El Santo Vangelo segond Mattee 5

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹QUAND Gesù l'ha vist tutta sta gent, l'è andaa su on mont, e dopo ch' el s'è settaa, gh'è andaa vesin i sou scolar,²E mettendes a parlà, je trava foeura, disendegh:³Com'hin fortunaa i timed: perchè el paradis l'è sò de lor.⁴Com' hin fortunaa i mansuett: perchè quist posse daran la terra.⁵Com' hin fortunaa quij, che piang: perchè quist saran consolaa.⁶Com' hin fortunaa quij, che gh'han famm, e set de giustizia: perchè quist en saran soddisfaa.⁷Com' hin fortunaa quij, che gh' han misericordia: perchè en trovaran anca lor.⁸Com'hin fortunaa i luster de ceur: perchè lor vedaran el Signor.⁹Com' hin fortunaa i pacifegh: perchè saran ciamaa fioeu del Signor.¹⁰Com'hin fortunaa quij, che patiss angarij per reson de giustizia: perchè el paradis l'è sò de lor.¹¹Com'avii de vess fortunaa quand i omen ve male diran, e ve daran la fuga, e v'en diran adree de cott e de crud, per causa mia:¹²Stee allegher, e tegniv de bon, perchè gh'avarii ona bella paga in paradis: perchè l'istessa fuga la gh'è stada dada ai profetta, che gh'era prima de vialter.¹³Vialter sii la saa de la terra. Se la saa la poudeventa gramma, cosse s'ha de drovà de salà? No la sarà pu bonna d'alter, che de buttà via, e i omen la pestaran sott ai pee.¹⁴Vialter sii la lus del mond. La pò minga stò sconduda ona cittaa in spalla a on mont.¹⁵Nè se pizza la lucerna per mettela sott al pedestall, ma sora al candilee, per fà, che la faga ciar a tutta la gent de cà.¹⁶In sta manera l'ha de sbarlusi la vostra lus denanz ai omen: per fà, che abbien de vede i voster bonn azion, e faghen onor al voster Pader, che l'è in paradis.¹⁷Credii minga, che mi sia vegnuu a desfà i legg, o i profetta: sont minga vegnuu per toù de mezz la legg, ma per mettela in pratega.¹⁸Perchè in veritaa mì ve disi, che fin a tant che ciel e terra tiraran là, no se podarà scamottà la legg nanca on cicc, fina a tant che se sia fenii foeura tuttcoss.¹⁹Sicchè quell tal, che andarà a contra a vun de sti comandament de nagotta, e 'l ghe insegnarà a fà istess anca ai omen, el sarà ciamaa piscinin anca in paradis: ma quell, che avarà faa polit, quell el sarà tegnuu quaj coss de bon anca in paradis.²⁰Perchè mì già ve disi, che se el voster trattà el sarà minga pussee de galantomm de quell di Scriba e di Farisee, ghe sarà su el gatt de andà in paradis.²¹Savii, che ai voster antigh gh'è staa ditt: Coppee nissun: e quell, ch'avarà coppaa quajchedun, el sarà reo in giudizzi.²²Intanta mì ve disi: Che quell tal, che se la ciapparà contra al sò fradell, el sarà reo in giudizzi. E quell tal, che gh'avarà ditt adree raca a sò fradell: el sarà reo in confess. E quell tal, che gh'avarà daa del stupid: el sarà reo del fough de l'inferno.²³Se donca tì in del fà l'offerta denanz a l'altar, te vegniss in ment, che tò fradell el ghoha quajeoss cont tì:²⁴Pienta li la toa offerta denanz a l'altar, e va prima a riconciliatt cont tò fradell: e pou torna pur indree a fà la toa offerta.²⁵Giustet in pressa col tò nemis, intanta che te see per strada cont lu: fà, che accident nol te metta per perin di ong del giudes, e el giudes in di ong del minister: e che t'abbiet de feni a anda in gabbia.²⁶In veritaa mì te disi, che no te se la cavaree de li, prima che no t'abbiet pagaa fina a l'ultem ghell.²⁷Avii sentii, che gh'è staa ditt ai antigh: Farii minga d'adulteri.²⁸Ma mi ve disi: Che quell tal, che guardand ona donna el se lassa tirà la gola, denter de lu l'ha già faa adulteri cont lee.²⁹Se peu el tò aucc drizz el te dà scandol, streppel foeura, e buttel de lontan de ti: perchè l'è mej giontagh on member soll, che andà a l'inferno con tutt el corp.³⁰E se la toa man drizza la te dà scandol, moccela via, e buttela de lontan de ti: perchè l'è mej per tì, che te vaga al diavol vun di tò member, che nè che te vaga a l'inferno tutt el corp.³¹È staa ditt anca: Quell tal, che casciarà via la miee, ch'el ghe daga el tarocch de refud.³²Mi però ve disi: Che quell tal, che se divid de la miee, per tutt'altra reson che per adulteri, le fa deventà adultera: e quell, che sposa la donna mal maridada, el fa on adulteri.³³Avii pou sentii, ch'è staa ditt ai antigh: Manca minga al giurament, che thee faa: ma manten la parola al Signor a segonda del tò giurament.³⁴Ma mi ve disi de fà mai nissun giurament: nanca per el ciel, perchè l'è el trono del Signor:³⁵E nanca per la terra, perchè l'è el sgabell di sò pee: è nanca per Gerusalemm, perchè lee l'è la cittaa del gran re:³⁶E te giuraree nanca per el tò coo, perchè te podet minga fà deventà nè bianch, nè negher on tò cavell.³⁷El voster parlà pou nol sia alter che, o si, si: o nò, nò: perchè quell, che cress, el ven de cattiveria.³⁸Avii sentii, ch'è staa ditt: Eucc per cucc, e dent per dent.³⁹Mi però ve disi de fà minga resistenza a chi ve fa maa: ma a quell, che te pesta la ganassa drizza, voltegh là quell'altra.⁴⁰Ma a quell tal, che veur taccà lit cont ti, e por tatt via el sorto, dagh pur anca el tabar.⁴¹E cont quell tal, che te strascinarà adree per on mia, stagh pur insemma anca per duu d'alter.⁴²Dagh pur robba a chi te ne cerca: e voltegh minga el goubb a chi te cercass quajcoss in prestit.⁴³Avii sentii, ch'è staa ditt: Te ghe voraree ben al tò prossim, e te odiaree el tò nemis.⁴⁴Mi invece ve disi: Vorigh ben ai voster nemis, fegh del ben a quij, che ve odia: e preghee per quij tai, che ve fan immati, e ve fan di tabarej:⁴⁵Per fà, che siev fioeu de vost Pader, che l'è in ciel: ch'el fa nass el sô tant per i bon come per i cattiv: e 'l fa piquv tant sora i galantomen come sora i baloss.⁴⁶Perchè, che ricompensa gh'avarii a voregh ben a quij, che ve voeur ben? fan minga oltertant anca i publican?⁴⁷Se saludee domà i voster fradej, cosse fee de pu? fan minga istess anca i gentij?⁴⁸Cerchee donca de vess perfett, come l'è perfett vost Pader, che l'è in paradis.