El Santo Vangelo segond Mattee 19

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹GESÙ,fenii sti discors,l'è andaa via de laGalilea,e l'è andaa de là del Giordan vers i confin de la Giudea,²E gh'è andaa adree tanta gent, e lu i ha faa guarì.³E i Farisee hin andaa a trovall per tentall, e gh' han dit: L' è permess a l'omm per qualonque motiv de refudà soa miee?⁴Lu el gh'ha rispost, e 'l gh' ha ditt: Avii minga leggiuu vialter, che quell, che in principi l'ha faa el primm omm, l'ha creaa mas'c e femmina? E l'ha ditt:⁵Per quest l'omm el bandonnarà pader, e mader, e'l starà insemma a soa miee, e saran ona carna sola in duu.⁶Donca hin minga pu in duu, ma ona carna sola. Donca quell, ch' el Signor l'ha traa insemma, l'omm l'ha minga de dividel.⁷E lor disen: Perchè donca Mosè l'ha daa orden de dà el tarocch de refud, e de divides?⁸El gh' ha rispost: In causa de la durezza del vostercoeur Mosè l'ha permettuu a vialter de refudà i voster miee: però in principi l'era minga insci.⁹Mì però ve disi, che quell, che refudarà soa miee per altra reson, che per adulteri, e ne toeujarà on'altra, el fa on adulteri: e chi sposa ona miee refudada, el fa on adulteri.¹⁰I seu scolar gh' han ditt: Se l'è questa la condizion de l'omm vers la miee,conven minga toeù miee.¹¹E lu el gh'ha rispost: Minga tucc capissen sta parolla, ma domà quij, che gh'è staa daa de capilla.¹²Perchè gh'è di castraa, ch 'hin vegnuu foeura inscì del venter de la mader: e gh'è di castraa, ch' hin staa faa inscì dai omen: e gh'è de quij, che s' hin castraa de per lor per anda in paradis. Capissa chi pò.¹³Allora gh'è staa menaa denanz di fioeu, per fà, ch'el ghe mettess i man su la testa, e 'l pregass. I soeu scolar i strappazzaven.¹⁴E Gesù el gh' ha ditt: Lassee stà in pas i pisci nitt, e impedigh minga de vegnì chì de mì: perchè el paradis l'è de quist chì.¹⁵E dopo vegh miss i man su la testa, l'è andaa via de là.¹⁶In quella ghe va vesin vun, e 'l ghe dis: O bon Maester, cosse faroo mì de bon per avegh la vitta eterna?¹⁷Gesù el gh' ha ditt: Cosse te me domandet a mà quant al ben? Vun sol è bon, el Signor. Se pou te vout rivà a la vitta eterna, sta coi comandament.¹⁸E quai hin? el ghe dis. E Gesù l'ha ditt: Mazza minga: Fa minga adulteri: Roba nò: Fa minga testimoni fals:¹⁹Rispetta pader, e mader: Voeubbiegh ben al tò prossim come a ti.²⁰Ghe rispond el gioven: Hoo semper faa inscì finna de fioeu; donca cosse me manca?²¹Gesù el gh ' ha ditt: Se te veut vess fenii, va, vend quell, che te gh' hee, e daghel ai poveritt, e te gh'avaree on tesor in ciel: e vegnem adree a mi.²²Quand el gioven l'ha sentii sti robb, l'è andaa via malinconegh: perchè el gh' aveva tanta sostanza.²³E Gesù el gh' ha ditt ai soeu scolar: In veritaa mi ve disi, che l'è difficil, che on scior el vaga in paradis.²⁴E de sorapù on'altra volta ve disi: L'è pussee facil, che on cammell el passa per la finestra d'ona guggia, che nè che on scior el vaga in paradis.²⁵I scolar sentend sti robb, restaven incantaa, e dise ven: Chi l'è donca che podarà salvass?²⁶Ma Gesù guardandegh, el gh' ha ditt: Sta robba l'è difficil press i omen: ma per el Signor l'è possibil tutt coss.²⁷Allora Peder respondendegh, el gh'ha ditt: Ecco che nun emm bandonnaa tutt, e te semm vegnuu adree: cosse sarà de nun?²⁸E Gesù el gh' ha ditt: In veritaa mi ve disi, che vialter, che me sii vegnuu adree, in la rigenerazion, quand el Fioeu de l'omm el sarà settaa sul trono de la soa maestaa, ve settarii anca vialter sora dodes troni, e giudi carii i dodes tribù d'Israell.²⁹E chi se sia avarà bandonnaa la cà, i fradej, i sorell, el pader, la mader, la miee, i Fioeu e i campagn per mì, el ricevarà el cent, e'l guadagnarà la vitta eterna.³⁰E tanti, ch' hin staa i primm saran i ultem, e tanti, ch' hin staa i ultem saran i primm.