El Santo Vangelo segond Mattee 11

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E l'è success, che Gesù,dopo avè fenii de insegna ai sò scolar, l'è andaa via de là per portass a insegnà, e predicà in di soeu cittaa.²Ma Giovann avend sentii in preson i oper de Gesù Crist, mandandegh duu di soeeu scolar,³El gh' ha ditt: Te see ti quell, ch'ha de vegni, o emm de speciann on alter?⁴E Gesù in risposta el gh' ha ditt: Andee, e portee indree a Giovann quell, che avii sentuu, e veduu.⁵I orb ghe veden, i zopp van, i lebros hin guarii, i sord senten, i mort resusciten, e se ghe insegna el Vangeli ai pover:⁶E fortunaa quell tal, ch' el gh'avarà minga scandol de mi.⁷Ma dopo che quij hin andaa via, Gesù l'ha comen zaa a parlà de Giovann ai frott de gent: Cosse sii andaa a vedė vialter in del desert? ona canna gironzada dal vent?⁸E pur cosse sii andaa a vedė vialter? on omm vestii de delicaa? Quij tai, che se vestiss tropp de delicaa, stan in di palazz di re.⁹E pur cosse sii andaa a vede? on profetta? Si, vel disi mi, quajcoss de pu d'on profetta.¹⁰Perchè quest chi l'è quell tal, che gh'è scritt: Ecco che mi te mandaroo inanz el mé angiol, ch'el te prepararà la strada denanz de ti.¹¹In veritaa mì ve disi: Tra i fioeu di donn è mai nassuu vùn, che sia pussee de Giovann Batista: ma quell, ch'è de men in paradis, l'è pussee de lu.¹²E de quand gh'è Giovann Batista è adess, el paradis el se quista cont la forza, e s'el roben quij, che fa violenza.¹³Perchè la legg, e tutt i profetta han profettizzaa fina a Giovann:¹⁴E se vialter vorii capilla, l'è lu quell'Elia, che doveva vegni.¹⁵E chi gh' ha orecc de senti, che senta.¹⁶A cossa l'è, che somejaroo mi sta razza d'omen? L'è istess de quij bagaj, che stan settaa giò su la piazza, e vosen contra i seu camarada,¹⁷E disen: Nun emm sonaa, è vialter avii minga ballaa: emm cantaa di canzon malinconegh, e vialter avii minga piangiuu.¹⁸Perchè è vegnuu Giovann, che nol mangia, nè 'l bev, disen: El gh' ha adoss el diavol.¹⁹È vegnuu el Fiveu de l'omm, ch'el mangia, e ch' el bev, e disen: Ecco on paccion, e on ciocchee, amis de tutta la razzapaja. E l'è stada reconossuda di sò fioeu la soa sapienza.²⁰Allora lu l'ha comenzaa a rinfacciagh ai cittaa, dove l'aveva faa di miracoj, che no aveven faa penitenza.²¹Guaj a tì, o Corozain, guaj a ti, o Betsaida: perchè se quij miracoj, ch'è staa faa in de vialter, fussen staa faa in Tir e Sidon, avarissen già faa penitenza cont el cilizzi e cont la zener.²²E l'è per quell, che've disi: Che Tir, e Sidon saran trattaa cont men rigor de vialter al di del giudizzi.²³E tì, Cafarnao, te se alzarett fina al ciel? Te saree casciada a l'inferno: perchè, se in Sodoma fuss staa faa i miracoj, ch' è staa faa in di tou mur, Sodoma la ghe saria forsi ancamò al di d' incoeu.²⁴Però mi ve disi, che la terra de Sodoma la sarà trattada men seriament de tì in del di del giudizzi.²⁵Allora Gesù rispondend l'ha ditt: Mi te rin grazii, o Pader, e Signor del ciel e de la terra, perchè thee tegnuu sconduu sti robb ai sapient e ai prudent, e te ghi hee squajaa ai fieu piscinitt.²⁶L' è insci, o Pa, perchè a ti t' è piasuu insci.²⁷Tuttcoss mi m'è staa daa dal Pader. E nissun conoss el fioeu, via del Pader: e nissun conoss el Pader, via del fioeu, e via de quell tal, ch ' el Fiveu el vorarà faghel cognoss.²⁸Vegnii de mì tucc vialter, che sii stracch mazzaa, che mi ve tiraroo su.²⁹Ciappee vialter el mè giov, e imparee de mì, che sont umil decoeur, e trovarii sollev a l'anima vostra.³⁰Perchè el me giov l'è dolz, e 'l mè pes l'ė ligger.