Lu Santo Vancieliu secunnu Matteo 22

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

¹E RISPUNNIENNU Gesù, le parrau n'autra vota ’mparabula, diciennu:²Simile è fattu lu riegnu de li cieli a nu rre, chi ’nzurau lu figliu.³E mannau li siervi sue a chiamare li cummitati a lu sponsaliziu, e nun vulianu venire.⁴Dapere mannaudi autri servituri, diciennu: Diciti alli cummitati, ca lu pranzu mio è apparicchiatu, li tauri, e l'animali de cunserva sù ammazzati, e tuttu è pruontu: veniti allu sponsaliziu.⁵Ma chilli un cce pensaru: e sinne jieru, chine alla campagna, e chine allu neguoziu:⁶L'autri pue se tinneru li servituri, l'inchieru de male parole, e l'ammazzaru.⁷’Ntisu chistu lu rre, se ’nzirrau: e mannati li surdati sue, distruggiu chilli micidiari, e vrusciau le citati luoru.⁸Allura disse alli servituri sue: Lu sponsaliziu è pruontu, ma chilli, chi eranu cummitati, un ne fozeru digni.⁹Jati dunca a li capi de li strate, e'nsocchi truvati, chiamatille allu zitaggiu.¹⁰Ed esciuti li servituri ’nmienzu la via, cungregaru tutti chilli, chi truvaru, mali e buoni: e s'inchieru le tavule de cummitati.¹¹Trasiu lü rre ppe videre li cummitati, e vidette n' uomu, chi ud era vestutu de zitaggiu.¹²E le disse: Amicu, cuomu ccà trasisti senza vesta de zitaggiu? Ma chillu ammutuliu.¹³Allura disse lu rre a li ministri: Ligatilu manu e piedi, e jettatilu a le tenebri esteriuri: llà cce succede chiantu, e strucinijamientu de dienti.¹⁴Ca multi sù chiamati, ma puochi sunu l'alietti.¹⁵Allura jiennusene li Farasei, ' ncignaru a cuncertare de lu pigliare alle parole.¹⁶E le mannanu li discipuli luoru ’nzeme ccu zierti Rodiani, diciennu: Mastru, sapimu, ca sì verace, e ’ nziegni la via de Dio secunnu la veritate, e nun te curi de autru: ca nun guardi ’ nfacce all'uomini:¹⁷Dinne addunca cchì tinne pare, è licitu, o no de pagare lu tributu a Cesare?¹⁸Ma Gesù canusciuta la malandrineria luoru, disse: Ppecchi me tantati, o ippuocriti?¹⁹Mustratime la munita de lu tributu. Ed illi le prisentaru nu dinaru.²⁰E Gesù le diciudi: De chin' è sta 'mmaggine e sta scrizzione?²¹Le dicudi: De Cesare. Tannu disse ad illi: Renniti addunca a Cesare le cose, chi sunu de Cesare: e a Dio chille, chi sunu de Dio.²²Sentiennu chistu restaru arrimisi, e lu lassaru, e sinne jieru.²³’Nchillu jurnu lu jetteru a truvare li Sadducei, chi neganu la risurrezzione: e lu addimmiannaru,²⁴Diciennu: Mastru, Musè disse: Si 'ncunu more nun aviennu figli, lu frate sue se pò spusare la mugliere de illu ppe ne mantenire lu casatu.²⁵Cc'eranu fra de nue sette frati: e lu primu, ’nzuratuse, muriu: e nun aviennu figli, lassavu la mu gliere a lu frate.²⁶De lu stiessu muodu abbinne allu secunnu, e lu tierzu 'nzinca allu siettimu.²⁷All' urtimu de tutti pue muriudi la mugliere.²⁸A la risurrezzione a chine de li sette appartene la mugliere? ca tutti l'avieru.²⁹Rispunniennu Gesù, le disse: Vue sbagliati; nun capiti le Scritture, nnè lu putire de Dio.³⁰Ppecchi alla risurrezzione nnè l'uomini se'nzuranu, nné le fimmine se maritanu: ma divenanu cuomu anciuli de Dio’ncielu.³¹De la risurrezzione de li muorti ud aviti liettu chillu, chi disse Dio, diciennuve:³²Io signu lu Dio d ' Abbramu, u Dio d'Isaccu, lu Dio de Giacuobbu? Illu nun è lu Dio de li muorti, ma de li vivi.³³E sentiennu le turbe, se maravigliavanu de la duttrina sua.³⁴Li Farasei pue sentiennu, ch'avia chiusu la vucca alli Sadducei, se unieru ’nzeme:³⁵Ed unu de luoru, dutture de la legge, ppe lu tantare lu ’nterrugavu:³⁶Mastru, qual'è lu granne cummannamienta de la legge?³⁷Le disse Gesù: Ama lu Segnure Dio tue ccu tuttu lu core tue, e ccu tutta l'anima tua, e ccu tutta la mente tua.³⁸Chistu è lu massimu, e lu primu cummannamientu.³⁹Lu secunnu pue è simile a chissu: Ama lu pruossimu tue cuomu te stiessu.⁴⁰'Nchisti dui cummannamienti cunsiste l'universa legge, e li prufieti.⁴¹De pue cungregati li Farasei, le ’nterrugau Gesù,⁴²Diciennu: Cchi vinne pare de Cristu? de chine è figliu? Le dicu: De Davide.⁴³Le disse: Cuomu dunca Davide a spiritu lu chiama Segnure, diciennu:⁴⁴Lu Segnure ha dittu allu Segnure mio: Assettate alla destra mia, ’ nfinca ch'io mintissi li nimici tue ppe vancu de li piedi tue?⁴⁵Si addunca Davide lu chiama Segnure, cuomu ė figliu sue?⁴⁶E nisciunu le putia rispunnere parola: nnè cce foze 'ncunu, chi de chillu jurnu a pue tentassi de lu ’ nterrugare.