 1

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹LIBER de la generazionde Gesù Crist fioeu de David, fioeu de Abramm²Abramm l'ha miss al mond Isacch. Isacch l'ha generaa Giacobb. Giacobb l'ha miss al mond Giuda, e i seu fradej.³Giuda el gh' ha avuu de Tamar Fares, e Zara. Fares l'ha miss al mond Esron. Esron, Aram.⁴Aram l'ha generaa Aminadab. Aminadab l'ha generaa Naasson. Naasson l'ha generaa Salmon.⁵Salmon el gh' ha avuu Booz de Raab. Booz el gh' ha avuu Obed de Rut. Obed l'ha miss al mond Jesse. Jesse l'ha miss al mond David re.⁶David re el gh'ha avuu Salomon de la miee d'Uria.⁷Salomon l'ha miss al mond Roboam. Roboam l'ha generaa Abia. Abia l'ha miss al mond Asa.⁸Asa l'ha miss al mond Giosafatt. Giosafatt l'ha generaa Joram. Joram l'ha miss al mond Ozia.⁹Ozia l'ha generaa Gioatam. Gioatam l'ha miss al mond Acaz. Acaz, Ezechia.¹⁰Ezechia l'ha miss al mond Manasse. Manasse l'ha generaa Amon. Amon, Giosia.¹¹Giosia l'ha miss al mond Geconia, e'i soeu fradej, quand stava pocch a succed l'emigrazion in Babilonia.¹²E dopo l'emigrazion in Babilonia: Geconia l'ha miss al mond Salatiel. Salatiel l'ha miss al mond Zorobabell.¹³Zorobabell l'ha generaa Abiud. Abiud l'ha generaa Eliacim. Eliacim l'ha generaa Azor.¹⁴Azor l'ha generaa Sadoch. Sadoch l'ha miss al mond Achim. Achim l'ha l'ha generaa Eliud.¹⁵Eliud l'ha miss al mond Eleazar. Eleazar l'ha miss al mond Matan. Matan l'ha generaa Giacobb.¹⁶Giacobb l'ha miss al mond Giusepp, spos de Maria, e de lee è nassuu Gesù, ciamaa el Crist.¹⁷De Abramm donca fina a David hin quattordes generazion in tutt: de David fina a l'emigrazion de Babilonia, quattordes generazion: e de l'emigrazion de Babilonia fina a Crist, quattordes generazion.¹⁸Gesù Crist l'è vegnuu al mond a sta manera chì: Essend stada Maria, soa mader de lu, sposada cont Giusepp, s'è trovaa, che l'era gravida del Spiritusant, inanz che stassen insemma.¹⁹Sicchè Giusepp, so mari de lee, siccome l'era on galantomm, e nol voreva minga mettela in piazza, l'ha fissaa de mandalla ancamò de noscondon a cà soa.²⁰Ma intanta ch' el madurava sto penser, gh'è compars in sogn on angiol del Signor, disendegh: Giusepp, fieu de David, abbia minga paura de toeù Maria per toa miee: perchè quell, ch' è staa concepii denter de lee, l'è staa concepii del Spiritusant.²¹Lee peu la partorirà on fieu, che tì te ghe mettarett in nomm Gesù: perchè l'è quell, ch' ha de nettà foeura el sò popol di soeu peccaa.²²È pou succeduu tutt quest, per fà, che avess de verificass quell, ch'era staa ditt dal Signor per mezz del profetta, ch' el dis:²³Ecco che ona vergin la sarà gravida, e la mettarà al mond on fioeu, che ghe mettaran in nomm Emmanuell, ch'el voeur dì: El Signor l'è cont nun.²⁴Donca Giusepp, appenna dessedaa, l'ha faa quell, che l'angiol del Signor el gh'aveva comandaa, e 'l s'è tegnuu la sposa.²⁵E lu l'ha mai conossuda, fina a tant che l'ha miss al mond el sò fioeu primogenit, e 'l gh' ha miss in nomm Gesù.