El Santo Vangelo segond Mattee 6

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹GUARDEE de no fà i vost oper bonn sott ai cucc di omen, cont l'ideja de vess vist de lor: se de nò en sarii minga compensaa de vost Pader, che l'è in ciel.²Quand donca te faree limosina, sonna minga la tromba denanz de ti, come fan i impostor in di ges, e su per i piazz, per vess lodaa di omen: ve disi la veritaa, che quist chì han già goduu la soa paga.³Ma quand tu te fee limosina, fa in moud, che la toa sinistra la sappia minga quell, che fa la toa dritta:⁴Per fà, che la toa limosina la sia de noscondon, e tò Pader, ch' el ghe ved anca de denter, el te compensarà lu.⁵E quand preghee, fee minga come fan i impostor, che cerchen de mettes a pregà o in di ges o in principi di strad, per vess veduu di omen: in veritaa mi ve disi, che quist han giamò ricevuu el fatt sò.⁶Ma tì quand te veut di i orezion, va in cà toa, e dopo saraa su l'uss, prega in segrett tò Pader: e tò Pader, ch'el ghe ved anca de dent, el te compensarà lu.⁷In di orezion disii minga su tanti paroll, come fan i pagan. Perchè lor creden col di su on bordell d'orezion de vess contentaa.⁸Cerchee donca de vess minga compagn de lor. Perchè vost Pader el sa cossa gh'avii besogn, prima che gh'el domnandee.⁹Vialter donca per pregà farii insci: Pader noster, che te see in ciel: che sia santificaa el tò nomm.¹⁰Che vegna el tò regno. Che sia pur faa quell, che te voeut tì, tant in ciel, come in terra.¹¹Dann inceu el noster pan tant de stà in pee.¹²E perdonem i noster debit, istess come nun ghe perdonem a quij tai, che ne dev quajcoss.¹³E metten minga in brusa de fà peccaa. Ma tegnen a la larga del maa. E che la sia insci.¹⁴Perchè se vialter ghe perdonarii ai omen i sou maronad: anca el Signor voster Pader el ve perdonarà i voster scarpon.¹⁵Ma se vialter perdonarii minga ai omen i sò scappusciad: nanca el Signor el ve perdonarà i voster.¹⁶Quand peu digiunee, fee minga el malinconegh come fan i impostor cattiv. Perchè lor se desconscenla faccia, per fà capì ai omen, che digiunen. In veritaa mì ve disi, che lor han già avuu el fatt sò.¹⁷Ma tì, quand te digiunet, vonget el coo, e lavet la faccia,¹⁸Per fà, che no te veden i omen, che te digiunet, ma tò Pader de noscondon: e tò Pader, ch' el te ved de noscondon, el te ne ricompensarà lu.¹⁹Cerchee minga de mett a mucc tesor su la terra: indove la rusgen, e i vermen i sassinen: e indove i lader i dessotteren, e i roben.²⁰Ma cerchee de trà insemma di tesor per el ciel: indove la rusgen, e i vermen i consumen minga, e i lader nè i dessotteren, nè i roben.²¹Perchè indove te gh' hee el tò tesor, te gh'hee el tòcoeur.²²La lumm del l'è el tò cucc. S' el to succ corpel sarà sempliz: tutt el tò corp el sarà trasparent.²³Ma se el tò cucc el sarà guast: tutt el tò corp el sarà nebbiaa. Se pou la lus, che te gh'hee in tì, la deventa scura: cossa sarà el scur?²⁴Nissun pò servì duu padron: perchè o l'odiarà vun, e 'l ghe vorarà ben a l'alter: o el ghe vorarà ben al primm, e 'l despresiarà el segond. Podii minga servi in l'istess temp el Signor, e i danee.²⁵Per quest ve disi: Cascev minga né de quell, che avii de drovà per viv, nè de quell, che avii de drovà per quattav el corp. La vitta la var minga pussee de la robba de mangià: e 'l corp pussee del vestii?²⁶Guardee ai usej de l'aria, che nè somennen, nė tajen, nè impienissen i granee: e 'l voster Pader je manten. Vialter sii minga on bell tocch pussee de lor?²⁷Ma chi l'è de vialter, che pensandegh podarav trovà el vers de slonga d'on trabucch la soa statura?²⁸E perchè ve ciappee fastidi per el vestii? Fee a ment come cressen i gili in campagna: quij là nè lavoren, ne filen.²⁹Eppur mi ve disi, che nanca Salomon cont tutt i mezzi, ch'el gh'aveva, l'è mai staa vestii come vun de quist chì.³⁰Se donca el Signor el vestiss a sta manera l'erba del camp, che inceu la gh'è, e doman la feniss in del forno: quanto pussee vialter, o gent de poca fed?³¹Donca vialter cruzziev minga col dì: Cosse man giaremm, cosse bevaremm, o de cossa se vestiremm?³²Quist hin robb, che cerca chi se sia. Quand voster Pader el sa benissem, che vialter gh'avii besogn de tutt sti robb.³³Cerchee donca prima de tutt el trionf del Signor e la soa giustizia: e gh' avarii de soramaross tutt sti robb.³⁴Sicché cascev minga per el doman. Perchè el doman el ghe pensarà lu. L'è assee vegh on fastidi al di.