Lu Santo Vancieliu secunnu Matteo 4

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹ALLURA Gesù foze cunnuciutu allu desiertu de lu Spiritu, ppe venire tantatu de lu diavulu.²E aviennu dijunatu ppe quaranta jurni, e quaranta nuotti, le faciadi fame.³Ed essiennuse abbicinatu lu tantature, le dicette: Si tu si figliu de Dio, fa, chi ste petre se diventassinu pane.⁴Ma illu rispunniennu, le dicette. Sta scrittu: Nno de sulu pane campa l'uomu, ma de tutte chille cose, chi Dio cummanna.⁵Allura lu diavulu lu purtaudi alla citate santa, e ti lu mise supra lu pizzu cchiù avutu de la ghiesia,⁶E le dicette: Si tu sì figliu de Dio, jettate ccà sutta. Ppecchì sta scrittu: Ca t'ha arricummannatu all'anciuli sue, e te pallanu 'nmanu, ppe nun ’ntruzzare a ' ncuna petra.⁷Ma Gesù le rispuse: Sta puru scrittu: Nun tanti tu a Duomine Dio.⁸Allura lu diavulu lu purtaudi a nu munte assai cchiù avutu: e le fice videre tutti li riegni de lu munnu, e le luoru grannizze,⁹E le dicette: Tutte chiste cose te rigalu, basta, chi te 'ngninuocchi, e m'aduri.¹⁰E Gesù le rispunniudi: Vatinne, Satanassu: ppecchì sta scrittu: Adura lu Segnure Dio tue, e serve ad illu sulu.¹¹Allura lu diavulu lu lassaudi: ed eccute ca ti lu accirchianu l'anciuli, e lu servanu.¹²Appena pue ’ntise Gesù, ca Giuvanni era statu misu dintra lu carciru, sinne jiudi ’n Galilea:¹³E lassata la citate de Nazaret, jiudi ad abbitare a Cafarnau, chi è pruopiu ’ncucchia allu mare, ’nfinaita ccu Zabulon, e Neftali:¹⁴Ppe adempiscere coussi chillu, chi avia lassatu dittu lu prafeta Saia:¹⁵La terra de Zabulon, e la terra de Neftali, via via a mare passatu lu Jurdanu, la Galilea de li gienti,¹⁶Lu puopulu, chi caminava allu scuru, vidette na granne jacchera: e chista luce se mustrava ppe chilli, chi stavanu jettati 'nchille reggiuoni alla scuritate de la morte.¹⁷Allura foze, chi Gesù ’ncignaudi a predicare, e a dire: Faciti penitienzia, ppecchì lu riegnu de li cieli è vicinu.¹⁸E caminannu Gesù praja praja de lu mare de Galilea, te vidette dui fratielli, Simune, chiamatu Pietru, e 'Ndria lu frate sue, chi jettavanu a mare la rite (ppecchi eranu piscaturi),¹⁹E disse ad illi: Veniti arrietu de mie, ca ve fazzu piscaturi de uomini.²⁰Ed illi ’nzubitu, te jettaru le riti, e le jierudi appriessu.²¹De llà passannu avanti, te vidette n'autri dui fratielli, Giacumu de Zibideu, e lu frate Giuvanni, dintra na varchicella ’nzeme de lu patre luoru Zibideu, chi cuglianu le riti: e le chiamaudi.²²Echisti liestu, abbannunu le riti e lu patre, e ti lu sieguu puru.²³E girijannu Gesù ppe ’ntuornu tutta la Galilea, dannu ’nzegnamientu alle luoru sinicoche, e predicannu lu vancieliu de lu riegnu, te sana tutti li languri, e ' nfiermitati de lu puopulu.²⁴'Nzubitu se spanniu la fama de illu ppe tutta la Siria, e li se prisentaru tutti li malisani, chini de duluri, chilli ccu lu diavulu ’ncuorpu, autri ccu lu guai de la luna, e mienzi musci, e tille sana.²⁵E le jiudi appriessu na frattaria de gente de la Galilea, e de la Decapoli, de Gerusalemme, de la Judea, e de li paisi chilla banna lu Jurdanu.