El Santo Vangelo segond Mattee 23

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ALLORA Gesù l'ha parlaa a la gent, e ai so scolar,²Disend: Su la cattedra de Mosè s' è settaa giò' i Scriba, e i Farisee.³Donca tutt quell, che ve disaran, tegnill a ment e fell: ma fee minga quell, che fan lor: perchè lor disen, e fan nò.⁴Perchè tran insémma di pes tropp grev, che se po minga portà, e i metten in spalla ai omen: ma lor veuren nanca toccaj cont on did.⁵Fan pou tutt quell, che fan, per vess guardaa di omen: perchè lor slarghen i soeu filer, e porten la franza pussee longa.⁶E ghe pias i primm post a tavola, e i primm cardegh in di sinagogh,⁷E gh' han smania de vess saludaa in piazza, e de vess ciamaa Maester de la gent.⁸Ma vialter cerchee minga de vess ciamaa Maester: perchè el voster Maester l'è vun soll, e vialter sii tucc fradej.⁹E ciamee nissun voster pader a sto mond: perchè l'unich voster Pader l'è quell, ch'è in ciel.¹⁰Nè cerchee de vess ciamaa Maester: perchè l'unich voster Maester l'è Crist.¹¹Quell, ch'è pussee tra de vialter, l'é voster servitor.¹²E quell, che se portarà su de per lu, el sarà traa giò: e quell, che se sbasserà, el sarà portaa pussee.¹³Ma guaj a vialter, ipocrita de Scriba e Farisee: perchè saree in faccia ai omen el paradis. Perchè nèghe andee dent vialter, nè ghe lassee andà chi è adree per andagh.¹⁴Guaj a vialter, Scriba e Farisee ipocrita: perchè mangee foura i cà di vedov, barbottand tanti orazion: per quest sarii giudicaa pussee seriament.¹⁵Guaj a vialter, ipocrita de Scriba e Farisee: per che giree per mar e per terra, per fà on proselit: e ona volta che l'hii faa, el fee deventà demoni el doppi de vialter.¹⁶Guaj a vialter, capitani orb, che disii: Che l'è nagott, che vun l'abbia giuraa per la gesa: ma che se l'ha giuraa per l'or de la gesa, el resta obbligaa.¹⁷Stupid, e orb: perchè, cosse l'è, che santifica pussee, lor, o la gesa?¹⁸E chisessia avarà giuraa a nomm de l'altar, l'è nagott: ma quell, che avarà giuraa per l'offerta, che gh'è su su l'altar, quell' l'è debitor.¹⁹Orb: perchè, cosse l'è, che santifica pussee, l'offerta, o l'altar?²⁰Donca chi giura per l'altar, giura per lu, e per tutt i robb, che gh' è su.²¹E chisessia giura per la gesa, giura per lee, e per chi ghe sta dent.²²E chi giura per el trono del ciel, giura per el trono del Signor, e per chi ghe se setta su.²³Guaj a vialter, ipocrita de Scriba e Farisee: che paghee la decima de la menta, e de l'aneto, e del comino, e avii trascuraa el capp principal de la legg, la giustizia, la misericordia, e la fed. Sti robb l'era necessari de faj; quij alter eren minga de lassà de part.²⁴Capitani orb, che scumee faura on moschin, e mandee giò on cammell.²⁵Guaj a vialter, Scriba e Farisee ipocrit, perchè lavee de foeura biccer e piatt: e de denter sii pien de por carij, e de ladrarij.²⁶Farisee orb, lava prima el de dent del biccer e del tond, perchè inscì deventaran nett anca de foeura.²⁷Guaj a vialter, ipocrita de Scriba e Farisee: per chè sii istess come i sepolcher sbiancaa, che de foura pa ren bej a la gent, ma de denter hin pien de oss de mort, e d'ogni porcaria.²⁸Istess anca vialter de foeura parii bon a la gent: ma de denter sii pien d'impostura e de cattiveria.²⁹Guaj a vialter, ipocrita de Scriba e Farisee, che fabbrichee i sepolcher ai profetta, e fee deventà bej i mo nument di bon,³⁰E disii: Se ghe fussem staa nun al temp di noster vecc, saravem minga staa colpevoj anca nun cont lor del sangu di noster profetta.³¹Inscl provee contra vialter istess, che si fieu de quij, che ha mazzaa i profetta.³²Mettii pur el colmor a la misura di voster pader.³³Serpent razza de viper, come farii vialter a scampà de la condanna de l'inferno?³⁴Per quest, ecco che mi ve mandi di profetta, di sa pient, e di Scriba, e de quist ne mazzarii, ne mettarii in cros, e ne battarii in di voster sinagogh, e i perseguitarii de cittaa in cittaa:³⁵Per fà, che borla sora vialter tutt el sangu giust spantegaa su la terra, cominciand del sangu del bon Abell finna a quell de Zaccaria fieu de Barachia, che vialter avii mazzaa tra la gesa e l'altar.³⁶In veritaa mì ve disi, che tutt quest l'andarà adoss a sta generazion chi.³⁷O Gerusalemm, Gerusalemm, che te mazzet i profetta, che te lapidet quij, che te ven mandaa, quanti voult hoo tentaa de tirà arent i tò fioeu, come la gaijnna, che tira i soeeu poresitt sott ai al, e ti te voruu nò?³⁸Ecco che ve sarà bandonnaa la cà væuja.³⁹Perchè mì ve disi: Da chì innanz me vedariipu, fin a tant che no disarii: Sia benedett quell, che ven in nomm del Signor.