El Santo Vangelo segond Mattee 27

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E QUAND l'è staa di,tutt i capp di sazerdott, e i anzian del popol han faa complott contra Gesù per fall morì.²E bell e ligaa l'han menaa, e l'han consegnaa a Ponzi Pilatt president.³Allora Giuda, che l'aveva tradii, vedend, che Gesù l'era staa condannaa; pentii, l'ha portaa indree i trenta danee ai capp di sazerdott, e ai anzian,⁴Disend: Hoo faa peccaa cont el tradi on sangu innocent. Ma lor han ditt: Cosse ne importa a nun? Pensegh ti.⁵E lu buttand i moned d'argent in gesa, l'è andaa via: e'l s' è impiccaa cont on straforzin.⁶Ma i capp di sazerdott, toujend su quij moned, han ditt: Se pò nò metti cont el tesor: perchè hin prezzi de sangu.⁷E dopo faa complott, i han drovaa de comprà el camp d'on piattee, per sotteragh dent i forestee.⁸E l'è per quest, che quell camp là, anca al dì d'incoeu, el se ciama Haceldama, cioè el camp del sangu.⁹Allora è succeduu quell, ch'era staa ditt dal profetta Geremia, ch' el dis: E han ricevuu i trenta danee d'argent,valor de quell tal, ch'han compraa coi danee dai fioeu d'Israell:¹⁰E i han impiegaa in d'on camp d'on piattee, come el m'aveva ordinaa el Signor.¹¹E Gesù l'è staa menaa denanz al president, e 'l president l'ha interrogaa, disendegh: Te see tì el re di Giudee? Gesù l'ha rispost: Tì t' el diset.¹²E a l'accusa, che gh'han faa i capp di sazerdott, e i anzian, l'ha rispost nient.¹³Allora Pilatt el gh' ha ditt: Te sentet quanti robb te tran in spalla a tì?¹⁴E per quant el ghe disess l'ha mai rispost nient, in manera che 'l president l'é restaa incantaa.¹⁵El president però el gh' aveva l'abitudin in di solennitaa de lassagh in libertaa a la popolazion quell presonee, che la voreva lee.¹⁶E lu el gh' aveva in man in quell moment on famoso presonee, che ghe diseven Barabba.¹⁷Pilatt donca el gh' ha ditt a la popolazion, che gh' era intorno a mucc: Chi l'è, che vorii, che mi ve lassa in libertaa: Barabba, o Gesù, che ghe disen el Crist?¹⁸Perchè el saveva, che l'aveven tradii per invidia.¹⁹E intant chę lu l'era settaa giò in tribunal, soa miee la gh' ha mandaa a di: Imbrojet minga dent in di robb de quell sant' omm, perchè sta nott sont stada per aria per causa soa.²⁰Ma i capp di sazerdott, e i anzian han persuas la popolazion a domandà Barabba, e fà mori Gesù.²¹E mettendes a parlà el president, el gh' ha ditt: Qual è di duu, che vori, che mi ve lassa in libertaa? Ma quij han rispost: Barabba.²²Pilatt el gh' ha ditt: Coss' en faroo donca mi de Gesù, che ghe disen el Crist?²³Tucc han rispost: Ch'el sia miss in cros president el gh' ha ditt: Ma cosse l'ha faa de mal? Ma lor vosaven anmò pussee disend: Ch'el sia miss in cros.²⁴Vedend Pilatt, ch' el faseva nagott de bon, e che anzi el frecass el cresseva: l'ha ciappaa de l'acqua, e 'l s'è lavaa i man denanz a la popolazion, disend: Mì sont innocent del sangu de sto sant' omm: pensegh vialter.²⁵E tutta la popolazion l'ha rispost: El sò sangu, ch' el ne vegna adoss a nun, e ai noster fioeu.²⁶Allora el gh' ha lassaa in libertaa Barabba: e dopo avè faa svargellà Gesù, ghe l'ha consegnaa in di man a lor, per fà, ch'el mettessen in cros.²⁷Allora i soldaa del president han menaa Gesù in del pretori, e gh' han ruzzaa intorna tutta la brigada:²⁸L'han desvestii, gh' han miss adoss ona cotta color de cocch,²⁹E dopo avè traa insemma ona coronna de spin, ghe l'han missa in testa, mettendegh ona canna in la man dritta. E ingenuggiandes denanz a lu, el cojonaven, disendegh: Addio, re di Giudee.³⁰E spuandegh adoss, ciappaven la canna, e ghe pestaven el coo.³¹E dopo avell canzonaa, gh' han tiraa giò la cotta, e l'han vestii di sò pagn, e l'han menaa a mettel in cros.³²E in de l'andà foeura han incontraa on omm Cireneo cont in nomm Simon: e l'han obbligaa a portà la soa cros de lu.³³E hin rivaa in d'on sit, che ghe disen Golgota, ch' el voeur dì: Sit del crani.³⁴E gh' han daa de bev del vin misturaa cont la fel. E dopo avell saggiaa, l'ha minga voruu bevel.³⁵E dopo che l'han miss in cros, s'hin spartii foeura i sò pagn, tirand su a sort: per fà, che succedess quell, ch' è staa ditt dal profetta, ch' el dis: S'hin spartii foura tra de lor i mee pagn, e han tiraa su a sort la mia vesta.³⁶E stand là settaa giò ghe faseven guardia.³⁷E gh' han mettuu su scritt sul sò coo el sò delitt: Quest chì l'è Gesù, el re di Giudee.³⁸Alora è staa miss in cros insemma a lu duu ladron: vun a dritta, e l'alter a sinistra.³⁹E quij, che passava via ghe bestemmiaven adree scorlend el coo.⁴⁰E diseven: Tì, che te see bon de trà giò la gesa del Signor, e te la trett in pee anmò in trii dì: salvet tì de per ti: se te see el fioeu del Signor, ven giò de la cros.⁴¹In l'istessa manera anca i di sazerdott cappcojonandel insemma ai Scriba, e ai anzian diseven:⁴²L'ha salvaa i alter, e l'è minga bon de salvass lu: se l'è el re d'Israell, ch' el vegna giò de la cros, e allora ghe credaremm:⁴³L'ha confidaa in del Signor: che le libera adess, se el ghe vaur ben: perchè lu l'ha ditt: Mi sont fioeu del Signor.⁴⁴E l'istessa robba ghe sbraggiaven adree i ladron, ch'eren staa miss in cros insemma a lu.⁴⁵Ma di ses or finna ai noeuv gh'è staa scur per tutt el mond.⁴⁶E vers i des or Gesù l'ha vosaa fort, disend: Eli, Eli, lamma sabacthani? ch' el voeur di: El mè Signor, el mè Signor, perchè m'avii abbandonnaa?⁴⁷Ma quajchedun de quij, che gh'era là intorna, quand han sentii sti paroll, diseven: Chi lu el ciama Elia.⁴⁸E subet vun de quij là l'è cors a bagnà ona sponga in l'asee, e dopo avella missa in scimma a ona canna, el ghe dava de bev.⁴⁹I alter pou diseven: Stemm a vedė se Elia el ven a liberall.⁵⁰Ma Gesù l'ha mettuu foura anmò ona gran vosada, e pou l'è mort.⁵¹In quella el vell de la gesa el s'è scarpaa in duu tocch de scimma a fond, e la terra l'è tremada, e i prej s' hin rott,⁵²E i monument s'hin dervii foeura: e tanti corp de sant, che s' eren indormentaa, hin resuscitaa.⁵³E vegnuu foura di monument dopo la soa risurrezion de lu, hin andaa in la cittaa santa, e gh' hin compars a tanti.⁵⁴Ma el centurion e quij, che ghe faseven guardia a Gesù insemma a lu, quand han sentii el terremott e han vist tutt quell, che succedeva, gh' han vuu ona grani paura, e diseven: L' è sicur, che quest chì l'era el Fioeu del Signor.⁵⁵E gh' era de lontan tanti donn, che gh' aveven tegnuu adree a Gesù in Galilea, e gh' aveven tegnuu d' cucc.⁵⁶Insemma a sti donn gh'era Maria Maddelenna, e Maria mader de Giacom, e de Giusepp, e la mader di fioeu de Zebedee.⁵⁷E quand l'è staa sira, è andaa on scior de Arimatea, ciamaa Giusepp, che l'era anca lu scolar de Gesù.⁵⁸Quest chì l'è andaa a trovà Pilatt, e 'l gh' ha cercaa el de Gesù. Allora Pilatt l'ha daa orden, corp che ghe se consegnass el corp.⁵⁹E Giusepp l'ha ciappaa el corp, e l'ha involtiaa dent in d'on lenzou bianch.⁶⁰E l'ha miss in d'on sò monument noeuv scavaa de lu in d'on sass. E l'ha borlonaa su ona gran preja su la bocca del monument, e 'l s'è retiraa.⁶¹E Maria Maddelenna, e l'altra Maria staven li settaa giò denanz al sepolcher.⁶²El di dopo, che l'è quell dopo la Parasceve, i capp di sazerdott, e i Farisee s'hin trovaa là insemma in cà de Pilatt,⁶³E gh' han ditt: Ei lu, n' è vegnuu in ment, che quell rivoluzionari quand l'era anmò viv, l'ha ditt: Dopo trii dì risuscitaroo.⁶⁴Ch' el daga donca orden, che ghe sia faa guardia al sepolcher finna al terz di: per fà, che i sò scolar no abbien de andà a roball, e abbien peu de di a la popo lazion: L'è resuscitaa: e inscì l'ultimm ingann el sia pesg del primm.⁶⁵Pilatt el gh' ha ditt: Sii padron di guardi, andee, e fee guardia come ve par e pias.⁶⁶E lor hin andaa, e han rinforzaa la guardia al se polcher, e gh' han miss el sigill a la preja.