El Santo Vangelo segond Mattee 10

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E CIAMANDES vesin i sou dodes scolar, el gh'ha daa padronanza sui spirit malign, per podè casciaj via, e per curà tutt i malattij, e tutt i infermitaa.²I nomm di dodes apostoj hin quist. El primm l'è Simon cont in nomm Peder, e Andreja sò fradell,³Giacom fioeu de Zebedee, e Giovann sò fradell, Filipp, e Bartolomee, Tomas, e Mattee el publican, Giacom de Alfee, e Tadee,⁴Simon Cananee, e Giuda Scariott, che l'è quell, che l'ha tradii.⁵Gesù l'ha mandaa attorna sti dodes, comandandegh, e disendegh: Ve mes'ciarii minga cont i gentij, e andarii minga dent in la cittaa di Samaritan.⁶Mа andee putost in mezz ai pegor perduu de la cà d'Israell.⁷Andand attorna pou predichee, e disii: Ch'el paradis l'è vesin.⁸Fee guari i amalaa, resuscitee i 'mort, nettee foeura i lebros, cascee via i demoni: dee via gratis quell, ch'avii ricevuu gratis.⁹Cerchee de tegnii minga in saccoccia nè or, nè argent, nè danee:¹⁰Tegnii minga la bissacca, tegnii minga duu vestiari, nè scarp, nè baston: perchè l'operari el merita el sò sostentament.¹¹E in qualunque cittaa o castell, che andarii denter, informev, chi l'è, che merita pussee là denter: e fermev appress a quell, fin a tant cheandee via.¹²Quand peu andee dent in d'ona cà, fegh el salut, disendegh: Che regna la pas in sta cà.¹³E se sta cà le merita, ghe vegnarà via la pas, che gh'avii auguraa: se peu l'è minga degna, la vostra pas la ve tornarà indree.¹⁴E se quajchedun ve ricevarà minga, o ve darà minga a trà: vegnend foura de quella cà, o de quella cittaa, fee giò la polver di voster pee.¹⁵In veritaa mì ve disi: La sarà castigada men Sodoma, e Gomorra in del di del giudizzi, che nè quella cittaa.¹⁶Mì ve mandi come pegor in mezz ai loff. Siev donca prudent come i serpent, e sempliz come i colomb.¹⁷Guardev però di omen. Perché ve faran mett pé in di compagnij, e ve frustaran su in di sò sinagogh:¹⁸E per causa mia sarii menaa denanz ai president, e ai re come testimoni contra de lor, e contra i nazion.¹⁹Ma quand ghe sarii borlaa in di ong, cascev minga de coss'è, o in che manera abbiev de parlà: perchè ve sarà suggerii in quell' moment quell, che avii de dì su.²⁰Perchè sii minga vialter, che parlee, ma el Spirit de voster Pader l'è quell, che ve parla de denter.²¹E'l fradell el consegnarà a la mort sò fradell, e'l pader el fioeu: e saltaran su i fioeu contra i sò parent, ei mazzaran:²²E sarii odiaa de tucc per causa mia: ma quell, che tegnarà dur fina in fin, el se salvarà.²³Quand pou ve faran tribulà in sta cittaa, scappee in l'altra. In veritaa mi ve disi, che ghe vedarii minga la fin ai cittaa d'Israell, fin a tant che no vegna el Fieu de l'omm.²⁴Gh'è minga scolar, che sia de pu del maester; gh' è minga servitor, che sia de pu del padron.²⁵L ' è assee, ch'el scolar el sia istess del maester: e ch' el servitor el sia istess del padron. Se han ciamaa patron de cà Belzebù, quanto pussee i sò servitor?²⁶Abbiee minga donca paura de lor: perchè gh'è nient de sconduu, che no vaga a vess squajaa: e nient de misterios, che no s'abbia de savè.²⁷Disii pur al ciar quell, che mì ve disi a scur: e predichee sui tecc quell, che v'è staa ditt a l'oreggia.²⁸E abbiee minga paura de quij tai, che mazzen el corp, e poden minga mazzà l'anima: ma abbiee paura putost de quell tal, che pò mandà a l'inferna e anima, e corp.²⁹L'è minga vera, che dò passer se venden per on ghell: e voeuna sola de quist l'andarà minga per terra senza de voster Pader?³⁰Ma i cavej del voster coo hin staa cuntaa tucc.³¹Donca abbiee minga paura: vialter varii pussee d' on gran numer depasser.³²Donca quell tal, che me confessarà mì denanz ai omen, mi el confessaroo lu denanz a mé Pader, che l'è in paradis:³³E quij, che me rinnegarà in faccia ai omen, mì i rinnegaroo denanz a mé Pader, che l'è in paradis.³⁴Credii minga, che mi sia vegnuu in terra a mett pas: sont minga vegnuu a mett pas, ma guerra.³⁵Perchè sont vegnuu a sparti el fioeu del pader, e la tosa de la mader, e la neura de la socera:³⁶E i nemis de l'omm hin i sò servitor.³⁷Chi ghe voeur ben a sò pader o a soa mader pussee che a mi, l'è minga degn de mi: e chi ghe vaur ben a sò fioeu o a soa fioeula pussee che a mi, l'è minga degn de mi.³⁸E chi no ciappa la soa cros, e no me ven adree, l'è minga degn de mi.³⁹Chi ten de cunt la soa vitta, ghe le giontarà: e chi ghe giontarà la vitta per causa mia, le trovarà.⁴⁰Chi ve ricev vialter, me ricev mi: e chi me ricev mi, ricev quell tal, che me manda.⁴¹Chi ricev el profetta in nomm del profetta, ricevarà la paga del profetta: e chi ricevarà on sant'omm in nomm d'on sant' omm, ricevarà la paga de galantomm.⁴²E quell tal, che gh'avarà daa de bev domà on biccer d'acqua fresca a vun de quist pussee piccoj, come a on scolar: in veritaa ve disi, el ghe giontarà minga la soa paga.