El Santo Vangelo segond Mattee 14

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹IN quell temp Erod tetrarca l'ha sentuu a parlà tant de Gesù:²E'l gh' ha ditt ai soeu cortesan: Quest chì l'è Giovann Batista, ch' è resuscitaa, e per quest el fa di robb strasordinari.³Perchè Erod, dopo avè faa ciappà e ligà Giovann, l'aveva miss in preson, per causa de Erodiade miee de so fradell.⁴Perchè Giovann el ghe diseva: Ti te podet no tegnì sta donna.⁵E avendegh vuja de fall mori, el gh'ha avuu paura del popol, che le tegneva come on profetta.⁶Ma in del di onomastegh de Erod la tosa de Erodiade l'ha ballaa in mezz, e la gh'è piasuda a Erod.⁷In manera che giurand l'ha promettuu de dagh tutt quell, che l'avess cercaa.⁸E lee preparada de la mamma, la gh' ha ditt: Damm chi in d'ona bazzila la testa de Giovann Batista.⁹L'è deventaa malinconegh el re: ma per via del giurament, e di invidaa, l'ha daa orden, che la ghe fuss dada.¹⁰E l'ha mandaa a fagh tajā via el coo a Giovann in preson.¹¹E la soa testa l'è stada portada su ona bazzila, e la gh'è stada dada a la tosa, e questa ghe l'ha presentada a soa mader.¹²E i seu discepoj hin andaa a toù el sò corp, e l'han sotterraa: e hin andaa a daghen notizia a Gesù.¹³Avend sentuu quest Gesù, el s'è portaa de là in barca, in d'on sit foeura di pee e desert. Quand la gent l'ha savuu sta robba, la gh' ha tegnuu adree a pè di cittaa.¹⁴E saltaa foura de barca, l'ha vist ona gran frotta de gent, l'ha sentuu compassion de lor, e 'l gh' ha faa guari i sou malaa.¹⁵Vegnuu pou scur, ghe s'è portaa vesin i soeu scolar, e gh 'han ditt: El sit l'è desert, e l'è già passaa l'ora: lassa in libertaa el popol, per fà, ch'el vaga in di paes a comprass de mangià.¹⁶Ma Gesù el gh'ha ditt: Gh'han minga besogn d'andà via: degh vialter de mangià.¹⁷Lor gh' han rispost: No gh'emm chi che cinqu micch, e duu pess.¹⁸E lu el gh' ha ditt: Demi chi.¹⁹E avend daa l'orden a la gent de settass giò in su l'erba, l'ha ciappaa i cinqu micch, e i duu pess, l'ha alzaa i cucc al ciel, l'ha daa la benedizion, l'ha rott el pan, ghe l'ha daa ai seu scolar, e lor ghe n'han daa a la gent.²⁰E tucc han mangiaa, e s'hin soddisfaa. E s'è re gojuu dodes cavagn pien de tocch vanzaa.²¹El numer de quij, che ha mangiaa l'è staa cinqu milla omen, senza cuntà i donn, e i fioeu.²²E subet Gesù l'ha obbligaa i soeu scolar a saltă in barca, e andà a specciall su l'altra riva, intanta che lu el lassava in libertaa la gent.²³Dopo lassaa in libertaa tutta la gent, l'è andaa soll in su on mont per dì di orezion là. Vegnuu sira; l'era lu soll in quell sit.²⁴Ma intanta la barca l'era in mezz al mar sbattuda dai ond de chi e de là: perchè gh'era el vent contrari.²⁵Ma a la quarta vegilia de la nott, Gesù el gh'ė andaa incontra passeggiand sul mar.²⁶Quand i sau scolar l'han vist a camminà sul mar, s' hin stremii, e diseven: Quest l'è on fantasma. E s'hin miss a vosà de pagura.²⁷Gesù el gh' ha parlaa subet, disendegh: Fev spirit: sont mì, abbiee minga pagura.²⁸Peder el gh' ha rispost: Signor, se te see tì, comandem de vegnitt incontra su l'acqua.²⁹E lu el gha ditt: Ven. E Peder vegnend foura de la barca, el passeggiava su l'acqua per anda arent a Gesù.³⁰Ma vedend, ch ' el vent l'era fort, el s' è stremii: e cominciand a andà sott acqua, l'ha vosaa disend: Signor, juttem.³¹E Gesù sporgendegh subet la man, l'ha ciappaa: e'l gh' ha ditt: Omm de poca fed, perchè thee dubitaa?³²E dopo ch ' hin staa in barca, el vent el s'è quiettaa.³³Ma quij, che gh'era in barca, ghe s'hin vesinaa, e l'adoraven, disend: Từ te see propi fioeu del Signor.³⁴E traversand el lagh, hin andaa in la terra de Genesar.³⁵E appenna che la gent de quell sit l'han conossuu, han mandaa attorna per tutt el paes, e gh' han presentaa tutt i amalaa:³⁶E gh'han domandaa. in grazia de lassagh toccà domà on boccon del sò vestii. E tucc quij, che l'han toccaa, hin guarii.