El Santo Vangelo segond Mattee 17

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹SES di dopo Gesù el s'è menaa adree Peder, e Giacom, ė Giovann sò fradell, e i ha menaa á vun a vun sora on mont:²E l'è restaa li trasformaa denanz a lor. E la soa faccia la lusiva come el sò: e el sò vestii l'era bianch come la nev.³E tutt a on bott gh' è rivaa denanz Mosè e Elia, che discorreven cont lu.⁴E Peder mettendes a parlà, el gh' ha ditt a Gesù: Nun farissem ona bella robba a fermass chì? Se te see content, femm chi trii padiglion, vun per tì, vun per Mosè, vun per Elia.⁵Prima che lu l'avess fenii de parlà, tutt a on tratt ona nivola ciara i ha quattaa via. In quell menter ona vos vegnuda foeura de la nivola l'ha ditt: Quest chì l'è el mè car Fioeu, che l'è staa la mia delizia: degh ascolt.⁶Quand han sentuu quest, i scolar gh' han avuu ona gran paura, e hin borlaa giò per terra.⁷Ma Gesù el ghe s'è portaa vesin, i ha toccaa, e 'l gh' ha ditt: Levee su e abbiee minga paura.⁸E alzand i cucc, han veduu pu nissun, via de Gesù.⁹E in del vegnì giò del mont, Gesù el gh' ha daa orden, disendegh: Disigh a nissun quell, ch'avii vist, prima ch' el Fioeu de l'omm el sia resuscitaa.¹⁰E i scolar l'interrogaven, disendegh: Perchè donca i Scriba disen, ch'ha de vegnì prima Elia?¹¹E lu el gh' ha rispost: Sigura che prima dev vegni Elia, ch'el mettarà a l'orden tuttcoss.¹²Ma mì ve disi, che Elia l'è già vegnuu, e l'han minga conossuu, ma gh' han faa tutt quell, ch'han vo ruu. E istess tal e qual sarà trattaa el fioeu de l'omm.¹³Allora i scolar han capii, ch'el gh' aveva parlaa de Giovann Batista.¹⁴Essend pou rivaa dove gh' era la gent, gh'è andaa vesin on omm, e 'l ghe s'è buttaa denanz in genoeucc, disendegh: Signor, abbia compassion de me fioeu, perchè l'è lunategh, e 'l patiss tanto: perchè di volt el borla giò in del fough, di volt in l'acqua.¹⁵E mi ghe l'hoo menaa denanz ai tou scolar, e han minga poduu fall guarì.¹⁶Ma Gesù l'ha rispost, e l'ha ditt: Oh razza de gent testarda e cattiva, finna a quand staroo mi cont vialter? finna a quand dovaroo sopportav? Menell chì denanz a mi.¹⁷E Gesù l'ha strappazzaa el diavol, e quest l'è saltaa foeura del fioeu, che de quell moment l'è staa san.¹⁸Allora i scolar han ciappaa de part Gesù, e gh' han ditt: Per che motiv nun emm minga poduu ca sciaghel via?¹⁹Gesù el gh' ha rispost: Per la vostra mancanza de fed. Perchè in veritaa mì ve disi: Se gh' avarii fed, tant come ona grana de senavra, podarii digh a sto mont: Passa de sto sit chi a quell' alter, e 'l passarà, e nient ve sarà impossibil.²⁰Ma sta razza de demoni no la se destanna se no gh'è orazion, e digiun.²¹E intanta che se fermaven in Galilea, Gesù el gh'ha ditt: El Fioeu de l'omm l'ha de vess miss in man ai omen:²²E 'l mazzaran, e lu el resuscitarà a la terza giornada. E lor hin restaa malinconegh comè.²³Essend peu andaa a Cafarnao, s'è portaa vesin a Peder quij, che scæudeva i dramm, e gh'han ditt: El voster maester el paga minga i dò dramm?²⁴E lu el gh' ha rispost: Sigura de sì. E appenna l'è staa in cà, Gesù l'ha prevegnuu, e 'l gh' ba ditt: Cosse t'en par, o Simon? De chi l'è, che riceven i re de sta terra i tributt o el cens? dai sò fioeu, o dai strani?²⁵Dai strani, l'ha rispost Peder. E Gesù el gh' ha ditt anmo: Donca i Fioeu gh'entren minga.²⁶Però, per no dagh scandol a lor, portet al mar, butta dent l'amiscicu, e ciappa el primm pess, che vegnarà su: dervegh la bocca, che te ghe trovaret denter on stater: toeul su, e paga per ti, e per mi.