El Santo Vangelo segond Mattee 26

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹DOPO che Gesù l'ha avuu fenii tucc sti discors, el Egh' ha ditt ai sau scolar:²Vialter savii, che de chì duu dì el sarà Pasqua, e el Fieu de l'omm el sarà tradii per vess miss in cros.³Allora s'è radunaa i capp di sazerdott, e i pussee vecc del popol in del palazz del capp di sazerdott, ch'el gh' aveva nomm Caifa:⁴E han faa complott de fà ciappà a tradiment Gesù, e mazzall.⁵Ma diseven: Minga in festa, perchè no succeda quai bordell in la popolazion.⁶E intanta che Gesù l'era in Betania in cà de Simon el lebros,⁷Ghe s'è vesinnaa ona donna cont on vas d'ala baster pien d'inguent prezios, e l'ha spantegaa sul coo de lu, che l'era a tavola.⁸Vista sta robba i scolar, s'hin inrabbii, e han ditt: Perchè fà tutt sto consumm?⁹Perchè stinguent se podeva vendel car, e dagh i danee ai poveritt.¹⁰Ma Gesù, che l'ha sentii sta robba, el gh'ha ditt: Perchè fee immati sta donna? In fin l'ha faa per mi ona bella azion.¹¹Perchè de poveritt ghe n'avarii semper insemma: ma mì me gh'avarii minga semper.¹²Perchè quand lee l'ha spantegaa sto inguent sul me corp, l'ha faa come per sotteramm.¹³In veritaa ve disi, che in qualonque part del mond sarà predicaa sto Vangeli, se disarà per regordalla anca quell, che l'ha faa lee.¹⁴Allora vun di dodes, che gh' aveva in nomm Giuda Iscariott, l'è andaa in di capp di sazerdott:¹⁵E'l gh 'ha ditt: Cosse vorii damm a davel in di ong? E lor gh' han promiss trenta danee d'argent.¹⁶E dopo d'allora el cercava el moment bon de tradill.¹⁷Intanta el primm di di azzim s'è vesinaa a Gesù i soeu scolar, e gh' han ditt: Indove l'è, ch' emm de pareggiatt giò la Pasqua?¹⁸Gesù el gh' ha rispost: Andee in cittaa del tal, e disigh: El Maester el dis: El mè moment l'é vesin, mì foo Pasqua in cà toa coi mè scolar.¹⁹E i scolar han faa quell, che Gesù el gh'aveva daa orden de fà, e han preparaa de fà Pasqua.²⁰Quand l'è staa scur, l'era a tavola coi soeu scolar.²¹E intanta che lor mangiaven, l'ha ditt: In veritaa ve disi, che vun de vialter el me tradirà.²²E lor cont gran dispiasė, a vun a vun s' hin miss a di: Sont forsi mì, o Signor?²³Ma lu l'ha rispost, e l'ha ditt: Quell tal, che mett la man in del tond insemma a mi, sto tal el me tradirà.²⁴Però el Fiveu de l'omm el va, come è staa scritt de lu: ma guaj a quell'omm, che per causa soa el fioeu de l'omm el sarà tradii: l'era mej per lu, ch'el fuss mai nassuu.²⁵Ma Giuda, che l'ha peu tradii, el gh' ha rispost: Sont forsi mì, Maester? E lu 'l gh' ha rispost: Te l'hee ditt tì.²⁶E intanta che lor zenaven, Gesù l'ha ciappaa el pan, l'ha benedii, e l'ha rott, e ghe l'ha daa ai scu scolar, e l'ha ditt: Ciappee, e mangee: quest l'è el me corp.²⁷E ciappand el caliz l'ha ringraziaa: e ghe l'ha daa a lor, disend: Bevii tucc de quest.²⁸Perchè quest l'è el mè sangu del testament noeuv, sangu, che per tanti mà perdaroo per fagh perdonà i peccaa.²⁹Ve disi anca: Che mi no bevaroo pu de sto frut de la vit finna a quell dì, che mì el bevaroo noeuv cont vialter in paradis.³⁰E cantand on inno, hin andaa sul mont Olivett.³¹Allora Gesù el gh' ha ditt: Tucc vialter sta nott sarii scandalizzaa per causa mia. Perchè gh'è scritt: Battaroo el pastor, e i pegor de la troppa saran spantegaa.³²Ma appenna che saront resuscitaa, ve andaroo denanz in Galilea.³³Ma Peder el gh' ha rispost, e l'ha ditt: Quand anca tucc avessen de restà scandalizzaa de ti, mì restaroo mai scandalizzaa.³⁴Gesù el gh'ha ditt: In veritaa te disi, che sta nott, prima che canta el gall, te me rinegarett tre volt.³⁵Peder el gh' ha ditt: Se anca avess de mori cont tì, te rinegaroo minga. E istess han ditt tucc i alter scolar.³⁶Allora Gesù l'è andaa insemma a lor in d'on sit, che ghe disen Getsemani, e 'l gh'ha ditt ai seu scolar: Fermev chì, intanta che mi voo là a fà orazion.³⁷E menand adree Peder, e i duu fioeu de Zebedee, l'ha comenzaa a inversass e a deventà malinconegh.³⁸Allora el gh'ha ditt: La mia anima l'è magonenta finna a la mort: fermev chì, e stee dessedaa insemma a mi.³⁹E portandes innanz on poo, el s'è traa per terra, pregand, e disend: Mè Pader, se l'è possibil, che passa via sto caliz de mi; però fa come te væut ti, e minga come vuj mi.⁴⁰E l'è andaa in di soeeu scolar, e i ha trovaa indormentaa, e 'l gh' ha ditt a Peder: Donca avii nanca poduu sta dessedaa on' ora insemma a mì?⁴¹Stee dessedaa, e preghee per no andà a ris'c de vess tentaa. Perchè el spirit l'è pront, ma l'è debola la carna.⁴²E l'è tornaa via per la segonda volta, e l'ha pregaa, disend: Mè Pader, se sto caliz nol pò passà via senza che mi el beva, sia fada la toa volontaa.⁴³E tornaa là ancamò, i ha trovaa indormentaa: perchè i sò aucc de lor eren pesant.⁴⁴E lassandi là, l'è andaa via ancamò, e l'ha pregaa per tre volt, disend i istess paroll.⁴⁵Allora l'è andaa in di soeeu scolar, e 'l gh'ha ditt: Andemm, dormii e riposee: ecco ch ' el moment l'è vesin, e 'l fioeu de l'omm el sarà miss in man ai peccador.⁴⁶Levee su, andemm: ecco che se vesinna quell tal, che m'ha de tradi.⁴⁷Intanta che lu l'era adree anmò a parlà, ecco che riva Giuda vun di dodes, e insemma a lu ona gran frotta de gent cont spad e baston, mandada dai capp di sazerdott, e dai anzian del popol.⁴⁸E quell tal, che l'ha tradii, el gh'aveva daa el segnal, disend: Quell, che mi basaroo, l'è lu; ciappell.⁴⁹E subet dopo, vesinandes a Gesù, l'ha ditt: Addio, Maester. E l'ha basaa.⁵⁰E Gesù el gh'ha ditt: Camarada, cont che intenzion te see vegnuu? Allora ghe s'hin vesinnaa, gh ' han miss i man adoss a Gesù, e l'han tegnuu strecc.⁵¹E in quella vun de quij, che gh'era insemma a Gesù, slongand la man, l'ha tiraa foura la sciabola, e l'ha ferii on servitor del capp di sazerdott, fasendegh saltà via on'oreggia.⁵²Allora Gesù el gh'ha ditt: Torna a mett la toa sciabola a sò post. Perché tucc quij, che drovaran la spada, moriran de spada.⁵³Te credet tì, che mi poda minga pregà mè Pader, ch'el me faria comparì chi denanz pussee de dodes squader d'angioj?⁵⁴Come farav allora a succed quell, che dis i Scrittur, che disen, che l'ha de vess insci?⁵⁵In quell menter Gesù el gh' ha ditt a quella frotta de gent: Sii vegnuu armaa de spad e baston a ciappamm, come se se trattass d'on assassin: sera settaa giò tutt i dì in mezz a vialter in gesa a insegnà, e m'avii mai faa ciappà.⁵⁶Anca tutt quest l'è succeduu, per fà, che se verificass i Scrittur di profetta. Allora tutt i scolar, bandonandel, hin scappaa.⁵⁷Ma quij là dopo ciappaa Gesù, l'han menaa denanz a Caifa capp di sazerdott, dove s'eren tiraa insemma i Scriba e i anzian.⁵⁸E Peder el ghe tegneva adree a la lontana, finna a l'uss del capp di sazerdott. Eandaa denter, l'era settaa giò cont la servitù, per vedè come l'andava a feni.⁵⁹E i capp di sazerdott, e tutt el consili cercaven di testimonianz fals contra Gesù, per fall morì:⁶⁰E con tanti testimoni fals, che s' era presentaa, trovaven minga de testimonianz fals. Finalment è vegnuu duu testimoni fals,⁶¹E han ditt: Quest chi l'ha ditt: Mi poss desfà la gesa, e tornalla a trà insemma in trii di.⁶²E levand su el capp di sazerdott, el gh' ha ditt: Te rispondet nient a quell, che metten giò quist contra de tì?⁶³Ma Gesù el taseva. E'l capp di sazerdott el gh' ha ditt: Te scongiuri per el Signor viv, che te me diset se te see el Crist Fioeu del Signor.⁶⁴Gesù el gh'ha rispost: Ti te l'hee ditt. Anzi ve disi, che vedarii peu dopo el Fiveu de l'omm settaa giò à la dritta de la virtù del Signor, e vegnù sui nivoj del ciel.⁶⁵Allora el capp di sazerdott el s'è strasciaa el vestiari, disend: L'ha bestemmiaa: che bisogn gh'emm nun adess de testimoni? Avii sentii adess la bestemmia:⁶⁶Cosse ven par a vialter? E quij han risponduu: L'è reo de mort.⁶⁷Allora gh 'han spuaa in faccia, e l'han battuu coi pugn; e tanti alter gh' han daa di s'giaff,⁶⁸Disend: Cristo, induvina, chi l'è, che t'ha battuu?⁶⁹Peder peu l'era settaa giò foeura de l'uss: e gh'è andaa vesin ona donna de servizzi, e l'ha gh'ha ditt: Anca ti te seret insemma a Gesù Galileo.⁷⁰Ma lu l'ha negaa in faccia a tucc, disend: Soo nò quell, che te diset.⁷¹E dopo vegnuu foura de la porta, l'ha vist on altra serva, che l'ha ditt a quij, che gh'era là intorna: Anca quest chì l'era insemma a Gesù Nazaren.⁷²E lu l'ha negaa on'altra volta, disend: Conossi minga st' omm chi.⁷³E de lì on poo quij, che gh'era là s'hin vesinaa a Peder, e ghohan ditt: Verament anca từ te see vun de quij: perchè el tò parlà el te fa conoss.⁷⁴Allora lu l'ha comenzaa a bestemmià, e a spergiurà, che l'aveva minga conossuu quell'omm là. E subet el gall l'ha cantaa.⁷⁵E a Peder gh'è vegnuu in ment i paroll, che gh' aveva ditt Gesù: Prima che canta el gall, te me rinegaree tre volt. E andand de foura, l'ha piangiuu de coeur.