El Santo Vangelo segond Mattee 12

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹IN quell temp Gesù l'è passaa in sabetin d'ona campagna de gran: ei sò scolar, che gh'aveven famm s'hin mettuu a cattà di spigh, e a mangiaj.²Avend vist sta robba i Farisee, gh'han ditt a lu: Ecco che i tò scolar fan in sabet quell, che deven minga fà.³Ma lu el gh' ha ditt: Avii minga leggiuu vialter quell, ch'ha faa David, e quij, che gh'era insemma a lu, quand s'hin sentuu famm?⁴Che lu l'è andaa dent in la cà del Signor, e l'ha mangiaa i pagnott, che gh'era pareggiaa, quand nė lu, ne quij, che gh'era cont lu podeven minga mangiaj, ma domà i sazerdott?⁵E avii minga leggiuu in la legg, che in di de sabet i pret in gesa rompen el sabet, e fan minga peccaa?⁶E mi ve foo savè, che gh'è chi vun, che l'è pussee grand de la gesa.⁷Che se vialter savessev cossa veur dì: Me pias la misericordia, e minga el sacrifizzi: avarissev mai con dannaa di innocent:⁸Perchè el fioeu de l'omm l'è padron anca del sabet.⁹Essend andaa via de lì, l'è andaa in la soa sinagoga de lor.¹⁰In quella gh'è li on omm cont ona man secca, è lor l'han interrogaa, disend: L'è permess de fà guari in sabet? Cont l'intenzion de cusall.¹¹Ma lu el gh'ha rispost: Chi l'é de vialter, che avendegh ona pegora, se la ghe borla in d'on foss in sabet, no va a toulla e no le tira foura?¹²Donca on omm l'è minga quajcoss de pu d'ona pegora? Sicché l'è permess de fà del ben anca in sabet.¹³Allora el gh' ha ditt a quell' omm: Slonga la toa man. Lu l'ha slongada, e l'è deventada sana compagn de quell' altra.¹⁴Ma i Farisee, via de li, han tegnuu on complott contra de lu sul moeud de toull de mezz.¹⁵Ma Gesù, che l'ha savuu, el s'è ritiraa de là: e gh'è andaa adree tanti, che lu tucc j'ha guarii:¹⁶E'l gh' ha comandaa sul seri, ch' el fasessen minga sayè.¹⁷Per fà, che succedess quell, ch'era già staa ditt dal profetta Isaia, ch'el dis:¹⁸Ecco el mé fixu, che mì hoo cattaa foeura, el mé carou, che ghe dà tant piasè a l'anima mia. Mettaroo el me Spirit sora de lu, e lu el spantegarà la giustizia in di popolazion.¹⁹El taccarà minga lit, nè el sbragiarà, e la soa vos la sarà sentida de nissun su per i piazz:²⁰Lu el romparà minga la canna creppa, e 'l smor zarà minga el lumin, che fuma, fin a tant che nol faga trionfà la giustizia:²¹Ei omen speraran in del sò nomm.²²Allora gh'è staa presentaa vun cont adoss el diavol, orb e mutt, e l'ha faa guari in manera, ch' el parlava, e 'l ghe vedeva.²³E tutta la gent la restava incantada, e la diseva: L'è forsi quest chì el fioeu de David?²⁴Ma quand i Farisee han sentii sti robb, diseven: Quest chi nol cascia via i diavoj, che cont l'ajutt de Belzebù capp di demoni.²⁵Ma Gesù induvinand i sò penser, el gh' ha ditt: Ogni paes, che ghe sarà denter descordia, el sarà traa a tocch: e ogni cittaa, o famiglia, che sia sottsora, la starà minga in pee.²⁶Ma se satanass el cascia via satanass, l'è in rotta cont lu stess: com'el farà donca a trionfà?²⁷E se mi casci via i diavoj cont l'ajutt de Belzebù, cont l'ajutt de chi i cascen via i voster fioeu? Per quest lor saran voster giudes.²⁸Se peu mì casci via idiavoj contl ajutt del Spirit del Signor, l'è cert donca, che l'è rivada tra vialter la potenza del Signor.²⁹In che manera el podarà vun andà in cà d'on omm fort, e portagh via la robba, se prima nol liga el bulo, per pode saccheggiagh la cà?³⁰Chi ten minga de mì, el m'è contrari: e chi no regouij cont mi, spantega.³¹Per quest mi ve disi: Che ai omen ghe sarà perdonaa ogni peccaa, e ogni besteminia: ma se ghe perdonarà minga la bestemmia contra el Spirit.³²E a chissessia parlass maa contra el Fieu de l'omm, ghe sarà perdonaa: ma a chissessia, che avarà parlaa mal contra el Spiritusant, se ghe perdonarà minga, nè adess, nè mai.³³O dee per bonna la pianta, e per bon el sò frut: o dee per cattiva la pianta, e per cattiv el sò frut: perchè del frut se conoss la pianta.³⁴Razza de viper, come avii de fà a parlà ben vialter, che sii cattiv? Perchè la bocca la parla a segonda del bon coeur.³⁵El galantomm el cava foura del ben d'on tesor bon: e l'omm cattiv el tira foeura del maa d'on tesor cattiv.³⁶Mi donca ve disi, che de qualunque parolla oziosa, che i omen avaran ditt, han de dann cunt in del di del giudizzi.³⁷Perchè i toeu paroll te salvaran, e i tou paroll te condannaran.³⁸Allora quajchedun di Scriba e di Farisee gh'han rispost, disendegh: Maester, gh'avarissem gust de vedett a fà on quaj miracol.³⁹Ma lu el gh' ha rispost: Sta generazion cattiva, e adultera la cerca on miracol: e nissun miracol ghe sarà concess, via de quell de Giona profetta.⁴⁰Perchè siccome Giona l'è staa trii di, e tre nott in del venter de la balenna, insci el fioeu de l'omm el starà trii dì, e tre nott sott terra.⁴¹I omen de Ninive daran su in del dì del giudizzi contra sta nazion, e la condannaran: perchè lor han faa penitenza, quand predicava Giona. E chì gh'è vun, che l'è pussee de Giona.⁴²La reginna del mezzdi la saltarà su in del di del giudizzi contra sta razza d'omen, e le condannerà: perchè lee l'è vegnuda dai confin de la terra a senti la sapienza de Salomon. E chì gh'è vun, che l'è pussee de Salomon⁴³Quand el spirit cattiv l'è vegnuu foeura d'on omm, el va in sit sutt cercand riposs, e le trouva nó.⁴⁴Allora el dis: Tornaroo in cà mia, de dove sont vegnuu foeura. E rivaa, l'ha trovada vouja, nettada coi scoff, e missa a l'orden.⁴⁵Allora el va, e 'l se tira adree sett alter spirit pesg de lu, e van dent a abitalla: e l'ultem stat de sto omm el deventa pesg del primm. Quest l'è quell, ch' ha de succed anca a sta razza infamma.⁴⁶Intanta ch' el parlava a la folla, ecco che la mader, e i sò fradej eren de foura, che cercaven de parlà cont lu.⁴⁷E quajchedun gh 'ha ditt: Toa mader, e i to fradej hin de foura, e cerchen cunt de ti.⁴⁸Ma lu el gh' ha rispost a chi ghe parlava: Chi l'è la mia mader, e chi hin i mè fradej?⁴⁹E slongand la man vers i sò scolar: Quist chì, l'ha ditt, hin la mader, e i fradej, che gh'hoo mi.⁵⁰Perchè chissessia, che fa quell, che vậur me Pader, che l'è in paradis: quest l'è mè fradell, mia sorella, mia mader.