El Santo Vangelo segond Mattee 16

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E GHE s'è vesinnaa per tentall i Farisee, e i Saducee: e l'han pregaa de fagh vedė on quai miracol.²Ma lu el gh' ha rispost, e 'l gh'ha ditt: Vialter a la sira disii: Farà bell temp, perchè gh'è el ciel rosa.³E a la mattinna: Incau farà temporal, perchè el ciel l'è scur e ross.⁴Vialter donca conossii el ciel a prima vista: e savii minga i segn del temp? Razza de gent cattiva e adultera, che cerca on segnal: e nissun alter segnal ghe sarà faa, che quell de Giona profetta. E lassandi in libertaa, l'è andaa via.⁵Intanta i sau scolar in del traversà el lagh, s' eren desmentegaa de toù su del pan.⁶E Gesù el gh' ha ditt: Tegnii avert i cucc, e guardev del levaa di Farisee e di Saducee.⁷Ma lor pensaven tra de lor, e diseven: Emm tolt su minga de pan.⁸E naccorgendes Gesù de sta robba, el gh' ha ditt: Perchè stee sora penser, o gent de poca fed, perchè gh' avii minga de pan?⁹Ma capii minga, e ve regordee nò di cinqu micch per i cinqu milla omen, e quanti cavagn vanzaa n'avii tolt su?¹⁰Ve regordee nò di sett micch per i quatter milla omen, e quanti cavagn n'avii tolt su de vanzaa?¹¹Come fee a capì nò, che l' è minga per riguard al pan, che v'hoo ditt: Stee a l'erta col levaa di Farisee, e di Saducee?¹²Allora han capii, che l'aveva minga ditt de sta in gardia dal ferment del pan, ma di massim di Farisee e di Saducee.¹³Gesù peu essend andaa di part de Cesarea de Felipp, el gh'ha faa sta domanda ai seu scolar, disend: La gent cosse la dis del Fiveu de l'omm?¹⁴E lor gh' han rispost: Quajghedun dis, che l'è Giovann Batista, quajghedun Elia, quajghedun Gere mia, o quajvun di profetta.¹⁵E Gesù el gh' ha ditt: E vialter, chi disii, che sont mì?¹⁶Simon Peder el gh ' ha rispost, e'l gh' ha ditt: Tì te see Crist, fieu del Signor vivent.¹⁷E Gesù el gh'ha rispost, e el gh'ha ditt: Fortunaa tì, Simon Bar-Jona: perchè l'è minga nè la carna, nè el sangu, che t'han faa capi sta robba, ma mè Pader, che l'è in ciel.¹⁸E mi te disi a ti, che ti te see Peder, e su sta preja mì tiraroo su la mia gesa, e i port de l'inferna gh'avaran mai forza contra de lee.¹⁹E a tì mì te daroo i cias del paradis. E qualonque robba tì te ligaree su sta terra, la sarà ligada anca in ciel: e qualonque robba t avaree desligaa in terra, la sarà desligada anca in ciel.²⁰Allora el gh' ha daa orden ai sou scolar, che ghe disessen a nissun, che lu l'era Gesù el Crist.²¹Dopo d'allora Gesù l'ha comenzaa a spiegass coi seu scolar, che lu el gh'aveva bisogn d'andà a Gerusa lemm, e ch' el doveva sopportà tanti robb dai vecc, dai Scriba, e dai capp di sazerdott, e ch' el doveva vess mazzaa, e ch' el saria resuscitaa el terz di.²²E Peder tirandel de part, l'ha comenzaa a criagh disendegh: Sarà mai vera, Signor, che te succeda sta robba.²³E lu voltandes a Peder, el gh' ha ditt: Tiret lontan de mi, satanass, tì te me scandalizzet: perchè te gh'hee minga la sapienza del Signor, ma quella di omen.²⁴Allora Gesù el gh' ha ditt ai sou scolar: Chi veur vegni adree a mi, ch'el se desmentega de lu, ch' el ciappa la soa cros, e ch'el me vegna adree.²⁵Perchè chi vorarà salvà l'anima soa, le perdarà: e chi perdarà l'anima soa per causa mia, le trovarà.²⁶Perchè, che util el gh' ha l'omm, s' el guadagna tutt el mond, e pou el perd l'anima? o cosse el gh'ha l'omm, che vara pussée de l'anima?²⁷Perchè el Fioeu de l'omm el vegnarà cont la gloria de sò Pader, e coi sò angioj: allora el ricompensarà a segonda di merit.²⁸In veritaa mi ve disi: In tra quij tai, che gh'è chi, ghe n'è de quij, che moriran minga prima de vede el Fiveu de l'omm a anda in del sò regno.