El Santo Vangelo segond Mattee 7

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹GIUDICHEE minga i alter, se vorii minga vess giudicaa.²Perchè a segonda che giudicarii, sarii giudicaa: e cont quella misura, ch'avarii misuraa i alter, sarii misuraa anca vialter.³E perchè te vedet la pajocca in l'cucc de tò fradell: e te vedet minga el trav, che gh'è in del tò?⁴E come te farett a digh a tò fradell: Lassa, che te tira foeura de l'oeucc sto fil de paja, quand ti te gh'hee on trav in del tò deucc?⁵Impostor, tiret foeura prima el trav del tò qucc, e dopo te ghe vedarett a tirà foura el fil de paja de l'oeucc de to fradell.⁶Degh minga i robb sant ai can: e buttee minga i vost perla denanz ai porscej, per no fà, che i schiscen sott ai pee, o se revolten a sbranav.⁷Domandee, e ottegnarii: cerchee, e trovarii: picchee, e ve sarà dervii.⁸Perchè chi domanda, ricev: chi cerca, trouva: e ghe se derv a chi picca.⁹E chi l'é de vialter, che se on sò fioeu ghe cercass del pan, ghe darav on sass?¹⁰Che s'el ghe domandass on pess, el ghe darav on serpent?¹¹Se donca vialter, anch ben che siev cattiv, sii minga bon de negà del ben ai vost fioeu: quanto pussee vost Pader, che l'è in ciel, el farà del ben a quij, che le cerca?¹²Fegh donca ai omen tutt quell, che vorii, che lor ve faghen a vialter. In quest sta la legg e quell, ch'han ditt i profetta.¹³Andee dent per la porta pussee stretta: perchè la porta l'è larga e la strada granda in quij, che menna a perdes, e hin tanti quij, che ghe va dent.¹⁴Come l'è piscinina la porta, e stretta la strada, che menna a salvass: e pocch hin quij, che le trouva!¹⁵Stee a l'erta coi profetta fals, che ve se presenten vestii de pegora, ma de denter hin lader de loff.¹⁶I conossarii da quell, che fan. Se catta forsi l'uga di spin, o i figh di roved?¹⁷L'è per quell, che ogni pianta bonna: la dà bon frut: e ogni pianta cattiva la dà di frut cattiv.¹⁸La pò minga ona bonna pianta dà di frut cattiv: nè ona pianta cattiva la pò dà di bon frut.¹⁹Ogni pianta, che fa minga bon frut, la se taja, e la se butta sul fough.²⁰Donca vialter i conossarii di sò frut.²¹Minga tucc quij, che me dis, Signor, Signor, anda ran in paradis: ma quell, che fa come voeur mè Pader, che l'è in ciel, quell l'andarà in paradis.²²Ghe ne sarà tanti, che allora me disaran: Signor, Signor, ma nun emm minga profettizzaa a tò nomm, e emm minga casciaa via el diavol a tò nomm, e emm minga faa tanti miracoj a tò nomm?²³E allora mì ghe cantaroo ciar: Mi v'hoo mai conossuu: stee a la larga de mi tucc vialter, che avii faa di balossad.²⁴Donca tucc quij, che sent sti mè paroll, e je mett in pratega, el sarà parangonaa a l'omm prudent, che l'ha tiraa su la soa cà sul sass,²⁵E l'è piovuu, e s'è sgonfiaa i fiumm, e han boffaa i vent, e han faa el diavol adree a quella cà, e l'è minga borlada giò: perchè la gh'aveva i fondament sul sass.²⁶Chi se sia, che scolta sti mè paroll, e je mett minga in pratega, el sarà istess de l'omm stupid, che l'ha tiraa su la cà su la sabbia.²⁷È piovuu, e s'è ingrossaa i fiumm, e han ziffolaa i vent, e han faa el diavol adree a quella cà, e l'è bor lada giò cont on gran spettasceri.²⁸È success, che quand Gesù l'ha avuu fenii de parlà, quella frotta de gent l'era incantada de la soa dottrina.²⁹Perchè lu je instruiva, perchè el podeva fall, minga compagn di sè Scriba e Farisee.