El Santo Vangelo segond Mattee 22

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹GESÙ l'ha comenzaa de capp a parlagh con di pa Erabol, disendegh:²El paradis l'è istess d'on re, che ha faa el sposa lizzi de so fioeu.³E l'ha mandaa i sou servitor a ciamà i invidaa al sposalizzi, ma quist voreven minga andagh.⁴L'ha mandaa anmò di alter servitor, disend: Di sigh ai invidaa: El me disnà l'è già a l'ordin, s'è mazzaa i bou e i animaj ingrassaa, e tutt è pront: vegnii al sposalizzi.⁵Ma quij là ghohan minga daa a trà: e him andaa, vun in campagna, l'alter al negozzi:⁶Gh' è staa di alter poeu, che han ciappaa i sou servitor, e j'han maltrattaa, e mazzaa.⁷Quand el re l'ha sentii sti robb, el s' è inrabbi: e l'ha mandaa i soeu soldaa, che han tajaa a tocch quij omicida, e gh' han brusaa la cittaa.⁸Allora el gh' ha ditt ai seu servitor: El sposalizzi l'era a la via, ma quij, ch'era staa invidaa, eren minga degn de vegnigh.⁹Andee donca al principi d'ogni strada, e tucc quij, che incontree, ciamej al sposalizzi.¹⁰E i soeu servitor andand attorna per i strad, han tiraa insemma tuce quij, ch'han trovaa, e bon e cattiv: e la tavola l'è stada pienna de invidaa.¹¹Ma vegnuu dent el re per vedè quij, che disnava, l'ha veduu là on omm, che l'era minga vestii de sposalizzi.¹²E'l gh'ha ditt: Amis, come thee faa a vegni chi ti avendegh minga la vesta del sposalizzi? Ma quell tal l'ha tasuu.¹³Allora el re el gh' ha ditt ai seu minister: Lighegh' man e pee, e buttell a l'inferno: là ghe sarà de caragnà, e de strillà del dolor de dent.¹⁴Perchè hin tanti quij, ch'è staa ciamaa, ma hin poch i carceu.¹⁵Allora i Farisee tirandes de part, han faa com plott per ciappall in maron a paroll.¹⁶E manden de lu i soeu discepoj de lor cont di Erodian, che gh' han ditt: Maester, nun semm, che tà te see sincer, e che te insegnet la strada del Signor cont la veritaa, senza guardà in faccia a nissun: perchè từ te se curet minga di omen:¹⁷Dinn donca cosse te par a ti: Conven si, o nò pa gagh el cens a Ceser?¹⁸Ma Gesù, ch' el conosseva la soa malizia de lor, l'ha ditt: Impostor, perchè me tentee?¹⁹Fem vedė la moneda del cens. E lor gh'han faa vede on danee.²⁰E Gesù el gh' ha ditt: De chi l'è sta faccia, e st'iscrizion?²¹Gh' han rispost: De Ceser. Allora lu el gh' ha ditt: Degh donca a Ceser quell, ch'è de Ceser: e al Signor quell, ch'è del Signor.²²Sentend sta robba hin restaa incantaa, e pientan del li hin andaa via.²³In quell' istess dì hin andaa a trovall i Sadducee, che hin quij, che dis, che gh'è minga de risurrezion: e l'han interrogaa,²⁴Disend: Maester, Mosè l'ha ditt: Se vun el mour senza fioeu, sò fradell ch'el sposa la soa miee, e ch' el mantegna el scepp de sò fradell.²⁵Gh'era donca tra de nun sett fradej: el primm, che s'è maridaa, l'è mort: e avendegh minga de fioeu, l'ha lassaa la miee a sò fradell.²⁶Istess è success del segond, é del terz finna al settim.²⁷Finalment ultima de tucc è mort anca la donna.²⁸Donca al moment de la risurrezion la sarà la miee de tuce sett, perchè tuce sett ghe l'han avuda.²⁹Ma Gesù el gh' ha rispost: Vialter sbagliee, perchè capii nò i Scrittur, e la potenza del Signor.³⁰Perchè al moment de la risurrezion né i omen toujen miee, né i donn mari: ma hin comè i angioj del Signor in ciel.³¹In quant peu a la risurrezion di mort avii minga leggiuu quell, che v'ha ditt el Signor:³²Mi sont el Dio d' Abramm, el Dio d'Isacch, el Dio de Giacobb? Lu l'è minga el Dio di mort, ma di viv.³³Quand la gent l'ha sentuu sti robb, l'è restada incantada de la soa dottrinna.³⁴Ma i Farisee avend sentuu, che lu el gh'aveva sa raa su la bocca ai Sadducee, s' hin traa insemma:³⁵E vun de lor dottor de legg l'ha interrogaa, ten tandel.³⁶Maester, qual è el gran comandement de la legg?³⁷Gesù el gh' ha ditt: Te ghe voraree ben a Do meneddio cont tutt el tò coeur, cont tutta la toa anima, cont tutt el tò spirit.³⁸Quest l'è el primm, e 'l pussee grand di comandament.³⁹El segond pou l'è istess de quest: Te ghe voraree ben al tò prossim, come a ti stess.⁴⁰De sti duu comandament dipend tutta la legg, e i profetta.⁴¹E essend radunaa insemma i Farisee, Gesù el gh' ha domandaa,⁴²Disendegh: Cosse v'en par de Crist? de chi l'è fioeu? Gh' han rispost: De David.⁴³Lu el gh' ha ditt: Come l'è donca che David in spirit le ciama Signor, disend:⁴⁴El Signor el gh' ha ditt al mè Signor: Settet giò a la mia dritta, fin a tant che mi te faga servi de sgabell i tou nemis?⁴⁵Se donca David le ciama Signor, come el fa a vess sò fioeu?⁴⁶E nissun podeva rispondegh: e de quell di gh'è staa pu nissun, che gh'avess coeur de interrogall.