El Santo Vangelo segond Mattee 20

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹EL paradis l'è istess d'on pader de famiglia, ch'è an daa de mattina a bonn'ora a cordà di lavorant per la soa vigna.²E essendes cordaa coi lavorant d'on tant al dì, i la mandaa in la soa vigna.³E essend vegnuu foeura de cà vers mezza mattina, n'ha vist di alter, ch'eren spantegaa per piazza a fà na gott,⁴E 'l gh' ha ditt: Andee anca vialter in la mia vigna, e ve daroo quell, che sarà de giusta de dav.⁵E lor hin andaa. L'è tornaa foeura de cà vers mezzdi, e dopo mezzdi: e l'ha faa istess.⁶Vers sira l'è andaa foura de cà ancamò, e n'ha trovaa di alter a fà nagott, e 'l gh' ha ditt: Perchè stee chì tutt el di ozios?⁷E lor han rispost: Perchè nissun n' ha tolt a giornada. E lu gh' ha ditt: Andee anca vialter in la mia vigna.⁸Vegnuu sira, el padron de la vigna el gh' ha ditt al so fattor: Ciamma i lavorant, e paghegh la giornada, comenzand di ultem finna ai primm.⁹Rivaa donca quij, ch'era vegnuu de sira, han ciap paa on danee per un.¹⁰Vegnuu peu anca i primm, se credeven de ciappå de pu: ma gh' han vuu anca lor on danee per un.¹¹In del ciappall barbottaven adree al padron,¹²Disend: Sti ultem che chi, han lavoraa doma on ora, e i ha trattaa istess de nún, ch'emm portaa el pes de la giornada, e del cald.¹³Ma lu l'ha rispost a vun de lor, e l'ha ditt: Amis, mì te foo minga intort: thee minga faa cont mi l'accord d'on danee?¹⁴Ciappa el fatt tò, e va: mì vuj dagh a quest chì, ch'è vegnuu per ultem, quell, che t' hoo daa a tì.¹⁵Poss minga fà quell, che vuj mì? o l'è cattiv el tò oeucc, perchè mi sont bon?¹⁶In sta manera saran ultem i primm, e primm i ul tem. Perchè hin tanti quij, ch'è ciammaa, ma hin pocch i scernii.¹⁷E Gesù in de l'andà a Gerusalemm, l'ha tiraa de part i dodes scolar, e 'l gh' ha ditt:¹⁸Ecco che vemm a Gerusalemm; el fioeu de l'omm el sarà miss in man ai capp di sazerdott, e ai Scriba, e 'l condannaran a la mort,¹⁹E gh' el daran in man ai gentij per mincionall, flagellall , e mettel in cros; ma lu el saltarà su el terz dì.²⁰Allora ghe s'è portaa vesin la mader de Zebedee coi sò fioeu, adorandel e domandandegh quajcoss.²¹E lu el gh' ha ditt: Cosse te væut? Lee la gh' ha ditt: Da orden, che sti mè duu Fioeu se setten giò in del tò regno, vun alla toa dritta, l'alter à la toa sinistra²²Gesù el gh'ha ditt: Savii minga cosse domandee: Podarii vialter bev el caliz, che bevaroo mì? Gh' han rispost: Podem.²³El gh'ha ditt: Si che vialter bevarii el mè caliz: ma in quanto al settass giò o a la mia dritta o a la mia sinistra, tocca minga a mà a disponn; ma el sarà per quis, che ghe l'ha preparaa mè Pader.²⁴Quand i des han sentii sta robba, s'hin inrabbi contra i duu fradej.²⁵Ma Gesù i ha ciamaa press a lu, e 'l gh ' ha ditt: Vialter savii, che i capp di nazion la fan de padron sora de lor: ei seu magnati governen cont autoritaa.²⁶Sarà minga inscì de vialter: ma chionque vorarà deventà quajcoss pussee de vialter, el sarà voster mi nister:²⁷E chi de vialter vorarà vess el primm, el sarà voster servitor.²⁸Istessament el Fioeu de l'omm l'èminga vegnuu per vess servii, ma per servì, e per dà la soa vitta per sal vann tanti.²⁹E in de l'andà foeura de Gerich, gh'è andaa adree ona gran quantitaa de popol.³⁰In quella duu orb, ch' eren settaa giò adree a la strada, avend sentuu a di, che passava Gesù, s' hin miss a vosà, disend: Signor, Fioeu de David, abbia compassion de nun.³¹Ma el popol el ghe sbragiava de stà quiett. Ma lor vosaven pussee fort, disend: Signor, Fioeu de David, abbia compassion de nun.³²E Gesù el s'è fermaa, i ha ciamaa, e 'l gh' ha ditt: Cosse vorii, che ve faga?³³Signor, gh' han rispost, fee in manera, che se derva i noster cucc.³⁴E Gesù, sentend compassion de lor, el gh' ha tocсаа i oeucc. E subet gh' han vist, e gh'hin andaa adree.