El Santo Vangelo segond Mattee 24

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹GESÙ quand l'è staa foeura de gesa, l'andava. E E ghe s' è vesinnaa i sò scolar, per fagh vedé i fabbrich de la gesa.²Ma lu per risposta el gh' ha ditt: Vedii vialter tutt sti robb? In veritaa mì ve disi, che ha minga de restà preja sora preja senza vess trada per aria.³E intant che l'era settaa giò sul mont Olivett, ghe s' è portaa vesin i sò scolar de noscondon, e gh' han ditt: Dimm a nun, quand l'è, che succedarà sti robb? e qual è el segn de quand ti t'hee de vegni a la fin del mond?⁴E Gesù per risposta el gh'a ditt: Guardee, che quajchedun no ve inganna.⁵Perchè tanti vegnaran a mé nomm, disend: Mi sont el Crist: e ingannaran tanta gent.⁶Perchè sentirii parlà de guerr, e de frecass de guerr. Guardee de no stremiv. Perchè bisogna, che sti robb succeden, ma l'è minga nanmò la fin del mond.⁷Perchè ha de saltà su on popol contra l'alter popol, e on domini contra l'alter domini, e ghe sarà di pestilenz, di carestij, di terremott de chì e de là.⁸Ma tutt sti robb no hin, che el principi di dolor.⁹Allora ve buttaran in mezz ai tribuleri, e ve faran mori: e sarii odiaa de tucc i nazion in causa del me nomm.¹⁰E allora tanti se scandalizzaran, e se tradiran, e se odiaran vun cont l'alter.¹¹E saltarà foura di profetta fals, e ingannaran tanta gent.¹²E perchè sarà cressuda la miseria, in tanti se re freggirà la caritaa.¹³Ma chi tegnarà dur finna in fin, quell el se salvarà.¹⁴E sarà predicaa sto Vangeli del regno per tutt el mond, per testimonianza a tutt i nazion: e allora vegnarà la fin del mond.¹⁵Quand donca vedarii l'abbominazion del gran dolor già ditta dal profetta Daniell, logada in d'on sit sant: chi legg, capissa.¹⁶Allora quij tai, che se trovarà in Giudea, che scappen sui montagn:¹⁷E quell tal, che se trovarà sul soree, ch' el vegna minga gid a toù quajcoss de cà soa:¹⁸E quell tal, che sarà in campagna, ch' el torna minga indree a toeu la soa vesta.¹⁹Ma guaj ai donn gravid, e a quij, che lattarà in quij giornad.²⁰E preghee per no fà, ch' abbiev de scappà d'in verno, o in sabet.²¹Perchè allora el tribuleri el sarà tanto pussee de quell, che l'è staa dal prencipi del mond finna al dì d'in cou, e che no sarà mai.²²E se quij giornad saran minga scurtaa, se salvarà nissun: ma quij giornad saran scurtaa per causa di caroeu,²³Allora se quajchedun ve disarà: Ecco chì, ecco là el Crist: degh minga a trà.²⁴Perchè saltarà foeura di Crist fals, e di profetta fals: e faran di gran robb, faran di miracoj, in manera d'in gannà finna (se l'è possibil) i istess carou.²⁵Ecco che mi ve l'hoo ditt prima.²⁶Se donca ve disaran: Ecco che lu l'è in del de sert, movie minga: eccol là in fond, dee minga a trà.²⁷Perchè compagn de la lusnada, che la ven foeura d'orient, e la se fa vede in occident: in l'istessa manera vegnarà el Fioeu de l'omm.²⁸Dove se sia ghe sarà el corp, là se radunarà anca i aquil²⁹Ma subet dopo el tribuleri de quij dì deventarà scur el sò, e la lunna la darà pu la soa lus, e borlarà giò del ciel i stell, e i orden del ciel saran traa sottsora:³⁰Allora el segn del Fiveu de l'omm el se vedarà in ciel: e allora se battaran el stomech tucc i tribù de la terra: e vedaran el Fioeu de l'omm a vegni giò sui nivoj del ciel cont potenza, e maestaa tanta.³¹E'l mandarà i soeu angioj, che cont la tromba e cont ona gran vos radunaran i sò caroeu di quatter vent, da on' estremitaa a l'altra del ciel.³²Imparee pou sta parabola de la pianta de figh: quand el so ramm el deventa moresin e sponta i foeuj, savii, che gh'è vesin l'estaa:³³In l'istessa manera quand vialter vedarii tutt sti robb, savarii, che l'è vesin a la porta.³⁴In veritaa ve disi, che passarà minga sta gene razion, senza che succeda tutt sti robb.³⁵Passarà el ciel e la terra, ma passaran minga i me paroll.³⁶In quanto peu a quell di e a quell' ora nissun le sa, nanca i angioj del ciel, via domà del Pader.³⁷E come l'è staa ai temp de Noè, istess el sarà al moment, che vegnarà el Fieu de l'omm.³⁸Perchè siccome in di di prima del diluvi i omen no pensaven, che a mangià e bev, sposand e dan degh mari ai donn, finna a quell dì, che Noè l'è andaa dent in l'arca,³⁹E s'hin minga curaa, fin a tant ch' è vegnuu el di luvi, e i ha mazzaa tucc: insci ha de succed quand vegnarà el fioeu de l'omm.⁴⁰Allora duu se trovaran in campagna: vun el sarà ciappaa, e l'alter el sarà lassaa stà.⁴¹Dò donn saran al molin a fa masná: voeuna la sarà ciappada, e l'altra lassada stà.⁴²Donca stee in guardia, perchè savii minga, a che ora el vegnarà el voster Signor.⁴³Sappiee però, che se el pader de famiglia el sa vess, a che ora dev vegnì el lader, el starav dessedaa sicur, e el lassarav minga sforzà la soa cà.⁴⁴Per quest anca vialter stee preparaa: perchè el Fioeu de lomm el vegnarà quand men ghe pensee.⁴⁵Chi l'è quell servitor fedel, e prudent, miss dalpadron a la testa de la soa servitù, per scompartigh el mangià a sò temp?⁴⁶Fortunaa quell servitor, ch'el sò padron in del tornà indree, el trouva ch'el fa insci.⁴⁷In veritaa ve disi, ch 'elghe fidarà l'amministra zion de tucc i sò sostanz.⁴⁸Ma se quell servitor cattiv el disarà in del sò coeur: El mè padron el tarda:⁴⁹E'l comenzarà a batt i servitor sò camarada, e a mangià e bev coi ciocch:⁵⁰Vegnarà el padron de sto servitor, in del di, che lu le speccia nò, e in l'ora, che lu el sa nò:⁵¹E le tirarà de part, e 'l ghe darà post tra i impostor. Là ghe sarà lagrim, e dolor de dent.